فى البداية انا بعتذر لمدونتى ولقراء المدونة .... من عدم كتابة اى موضوع جديد فى الفترة الماضية ... والفترة القادمة

وذلك لانشغالى فى مشروع تدريبى يسمى




وهو مشروع على مستوى الجامعات اذا كان حد سمع عنه فى جامعته

وحقيقى المشروع ده هدفه فى الاول والاخر تنمية مهارات الطلبة ...بمحاضرات تنمية بشرية ... نظرى وعملى ... وغيرها من الوسائل


فأتمنى إنى ان شاء الله اظبط فيها دماغى ... وبعدين اجى انقل ليكم كل اللى استفدته واتعلمته من المشروع


عشان تظبطوا دماغكم


والمشروع بدأ من يوم 1/7 وهينتهى يوم 11/7


فاعذرونى للإنقطاع فى الفترة دى ... وتأجيلى للكتابة فى المدونة


لكن مع وعد إن شاء الله انى هنقل ليكم كل حاجة اخدتها .... وفى الغالب هتكون عروض بور بوينت


وفى النهاية وقبل الختام بهنئ فريق الأهلى على فوزه بكأس مصر ... وحقيقى الواحد كان ماشى فى الشارع تحس ان كل الناس متجمعة قدام التيفزيونات ... ومشغلاها بأعلى صوت ... ده غير التفاعل مع الحدث بكل قوة مبهرة


حقيقى حسيت ان الشعب بيتابع آخر آخبار معركة 73 وهتافات الفرح ... من أجل النصر فى المعركة



اشوفكم بعد يوم 11/7 إن شاء الله


دعواتكم

8 شاركونى:

علاء يقول...

المدونة قبلت اعتذارك
بس انا مش قابله
:)
ساعة قبل ما تنامي كل يوم
ميضرش يعني
:)

mo'men mohamed يقول...

بصراحة مسمعتش عنه قبل كده
بس على العموم
ربنا يوفقك وترجع بالسلامة
السلام عليكم

Hosam يقول...

عزيزتى
المهارات مش محتاج مشروع وبس علشان تتنما محتاجه فكر واحساس وعقل عاوز يعرف ومحتاجه كمان حد يحب يفهمك وحد تحبى تفهمى منه
فهمتى حاجه
سلام

بالله المستعان يقول...

انا اخدت الباثواي هو حلو اوي بس نصحتي ليكي حاولي تستغلي الكلوثنج باقصي مجهود عندك
لانها تجربه جامده اوي

ربنا يوفاك
لو في اي سوال
يسعدني التواصل معكي
:)

بنت أبيها يقول...

بشمهندس علاء

المشروع واخد كل الوقت ... حتى النص ساعة اللى قبل ما انام دى بحضر فيها حاجات خاصة بتانى يوم او لآخر يوم فى المشروع

والواحد واخد نفسه النهاردة يا دوبك بس ... عشان النهاردة الجمعة اجازة

-----------------------------------

mo'men mohamed

لو حضرتك طالب فى الجامعة .... يبقى لازم تسأل عنها.... وتستفيد من الدورات اللى بيقدمها المشروع

وهما بيعملوا دورات فى اجازة اخر السنة ... ودورات تانية فى أجازة نص السنة ... والتخرج بشهادة معتمدة

-----------------------------------

hosam

أهلا وسهلا بيك فى المدونة

صحيح معاك حق ... بس المشروع ده كان قبله استمارات ومقابلات شخصية وامتحانات ... يعنى احنا داخلينا بمزاجنا ... بعد كل مراحل الانتقاء من الطلبة

يعنى اللى داخل اكيد عقل وعايز يعرف ومحتاجه كمان

وفهمت وجه نظرك

-----------------------------------

بالله المستعان


اهلا وسهلا بيكى يا قمر فى المدنة

وبالتوفيق فى مدونتك

طيب لو اى سؤال اتواصل معاكى ازاى

انا شوفت البروفايل بتاعك ومش موجود فيه الاميل بتاعك

بنت الاخوان يقول...

بنت الاخوان
ربنا يعينك وانا مستنية بفارغ الصبر مدونتك ومستنية كمان استفيد من خبرتك فى المشروع ده لعل وعسى تعوضينا عن عدم مشاركتنا فية
وربنا معاكي

القادم من الريف يقول...

بنت ابيها


احسن حا جه ان الاخوان معظمهم اهلويه
هههههههههه
بصر احه مقا بلتش اخ لحد الان زملكاوى
تفتكرى ليه؟
اسف للتاخير فى التعليق عندك

تحيا تى

بنت أبيها يقول...

بنت الاخوان

اهلا وسهلا بيكى يا قمر فى المدونة

ودايما تنورى المدونة

وان شاء الله اى حاجة عن المشروع هحطها .... لكن لما توصل ليا

لانهم هيعملوا اسطوانات لينا


-----------------------------------

القادم من الريف

حضرتك فهمت غلط

انا مش اهلاوية ... ولا ليا فى الموضوع

انما حبيت اعلق لانى فى اليوم ده كنت بشترى حاجات .... وبجد كنت مذهولة من التجمهر على التفلزيون فى كل مكان اروحه ...وكمان الزيطة اللى كانت بتحصل كل ما اى جون يدخل

حسيت ان الناس بتابع مصيرها ومصير بلدها .. ولا حاجة

بس