من يجى يومين كده كنت بقلب على القنوات ووصلت لقناة الناس ... كان عليها برنامج فضفضة .... وكان اللى بيتكلم الشيخ سالم


وكان بيتكلم عن المسيح الدجال ... بالتفاصيل خالص ... وكل كلامة أورده من أحاديث الرسول صلى الله عليه وسلم


وحبيت انى اقولكم على أهم حاجتين سمعتهم


الأولى : علامات ظهور المسيح الدجال:ـ


ـ1ـ عدم ذكر سيرة المسيح سواء من قبل الناس بينهم وبعض أو من قبل العلماء والدعاة والشيوخ على المنابر او ما شابه.......... والعلامة دى بدأت فى الظهور ... فحاول كده تفتكر امتى آخر مرة حد كلمك أو سمعت حتى بالصدفة حد بيتكلم عن المسيح الدجال، وبالتالى ذكروا بعضكم بيه دائما

ـ2ـ ظهور الاختلاف .... والعلامة دى برضوا بدأت فى الظهور تلاقى الناس بتختلف مع بعض على ابسط الحاجات وساعات كمان بتكون فرعيات .


ـ3ـ مش فاكرة كان عنوانها ايه انما المعنى ان المساجد تكون بلا فائدة ومهجورة ... فالمساجد فى بداية الإسلام كانت هى كل شئ فى الدولة .... فقد كانت المساجد منارات العلم ... والمحاكم لحل المشاكل ..مأوى لعابر السبيل... الخ


وستجد أيضا أن هذه العلامة قد بدأت فى الظهور فقد اصبحت المساجد للصلاة وتغلق بعدها مباشرة


ـ4ـ وتبقى لدينا هذه العلامة الآخيرة ..... والتى ما أن تظهر حتى يظهر المسيح الدجال مباشرة


وهى انه سوف تأتى على العالم ثلاث سنوات فتنة .... ففى السنة الأولى يأمر الله الأرض أن تمسك ثلث نباتها ... والسماء أن تمسك ثلث ماءها .... أما فى السنة الثانية فيأمر الله الأرض أن تمسك ثلثى نباتها ... والسماء ثلثى ماءها .... والسنة الثالثة وهى الأصعب ... يأمر الله الأرض ان تمسك كل نباتها ... والسماء كل ماءها

وبعدها يظهر المسيح الدجال مباشرة .... حيث يفتن الناس بأنه ينزل الماء من السماء وينبت النبات من الأرض وغيره ...... وقد بدأت بوادر هذه العلامة الأخيرة .... حيث تجد المجاعات تنتشر فى العالم .... وكذلك نسب المياه فى تناقص ... وذلك من تقارير الأمم المتحدة


الثانية : كيف ننجو من فتنة المسيح الدجال :ـ


ـ 1ـ حفظ أول 10 آيات من سورة الكهف

ـ2ـ الدعاء الذى أوصى به الرسول صلى الله عليه وسلم قبل التسليم الآخير وبعد تلاوة التهشد وهو" اللهم إنى اعوذ بك من فتنة المحيا والممات وفتنة المسيح الدجال"

ـ3ـ الإلتحاق بمكة والمدينة إن استطعت ... لأنه كما ذكر الرسول صلى الله عليه وسلم لن يستطيع المساس بمكة المدينة ولن يدخلها




وبدعوكم إنكم تقروا أكتر وتعرفوا عن المسيح الدجال ( صفاته ـ مكانه حالياً ـ الخ )ـ

19 شاركونى:

علاء يقول...

ربنا يبارك فيكي على النقل القيم

ربنا يحميكي و يحفظك
و يقينا و و اياكم الفتنة

نـــــــور يقول...

جزاكِ الله خيرا على الكلام الطيب دا
ربنا يجعله في ميزان حسناتك إن شا ءالله

ويحفظنا واياكم من شر هذه الفتنة يارب

vetrinary يقول...

لا حول ولا قوة الا بالله

بمناسبه الساعه
فعلا انا متاخر اوى
هضطر اقوم

طالب اخوانى يقول...

جزاك الله خيرا على هذا الموضوع الطيب .. ويا ريت تظبطلنا دماعنا بحاجات ذى دى على طول

شروق الشمس يقول...

جزاكم الله خيرا..

والتدوينة دي فكرتني بأجمل كتاب قرأته من أجمل كتب قرأتها وهو كتاب (ما لا يسع المسلم جهله) كتاب في غاية الروعة عرفت منه حاجات مينفعش فعلا المسلم يجهلها وكان منها المسيحي الدجال وعرفت معلومة عمري ما هنساها وهي
ـ بس بأسلوبي ـ
إن الصحابة سألوا الرسول صلى الله عليه وسلم عن اليوم اللي هينزل فيه المسيحي الدجال فقالهم إن اليوم ده هيكون بأربعون ليلة مما تعدون فسألوه طب يارسول الله هنعمل إيه في الصلاة هنصلي بردوا خمس صلوات ـ شوفتوا الصحابة بيفكروا في إيه ـ رد عليهم رسول الله وقالهم لا إنتم تحسبوا بين كل صلاة والثانية أد إيه وتصلوا يعني في اليوم ده هنصلي صلاة لأربعين يوم.. أعتقد دي معلومة جديدة لكتير.. يا إما الجميع يعرفها وأنا جاهلة بيها

محمد عبدالجليل يقول...

جزاك الله كل خير علي هذه المعلومات

عمرو المصري يقول...

الي اولئك الذين المهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

mo'men mohamed يقول...

جزاك الله كل خير اختى على الإهتمام بذلك الشان
وربنا يجعله فى ميزان حسناتك يا رب
السلام عليكم

بنت أبيها يقول...

علاء

آآآآآمين


-----------------------------------

نور

أهلا وسهلا بيكى فى المدونة

جزانا وإياكى ... آآآآمين


-----------------------------------

vetrinary

اهلا وسهلا بيك فى المدونة


-----------------------------------

طالب اخوانى

اهلا وسهلا بيك فى المدونة

اتمنى انى اقدر افيدكم دايما

بنت أبيها يقول...

شروق الشمس

وانا اقول المدونة منورة اتارى الشمس اشرقت عندنا

اهلا وسهلا بيكى فى المدونة

وانا برضوا كنت اول مرة اسمعها لما الشيخ سالم قالها .... حقيقى الحلقة كلها كانت جميلة جدا


-----------------------------------

محمد عبد الجليل

جزانا وإياكم


-----------------------------------

عمرو المصري

اهلا وسهلا بيك فى المدونة

اكيد حصل لخبطة وكنت تقصد ترد على الموضوع السابق

-----------------------------------

mo'men mohamed

اهلا وسهلا يبك فى المدونة

جزاان واياكم

وعليكم السلام

nickname يقول...

قناة الناس

قناة البؤساء

و الرعاع و السوقيين

و كمان قناة مجموعة أغبيه

آسف

مجموعة أذكيه يستغلون الأغبيه

:)

هيك أزبط

شروق الشمس يقول...

ده نورك ياجميل
على فكرة عجباني بجد مدونتك جدا والأنشودة.. والمواضيع

ربنا يجعله في ميزان حسناتك

بنت أبيها يقول...

nickname

اهلا وسهلا بيك فى المدونة

بالنسبة لقصة قناة الناس حاليا احنا مش بنتكلم عنها مباشرة

انما انا بتكلم عن برنامج لاقيته وشيخ فاضل تكلم فيه .... عن موضوع ليس فيه اى استغلال للاغبياء

وانما هو موضوع هام ان كل مسلم ومسلمة يكونوا على معرفة بيه


-----------------------------------

شروق الشمس


احرجتينى بذوقك يا جميل

آآآآآآمين

علاء يقول...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

oOo_Mariam_oOo يقول...

ربنا يكرمك على تذكيريك لينا و النقل الجيد ده.. و الله برافو عليكي

ربنا يرحمنا برحمته

تحياتي ليكي

حائر في دنيا الله يقول...

ربنا يكرمك ويخليك ويجازيك ويجعله في ميزان حسناتك

يارب

المواطن المطحون يقول...

السلام عليكم
بوست جميل جدا الله يجازيكي خير عليه
ويوجد المزيد عن الموضوع في الرابط التالي
http://www.bafree.net/forum/archive/-4673.htm

حقى اهرتل يقول...

ده موضوع شائك جدا انا مش بحب اتكلم فيه
بس احذرى من قناة الوهابيين دى

القادم من الريف يقول...

السلا م عليكم



جز اكم الله خير


تحيا تى