ولاد بلدى ناس مبدعين ومبتكرين


جواهم مواهب كتير مستخبية


وقت الشدة ووقت الزنقة


تلاقى كله طلع وميه ميه


بس عيبهم انهم على رزقهم مستعجلين


وابداعاتهم فى صفحة الحوادث بيها متظبطين


ليه يا ابن بلدى دماغك النضيفة دى


تخليك تروح فى سين وجيم


كلنا عارفين ان ظروف البلد متهببة وزفت الطين


بس دماغك ممكن تخليك تروح فى الله ينور عليك يا كبير


انت بس ظبط دماغك ... تتظبط حياتك

مع استماعى لخبر اغتيال بى نظير بوتو حزنت ووجدت شريط الاحداث العنيفة والدموية - التى بدأت تحدث مؤخراً فى عالمنا العربي والاسلامى - يمر أمام ناظرى ...

فهذه تفجيرات الرياض (السعودية)2004



وهذه تفجيرات شرم الشيخ (مصر)2005

وهذه تفجيرات الجزائر 2006

وتفجيرات فى المغرب 2007


وبلدان التفجيرات فيها مستمرة

فلسطين

لبنان


افغانستان


العراق





حتى انك تجد احداث العنف والجريمة بدأت تظهر اكثر فى افلامنا العربية التى كانت قديما معظمها يدور احداثها عن قصة حب تنتهى بعد حل العقبات بالزواج .
كل ذلك يجعلك تدرك أن عالمنا العربي والاسلامي بدأ يتجه تدريجيا ليحاكى العالم الغربي

من انتشار العنف والتصفيات السياسية العنيفة


وكأنها عدوى تنتشر من مكان لآخر


فإلى أين يذهب عالمنا العربي والاسلامي

آلا يمكننا أن نعود بالزمن للوراء


نعود به إلى زمن البركة فى المأكل والملبس والمال والوقت والكثير .

نعود به إلى زمن الروح الطيبة التى كانت تسود المعاملات بين البشر .

نعود به إلى زمن الابتسامة التى تخرج صادقة من القلب وليس نفاقاً .
نعود به إلى زمن خوف الاخ على اخيه وشعوره به .

نعود به إلى زمن خوف الجار على جاره وشعوره به .
نعود به إلى زمن الشهامة والرجولة والشجاعة والتضحية .
نعود به إلى زمن تردد وخوف الإنسان من ارتكاب الذنب والجريمة .

نعود به إلى زمن الضمائر الحية .

نعود به إلى زمن الأمن والأمان .

نعود به إلى زمن الرضا والقناعة .

هل ترانا نعود يوماً إلى هذا الزمن الجميل
لفيف من الاطفال ينتظرون رؤية الضحية وهى تذبح

مجموعة بتقضى العيد فى تشجيع اما فودافون او الاهلى


صورة ضحية قبل ذبحها ... بس مش اللى كان الاطفال بيتفرجوا عليها ... غيرها


تم بحمد الله افتتاح المدونة السويفية الجماعية



ندعوكم لزيارتها ومتابعتها


ونتمنى ان نفيدكم


وكل عام وانتم بخير
قال رسول الله صلى الله عليه وسلم


" سَبْعَةٌ يُظِلُّهُمُ اللَّهُ فِي ظِلِّهِ يَوْمَ لاَظِلَّ إِلاَّ ظِلُّهُ "




وذكر منهم








" وَرَجُلٌ قَلْبُهُ مُعَلَّقٌ بالْمَسَاجِدِ "









لم تحمله هذه الأرجل الصناعية ، بل حمله قلبه ..



تـُرى كم من رجل أقعده قلبه ولم تـُقعده رجلاه ....؟

When any thing going to be bad

I know that you will be with me

When I need you

I know that you will be with me


When I call you

I know that you hear me


When my Brain confuses

I know that you will send a massage to me


So thank you god

For all Blessing





اسالكم الدعاء لاختنا صاحبة مدونة بنات افكارى




فهى فى اشد الحاجة الى دعائكم هذه الفترة
دعوة لمدونى بنى سويف


لانشاء مدونة جماعية تتحدث عن بنى سويف


الفكرة بدات لما المدون بيجاسوس المصرى كتب تدوينة وذكر فيها مدونين بنى سويف


وكان الاقتراح لانشاء رابطة تدوينية للسوايفية


الفكرة لسه تحت الانشان


يعنى ان شاء الله هنفكر مع بعض للموضوع


يعنى هنخليله راس ورجلين وزراعين


وكده


فكل مدون سويفى متفق معانا وعنده استعداد انه يكون فى هذه الرابطة


يسيبلنا ميله على الياهو


وان شاء الله نتفق مع بعض على ميعاد ونتقابل كلنا على الياهو ونظبط الموضوع


والباب مفتوح لاى اقتراحات مش شرط من مدونين بنى سويف وانما من اى مدون يحب يساعدنا فى فكرتنا
الجيش





اصبحت هذه الكلمة بمثابة بعبع الشباب

فالكل لا يريد ان يدخل الجيش

الكل يتمنى أن يأخذ الاعفاء



الكل يقول لأهله ان يدعوا له بأخذ الإعفاء


وهناك من يتحايل على الامر ولا يكتفى بالتمنى والدعاء


فهناك من يتمارض ويأتى بالشهادات الطبية المزيفة

وهناك من ياخذ برشام ليبدوا ضعيف القلب او ما شابه


وهناك من يتهرب من الجيش


وهناك من يقطع اصبع يده او قدمه


والعديد من الوسائل التى اصبح الشباب يبتكروا فيها


لمجرد أخذ الاعفاء


فلماذا اصبح دخول الجيش بعبع بالنسبة لهم


هل لان الجيش عبارة عن سباب وشتائم وجوع وبهدله ومرمطة






ام ان شبابنا اعتادوا على الترف والراحة والرخاء


ام ان سنوات الجيش ستقطع من عمره وقت يستطيع ان يجهز نفسه فيه ويهؤهل نفسه للزواج




ام ماذا؟؟؟؟؟؟؟


وسؤالى الاخير هوه



لماذا اصبح دخول الجيش بعبع او آفة بالنسبة للشباب؟؟؟؟؟؟؟؟


هل لديكم اجابة






تاج وصلنى من بنات افكارى








قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى ؟


قلت اختار عصر الملك فاروق ... اشمعنى ... عشان كان عصر الانجليز ومحاربة المحتل .... يمكن ربنا ساعتها كان كتبلى شهادة ... اصلى عايزة اموت شهيدة ان شاء الله


أول أولوية فى حياتك عيلتك ولا شغلك ولا اصحابك؟

والله الاولوية دى بتتحدد على حسب الموقف اللى انا فيه



وكل موقف بظروفه واولوياته


ايه أكتر حاجة بتحبها فى رمضان ؟



جو رمضان وروحانياته ورقة القلب فيه


اوصف أجمل فطار ممكن تفطره؟


سواء فطار فى يوم عادى او فى رمضان ... لما الفطار بيكون مع لمة بحبها اياً كان الاكل ايه ... بيكون اجمل فطار فطرته فى حياتى


لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟


مممممممممممم ... انا مش هاخد السؤال بمعناه الحرفى

انما هجاب عليه على اساس انى ممكن اكون حاكمة فى فترة من الزمن على اخواتى الاصغر منى فى حالة غياب بابا وماما او سفرهم

واقدر اقولك انى مش هكون عادلة لان هنا مش بتكون بقواعد واحد اتنين

لانه بتحكمها العلاقات الانسانية ورصيد كل واحد

مين أكتر اعلامى مصرى بتحترمه ؟


لا حقيقى الاعلام المصرى بدأ يكون فيه نوع من التطور وان كان بسيط

وده من ناحية تعاطيه مع قضايا الفساد فى البلد

وفيه اعلاميين كويسين منهم منى الشاذلى صاحبة برنامج العاشرة مساءا

ومحمود سعد فى برنامج البيت بيتك


لو ممكن تشتغل شغلانة تانية كنت تتمنى تبقى ايه ؟؟

شغلانة تانية ... شغلانة تانية
مدرسة فى حضانة اطفال

ايه تانى بلد تتمنى تعيش فيها بعد مصر ؟؟

مش محتاجة انك تسألينى السعودية طبعا

عشان املى عينى كل يوم بيت الله الحرام

اوصف ترتيبات اجمل فرح ممكن تحضره ؟

هوه انا هقولك على ترتيبات فرح جميل خالص انا حضرته

كان فى سمالوط فى المنيا واجمل ما فى الفرح كان الزفة يا بنتى

واحنا فى الزفة اللى هيا قبل من الكوافير للنادى

الموضوع كان عامل زى ما يكون مظاهرة مش فرح

كان الصف الاول شابين ماسكين لافتة تهنئة من الاخوان المسلمين بالعروسين

ووراهم على طول اشبال كتييير قوى وماسكين بالونات بس طبعا منظمين فى صفوف

ووراهم الشباب والرجال وكانوا كتيير

وبعديهم عربية نص نقل وكان فيها سماعات وميكروفون وكان اخو العروسة مغنى فى فرقة

فكان ماسك المايك وعامل يغنى وشباب تانى معاه بيضربوا بالدف

ووراهم بقى العربيات

اللمة دى فضلت ماشية ولفت البلد لحد ما وصلنا عند طريق العربيات وخلصت

ورحنا بعد كده النادى

وكان عند البنات عاملين صفين وكل واحدة منهم ماسكة اطواق مزوقنهم

بس كده وبعدين الفرح بدأ عادى

حقيقى الفرح ده عمرى ما هنساه

يلا عقبال فرحك كده وانا اعملك اجمد ترتيب ليه

بس انتى انوى بس

بتراعى كلام الناس والقيل والقال ؟؟ ولو اه او لا قول ليه ؟

بصى يا قمر

عمر ما كلام الناس هيثبت على حال ولا هيخلص

وانا مش ناوية يجيلى الضغط بدرى

بس


صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟

هيا طبعا السعادة مش هتكون مطلقة

انما اقدر اقولك ان وقت كتير منى هيضيع

وناس كتير ممكن ما تلاقينيش

وانا برضوا ممكن ما الاقيش ناس اكون محتاجاهم

وناس مسافرة مش هسمع صوتها ولا اشوفهم

السعادة هى ..؟

حقيقى ردك على السؤال ده جميل عشان كده هستعير ردك

قيل للسعادة اين تسكنين؟...................................قالت فى قلوب الراضين
قيل فبما تتغذين؟.......................................قالت من قوة ايمانهم
قيل بما تدومين؟.......................................قالت بحسن تدبيرهم
قيل فبما تستجلبين؟..............قالت ان تعلم النفس ان لن يصيبها الا ماكتب الله لها
قيل فبما ترحلين؟................قالت بالطمع بعد القناعة
وبالحرص بعد السماحة وبالهم بعد السرور وبالشك بعد اليقين

عندك أمل ؟ اسبابك ؟

اكيد طبعا

يعنى لو الامل ضاع منك يبقى انتى ضعتى

لما بتحب تهرب من كل شئ بتروح فين ؟؟

كان الاول بروح عند صديقة ليا انتيمتى

لكن هيا حاليا مسافرة خارج مصر (يارب ترجع بالسلامة)ـ

فبالتالى ممكن اخرج اتمشى على الكورنيش او ادخل انام

امتى اول مرة خدت فيها نفس طويل وقلت ياااه انا فعلا كبرت ؟؟

مريت بازمة وحليتها لوحدى من غير تدخل حد من العائلة

حسيت ساعتها انى ممكن اعتمد على نفسى ويعتمد عليا

بتشرب سجاير ؟؟ وايه شعورك اما ست او راجل بيشرب سجاير ؟ ليه ؟

لا الحمد لله

حقيقى بقول ربنا يهدى

لان اللى هما فيه وباء

بتعرف ايدك اليمين من الشمال ازاى ؟؟

ايدى اليمين على اليمين

والشمال على الشمال

ايه اكتر الة موسيقية بتحبها ؟

مفيش

فى رأيك ليه الذوق والنخوة اتعدموا ؟

هو ممكن تسألى ليه قلوا

لان انا بحس ان دايما العادات السيئة تكتسب سريعا عن العادات الحسنة

والشعب بيتعلم من بعضه

ايه الحاجة اللى لو حصلت لك حتبقى سعيد اوى ؟

انى اسافر

تحب يبقى عندك ارض زراعية ولااجنس عربيات ولاكام عمارة ولافلوس فى البنك ؟

كام عمارة

عشان كنت أأجرهم باسعار مخفضة عشان احل ازمة الشقة للخطاب

وبالمرة نخفف الازمة السكانية

البحر ولا النيل ؟

هوه مينفعش الاتنين

كل واحد وليه وقته

مركب ولا طيارة ؟

مركب

مجنون ولا عاقل ؟

مجاقل

تقرا كتاب ولا تتفرج على فيلم ؟

على حسب موضوع الكتاب وموضوع الفيلم

تمرر التاج ده لمين ؟

اخيرا وصلت للاخر

امرره لـ

حور الجنة

my finger print

بيجاسوس المصرى

ايه اللى بيحصل

كدا وبتاع

خبيب

بحب الحرية

حائر فى دنيا الله

مللت الصمت

وشرفك يا بلدى سحابة وتعدى

حياتنا كلمات

جميلة بو حريد

دعوة لن تموت

احلى ما فى الدنيا

كلنا عارفين طبعا حديث الرسول صلى الله عليه وسلم الخاص بصيام الست من شوال بعد شهر رمضان

قال كان صلى الله عليه وسلم : (من صام رمضان ثم أتبعه ستاً من شوال فذلك صيام الدهر


فكنت اخد معناه ان صيام رمضان ثم صيام ست ايام من شهر شوال كانما صيام الدهر




والمعنى أن من واظب على صيام رمضان وستة أيام من شوال في كل سنة فكأنما صام طوال حياته


وذلك لان من صام رمضان وستاً من شوال فكأنما صام سنة واحدة


وذلك لأن الحسنة بعشرة أمثالها


فصيام شهر رمضان يساوي عشرة شهور


أما صيام 6 أيام من شوال يساوي شهرين وهما المكملان للسنة





جاء العيد ومعه اول فرحة من فرحتى الصائم ... فرحة عند فطره

فالعيد هو يوم الجائزة

واليوم القلب متقلب بين حزن على فراق رمضان



ورجاء من ان يتقبل الله منا جميع اعمالنا فى شهره الكريم

وفرحة بلقاء العيد والفطر



فكل عام وانتم بخير








ربى إنى بباك ... اطرقه


أستغفرك ... اتوب إليك


أسترحمك ... أستعطفك


أرجوك


اقبلنى من التائبين ... العابدين ... الحامدين


اجعلنى من عتقائك من النار


واحسن خاتمتى

كلمات اعجبتى


تمر اللحظات .. و الدقائق .. تمر الايام


يوم تلو اليوم تمر اعمارنه .. عاما بعد عام


.ترتحل عنا الذكريات سريعا


فهل يا رمضان هذاا العام ستترك فينا بصمات


و ذكريات تخلد معنا فى حياتنا الدنيا و تشفع لنا بها عند رب البريه ؟؟كعادته كل عام


يمر علينا مرور الكرام .. ما لبسنا مرحبين فغدونا مودعين كلنا يعلم مدى شوقنا لزيارتك فانت تغيب عنا و تعدنا بعد كل عام زياره


ننتظرك .. نعد العده للقياك .. فانت الضيف الودود يجتمع حولك الاهل و الاحباب بصغيرهم و كبيرهم .. يانسوا بك


فلا نشعر بالوقت يمضى سريعا ..و يابى الدهر ان يتركنا فى رحابك


فوجودك له حكمه و ارتحالك له سبب .. و ياليت العام كله رمضان اخوتى و احبائى قد تنظروا الى المقدمه و تقولوا لسه بدرى او الشهر لم ينتصف بعد


و لكن لو تذكروتم اننا كنا بالامس القريب نقول غدا رمضان و كانها غفوه او ساعه


و ووجدنا انفسنا تخطينا ايام و ليالى مباركات من هذا لاالشهر


فاذكركم عسى ان تجد كلماتى لديكم صدى .. تنبيها لا اكثرو لت ايام الرحمه


و كان لابد من وقفه فليقف كل منا امام خطته و ليقيم نفسه و ليضف كل منا سوال واحدا اضافيا


هل رحمنا الناس ليرحمنا ربنا فى ايام الرحمه كما قال نبينا صلى الله عليه وسلم " ارحموا من فى الارض يرحمكم من فى السماء " ؟؟


و تعاودنا الفرصه من جديد .. مرحله جديده باهداف و استراتيجيه جديده فقاعده الرحمه " ارحم ترحم "


اما قاعده المغفره " و ليعفوا و ليصفحوا " برده اصفح عن الناس و عن من ظلمك يصفح الله عنك و يعفو و يخاطبك ربك برحمه


و هو يعلم كيف هو تشعر و اناتك من ظلم بنى البشر لك سمعها فيخاطبك ليزيد دافعيتك و يثبتك على العفو


و الصفح الجميل " وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ ؟؟؟ "


عشان نستشعر فعلا قيمه المرحله التانيه ( ايام المغفره العشره ) و فضلها


افتكروا الآثام و المعاصى امسك ورقه و قلم و اكتب و افتكر قول الله تبارك و تعالى " و يعلم ما جرحتم بالنهار " افتكر قبل رمضان


فى الصيف .. الكليه .. و افضل ارجع لورا وصلت لثانوى .. ؟؟عنيك دمعت و لا لسه ؟


دا انت قلبك قاسى اووووى


ازاى نسيت كل ده ؟؟


و ازاى كنت بتبص لنفسك و تقول انا الحمد لله كويس و ملتزم


و كل ما تشوف واحد على معصيه يضغر فى عينك و تبص له بامتعاض " ايه اللى بيعمله ده ؟؟ "


" كذلك كنتم من قبل فمن الله عليكم " تعالوا نعيد لانفسنا التواضع و الذل و الخشوع بين يد الله .. و نقول للنفس وداعا للعجب و الغرور لا


تنسى كيف كان حالك و الى الى ماذا مآلك


بعتذر عن الاطاله و ربنما يصلح لنا الحال و اياكم
فيه عادات كده خاصة برمضان الواحد جايز بيشوفها كل رمضان دايما


ومنها العادات الكويسة ومنها العادات السيئة



انك تلاقى الشباب يلموا بعض قبل الفطار بنص ساعة او اكتر ويلعبوا كرة قدم




ان تلاقى طوابير قبل المغرب على بياع التمر الهندى والعرقسوس



مع ان السنة الافطار على لبن او تمر او ماء


انك تلاقى الاطفال والكبار بيتجمعوا من كل حته وتروح تتفرج على المدفع وهوه بيضرب وبعدين يجروا يروحوا وهما فرحانين



انك تلاقى اكتر موسم بينشط فيه بيع الزبادى هوه رمضان




انك تلاقى الخيم الرمضانية بتنتشر فى كل مسجد

انك تلاقى السهرات الرمضانية اللى ملهاش علاقة اساسا برمضان


انك تلاقى الشباب يسهر لحد السحور فى الشارع وعلى القهاوى وبعدين يتسحر وينام


انك تلاقى العائلات يعزموا بعض


ويتلموا مع بعض على اكلة واحدة


انك تلاقى المسحراتى بيلف الشوارع وقت السحور



انك تلاقى الاطفال بعض الفطار يخرجوا للشارع

ومعاهم الفوانيس ويغنوا اغانى رمضان


والفرحة مش سايعاهم


انك تلاقى كل يوم بعد الفطار شخص يخبط عليك ويقولك "لله"ـ

انك تلاقى البيتوت متزينة والشوارع متزوقة

انك تلاقى المساجد متزينة بالانوار الجميلة



احاسيس جميلة قوى لما تتمشى فى الشارع بالليل فى رمضان


وتشوف كل الحاجات اللى بتحسسك بروعة رمضان


تحديث
متنسوش ادلى بصوتك فى السؤال
-------------------------------------------------



لما بتكون رايح مصيف
مش بتخطط لكل يوم هتعمل فيه ايه


ده كمان ساعات بتخطط كل ساعة هتعمل ايه


وتقول دول كلهم كام يوم هقضيهم فى المصيف

هوه انا كل يوم بصيف


لازم استغل كل وقت وكل دقيقة فيه

طيب هوه رمضان عندنا اقل من المصيف او رحلة او معسكر بتخطط ليه


طيب هخطط وهحط ايه

اليكم بعض الاقتراحات :ـ

1- جهز 30 دعوة وكل دعوة هتكون مخصصة ليوم

يعنى اليوم كله فى كل صلواتك بتدعى الدعوة دى .


2- حدد لنفسك هتختم القرآن فى رمضان كام مرة.. وقسمه على أيام الشهر .


3- حدد لنفسك صدقة يومية .. وهتديها لمين او هتحطها فين

حتى لو ربع جنيه كل يوم ... المهم الاستمرارية .



4- حدد لنفسك 30 ذكر

بحيث كل يوم ذكر يظل لسانك يردده طوال


وتكون عارف فايدة الذكر وانت بتردده ومستشعر فائدته .


5- حدد فى اي مسجد سوف تصلى التراويح


وحدد لنفسك صحبة تمرون على بعضكم البعض للذهاب للصلاة .



6-حدد عدد الركعات التى سوف تصليها فى التهجد .


7-ارفع شعار ... لن تفوتنى اى صلاة فى المسجد ... مهما كان


8- احرص على القيام برحلة حج وعمرة يوميا فى رمضان



(( من صلى الصبح في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة ))



9- ظبط وحدد الاوقات اللى هتقضيها امام التلفزيون والنت

ويفضل كثيرا الامتناع عن التلفزيون
10- اعمل على افطار صائم يوميا فى رمضان حتى تصوم رمضان مرتين



ويمكن ذلك باعداد وجبة لفقير .. او متسول

او حتى شخص غريب لا تعرفه


ومن الممكن ان يكون معك تمر تهديه لمن تراه فى يومك


وتوصيه بان يفطر عليه ويدعو لك او تعزم اقارب او اصدقاء على افطار




11- اعمل مخطط خاص للايام العشر الاواخر

وكذلك مخطط مفصل بكل ساعة من الليل خاصة ليلة القدر

----------------------------------------