بعد ما اخدت قرار التدوين والذى منه
فكرت كتير فى اسم للمدونة بتاعتى .... وخطر على ذهنى اسماء كتير لكن مفيش حاجة منهم عجبتنى ... فأجلت الموضوع
وفى يوم جميل كده ... جهزت كوب من النسكافية لزوم التظابيط لبدء جولة جديدة فى المذاكرة
وكنت ساعتها حاسة انى مش مركزة ... وحاسة بالتوهان ... وعندى تداخل فى القنوات الدراسية
فقلت لنفسى يا رب الكوباية دى تظبط دماغى كويس عشان اعرف اذاكر ... عشان تداخل القنوات ده كان عاملى ازعاج
وانا اول ما قلت الكلمة بلسانى .. لقطها دماغى ... وعجبته قوى
وحسيت فعلاً إن شباب كتيييير اليومين دول عندهم حالة توهان .. وتضارب وتداخل مش فى القنوات الدراسية بس
انما فى الأهداف .. والخطط ... والاحلام اللى نفسهم يحققوها
ومحتاجين فعلا يظبطوا دماغهم .. عشان تتظبط حياتهم
ومن هنا كانت
ظبط دماغك
1 شاركونى:
اسمك معبر جامد يعني
إرسال تعليق