احيانا تصيبنا بعض الأمراض النفسية ... قد يسميها الدعاة فتور .... وقد يسميها علماء علم النفس اكتئاب

ولكن لا تهمنا الآن التسميات .... وإنما تهمنا المشكلة

نقدر نوصفها ان الواحد ساعات بيحس انه مش عايز يكلم حد ولا حد يكلمه


ولو ماشى فى الشارع نفسه ميشوفش حد يعرفه

وساعات نفسه ينعزل عن العالم ويقعد فى البيت ويقضى حياته كده


وساعات يفكر انه يسيب مهامه الدعوية

وساعات .... حاجات كتير ...... بس بتفرق من واحد للتانى

فى الحقيقة الاعراض دى طبيعية بتحصل للجميع

لكن اللى مش طبيعى فى الموضوع ان الاعراض دى تفضل موجودة عندك فترة كبيرة

ومتفكرش انك تعالجها ... او تستشير حد يساعدك فى حلها

طيب ازاى الواحد لما تحصله الاعراض دى يعالجها

الاول ممكن نتكلم عن اسبابها

ممكن تحصل بسبب بعد عن الله سبحانه وتعالى ... وده بيجى بسبب قصور فى العبادات .. والأوراد بشكل عام

مشاكل فى الحلقة التربوية .. عدم انتظام ... مشاكل مع الافراد نفسهم

مشاكل مع الاصدقاء .. وخصوصا المقربين

مشاكل فى المنزل

ممكن حاجات تانية كتيير ... بتفرق من واحد للتانى برضوا

عشان كده اول ما تبدأ الاعراض دى بالظهور ابدأ من أول سبب وامشى معاهم واحد واحد وشوف المشكلة فين وحلها
يعنى قوى العلاقة بينك وبين الله

احرص على الحضور والانتظام فى الحلقة التربوية ... وإن لم يكن العيب منك ... فاحرص على أن تذهب إلى حلقة منتظمة


لا تدع اى مشاكل بينك وبين اصدقائك او اخوانك ... تكون سبباً فى بعدك عنهم

عالج مشاكلك العائلية أولا بأول ... ولا تجعلها تتراكم

تكلم مع شخص تستريح معه عن ذلك الشعور وما تمر به .... وإن لم يكن فاكتب مشاعرك فى دفتر مذكراتك أو على ورقة .... لا يهم اى طريقة تختار



ولكن المهم أن تخرج هذه المشاعر حتى تستريح ... وتعود كما كنت من جديد

وفى النهاية يجب ان تتذكر أنك تعمل عند الله سبحانه وتعالى ... فاجعل عملك مخلصاً لوجه الكريم

ولو وضعت فى ذهنك دائما انك تعمل لله ... وتفكر دائما فيما سوف تجنيه من ثواب من وراء عملك ... فلا أعتقد أن أى مشكلة مع أى شخص .. أو بأى سبب آخر قد تجعلك تتوقف عن عملك او حياتك الطبيعية

21 شاركونى:

محمد عبدالجليل يقول...

جزاك الله خيرا فعلا موضوع أفادني شخصيا

elfagreya يقول...

جزاكى الله خيرا

تدوينة جمييييلة فعلا

المشكلة احيانا اكون عارفة الأسباب
واطنش
لغاية ما الموضوع يكبر
وارجع اقول حصل كده ليه

--------
اخت من بنى سويف
ده بالنسبة لى تعارف جديد
عشان معرفش حد من بنى سويف خالص

ربنا ييسرلك الخير ويهدينا لما يحب ويرضى

عصفور المدينة يقول...

لا تستغربي من سرعة تعليقي
أقرأ بسرعة بفضل الله
قرأت تدوينتك
وفيها نقاط عملية جدا
وخاصة قفل أبواب المشاكل التي قد تؤثر على النفسية دون أن يشعر الإنسان ويكون رد فعله ليس في اتجاهها بل في اتجاه آخر ربما يكون اتجاه الدعوة أو الالتزام
بارك الله فيك

المجاهدة يقول...

ربنا يكرمك على الموضوع المميز
:)


فعلاً... اياً كانت المشكلة
الواحد يظبط علاقته مع ربنا

و كل حاجة بعد كده بتتظبط تباعاً

المهم الاخذ بالاسباب.. و الواحد يعمل الي عليه

و يكون مع ربنا.. ربنا يسيّرله الكون كيف يشاء باللي فيه الخير ليه

:)
ربنا يكرمك

ياسر مدني ...دينامو الإخوان يقول...

المشاكل مهما كثرت أو تكاثرت فإننا لابد ان نعلم أن هناك رب كبير وليس هم كبير ومن كان همه الله كفاه الله هموم الدنيا

ولا انتو ايه رأيكو

الطائر الحزين يقول...

جزاك الله خيرا
اصبت اشياء عضال ببساطة شديدة كلنا يعانى مما ذكرت
بارك الله فيك

بنت أبيها يقول...

محمد عبد الجليل

جزانا واياكم

-----------------------------------

الفجرية

نورتى المدونة يا قمر ...جزانا واياكم

ويشرفنى انا كمان انى اتعرف بيكى

-----------------------------------

عصفور المدينة

اهلا وسهلا بحضرتك فى المدونة


اهم حاجة انك تتنتقل من النظرية الى العملية ثم الى التطبيق وده الاهم

وصحيح فعلا ساعات الواحد مشاكل من جه بتاثر على جه تانية

-----------------------------------

المجاهدة

نورتى المدونة

والمهم فعلا التظبيط فى كل حاجة

لان احنا لازم نعرف اننا عايشين فى منظومة متكاملة

واى جزء ممكن يكون ليه تاثير كبير

واكبر حاجة بتاثر فى حياتنا سواء بالسلب او الايجاب هيا علاقتنا بربنا

-----------------------------------

دينامو الاخوان

اهلا وسهلا بحضرتك فى المدونة

وفعلا زى ما قلت ان علاقتنا بربنا ليها اكبر التاثير على كل حاجة فى حياتنا

وبمناسبة كلامك افتكرت كلمة جميلة جدا

لا تقل يا رب عندى هم كبير ... ولكن قل يا هم عندى رب كريم

-----------------------------------

الطائر الحزين

اهلا وسهلا بحضرتك فى المدونة

وفعلا الحاجات الصغيرة دى بتفضل تتراكم على بعضها لحد ما لاقيها بقت كبيرة

والمهم اننا نحس بيها فى اولها ونعالجها

ومنستهونش بيها

علاء يقول...

سلام عليكم

أنا فعلا كنت لسه هاكتب عن فترات الفتور
و ان شاء الله غالبا تدوينتي الجاية هتكون عنها

كل واحد فينا بيمر بفترة فتور
لكن المهم انه يعرف ازاي يعالجها زي ما قلتي
موضوع قيم جدا و فائدته عظيمة
ربنا يبارك فيكي و يحفظك
و يجعلك من أهل الجنة

و دي أول زيارة هنا و ان شاء الله أكون من الزوار الدائمين

أخت مسلمة يقول...

صدقتي والله

اهم حاجة نستشعر معني اننا نعمل عند الله

جزاكي الله خيرا كثيرا

مهندس زراعي يقول...

بوست جميل ورائع بجد

تسلمي على كل حرف وكلمة كتبتيها

تحياتي لكِ

امام الجيل يقول...

اه فعلا حكاية الفتور دى قاتلة خصوصا لما بتزيد الواحد بيقلق على نفسه ويقوا امتا ارجع زى الاول مش عارف الواحد عايزله ايه عشان يرجع زى الاول ربنا يهدى الجميع

محمد النجار يقول...

جزاك الله خيرا
فعلا موضوع رائع حسس الواحد انه حصله ريفريش

ياسر سليم يقول...

انا باين جيت المدونة دى قبل كده
مش أول مرة ..

عموماً الموضوع جميل .. والأجمل اختيارك للصور .. بسم الله ما شاء الله عندك ذوق عالى فى أختيار الصور

ربنا يوفقك ..
وديماً كده ندخل هنا نظبط الدماغ

تحياتى

أُكتب بالرصاص يقول...

تدوينة جميلة
بس لي رجاء


ياريت تغييري الاغنية المصاحبة للمدونة
لانها بتجيب العصبي

بنت أبيها يقول...

علاء

اهلا وسهلا بحضرتك فى المدونة


والفتور فعلا شئ مهم لازم نهتم بيه ، لانه بيأثر كتير على الإنسان وعلى أداءه لأعماله

-----------------------------------

اخت مسلمة

نورتى المدونة يا جميل

والشعور بالعمل لله والاخلاص فى العمل ليه هيظبط حاجات كتير عندنا ... وهيمنعنا من السقوط فى سقطات او ما يعوق عملنا


-----------------------------------

مهندس زراعى

اهلا وسهلا بحضرتك فى المدونة

ومتشكرة على كلماتك


-----------------------------------

امام الجيل


نسأل الله الثبات ... ويرزقنا الاخلاص

-----------------------------------

محمد النجار

جزانا وإياكم


-----------------------------------

ياسر سليم

أهلا بعودتك للمدونة للمرة التانية

متشكرة على كلماتك واتمنى انى اقدر افيدكم بجد

-----------------------------------

اكتب بالرصاص

اهلا وسهلا بيكى يا قمر فى المدونة

وحقيقى انا متأسفة إذا كانت الاغنية جابت لحضرتك العصبى

بس عن تجربة ... انا بعملها لما بدخل اى مدونة ومش عاجبانى الاغنية او محتاجة هدوء ... ببساطة بوقف تشغيل الاغنية اول ما صفحة المدونة تفتح

ولك منى تحية

أُكتب بالرصاص يقول...

اختي العزيزة

المسألة مش مسألة اخفض الصوت او اوقف الاغنية

بس

انا شايف المدونة حلوة ولها منهج هادي

لذلك ذوق الأغنية مش ماشي معاها
انا لا اعترض على الكلمات ..بالعكس الكلمات حلوة جدا
لكن اللحن

بوضوح اكثر
الاغنية ذوقها وحش جدا

زمان كانوا باخدوا اغاني عمرو دياب وهاني شاكر ولولاكي
ويعملوا عليها كلمات اسلامية ..
مرة لما سمعها المرحوم مصطفى مشهور
قال لهم
أيه القرف دا؟
إحنا لازم يكون لنا شخصيتنا وماناخدش منهم الاحان الهابطة دي.





فما بالك بقا بالراب

تحياتي

بنت أبيها يقول...

اكتب بالرصاص

وصلتنى وجهة نظرك

وجزاك الله خيرا

غير معرف يقول...

موضوع الاكتئاب ده محتاج لعزيمه قويه لانه زى المرض لو استسلمنا له ها تبقى حياتنا كلها كئيبه على العموم كل اللى قولتى مهم جدا جزيت خيرا

غير معرف يقول...

topic23, [url=http://www.chop.edu/forum/user/profile/8207.page]klonopin no prescription[/url], ;-( acn, http://www.chop.edu/forum/user/profile/8207.page buy klonopin no prescription ;-(, [url=http://www.chop.edu/forum/user/profile/8208.page]order xanax 2mg[/url], :-( dow, http://www.chop.edu/forum/user/profile/8208.page buy xanax 2mg :-(, [url=http://forum.cprs.ca/default.aspx?g=posts&m=6]order adipex online[/url], :-) rai, http://forum.cprs.ca/default.aspx?g=posts&m=6 order adipex *sorry*, [url=http://forum.cprs.ca/default.aspx?g=posts&m=7]alprazolam no prescription[/url], :-) jnj, http://forum.cprs.ca/default.aspx?g=posts&m=7 buy alprazolam no prescription :-), [url=http://forum.cprs.ca/default.aspx?g=posts&m=8]buy ambien no prescription[/url], ;-( yzc, http://forum.cprs.ca/default.aspx?g=posts&m=8 ambien no prescription ;-(

غير معرف يقول...

hi! [url=http://esnips.com/web/minnaregina/]Hello. And Bye.
[/url] http://esnips.com/web/minnaregina/ free nude video clips of milfs
thanks!
free nude video clips of milfs

غير معرف يقول...

[url=http://casinoonlinebonussverige.com ]internet casino [/url]and the capture of Neumark, directed his march towards the Swabian frontier, http://casinoonlinebonussverige.com online casino mac os x casino online is tenanted Project expends considerable