بعد ظهور نتائج الثانوية العامة






واعلان الحكومة لمشروع التنسيق الالكترونى












تفائل العديد من الناس بهذا النظام الجديد












ولخلوه من نظام الاوراق والطوابع ... الخ












ولسهولة التعامل معه








والتغيير فى اى وقت ... ومن اى مكان












ولكن التجربة اظهرت العديد من الاشياء التى لم تكن فى الحسبان








فقد ظهر مراكز نت استغلاليه ... فقد وصلت ساعة النت ببعض الكافى نت للتنسيق بـ 5 جنيه وفى بعض الاماكن بـ 10 جنيه







هذا بغض النظر عن عقبة التوزيع الجغرافى التى وضعت فى النظام الالكترونى






فهى عند البعض نقمة وليست نعمة






وكذلك اجبارية ملئ الـ 48 رغبة كشرط اساسى لاستكمال عملية التسجيل









كما ان عدم توزيع لائحة باسماء الكليات الخاصة بكل مرحلة لكل طالب









فتجد من يأتى ليسجل رغباته ويفاجأ بوجود كليات لم يكن على علم به








الى أخره من المشكلات التى ظهرت








كنتيجة لاستخدام هذا النظام لاول مرة








ومرت الثمان ايام والكل يضع يده على قلبه فى انتظار النتيجة








وفى اليوم التاسع .. ظهرت النتيجة





ووضع يوم لتغيير الرغبات



ظهرت معاها المشكلات والشكاوى




واكتر حاجة الناس متضايقة منها موضوع التوزيع الجغرافى







لانه بيجبر الطالب انه يغير فى النطاق الجغرافى لمحافظته فقط






بمعنى انا من بنى سويف لو عايزة اغير من رغباتى يبقى فى نطاق كليات جامعة بنى سويف فقط





الواحد حاسس ان دفعة الثانوية العامة السنادى ... حقل تجارب لنظام التنسيق الالكترونى





يلا ربنا يوفق الكل

2 شاركونى:

mraghy يقول...

الحمد لله اني اخدت شرف اول تعليق

يا بنتي هو يعني التنسيق بس اللي بنجرب فيه
ما العمليه التعليميه في مصر كلها تجارب و كل وزير يجي يلغي قرارات اللي قبله و يبدأ يطبق سياسة جديده من بنات افكاره

يعني باختصار احنا عباره عن فئران تجارب للحكومات المتعاقبه :D مش جديده خالص

قال يعني صعب انهم يدرسوا الموضوع الاول و بعدين ياخدوا قرارات بالتطبيق او عدم التطبيق

وياثانوية يا يا مهلبية يا :D

تقبلي تحياتي

بنت أبيها يقول...

mraghy


صحيح ان العملية التعليمية فى مصر كلها تجارب

بس زى ما تقول كده الناس متعودة على كده من زمان

وبعدين موضوع التنسيق ده عند كل الناس .. حياة او موت

يعنى مثلا واحد عايز يدخل طب القاهرة ... لكن لان التنسيق بيجبره انه لازم يتبع التوزيع الجغرافى

فتلاقى طب القاهرة بقت الرغبة الثالثة مثلا

مش حاجة تنقط

وبعدين لما تظهر النتيجة

يلاقى نفسه قبل فى طب المنيا

ولو حب يحول الكترونى برضوا

لازم يكون ضمن التوزيع الجغرافي برضوا

بس التوزيع الجغرافى فى التحويل العن

لانه بيسمحلك انك تحول من اى كلية لأى كلية فى جامعتك وفى حالتنا جامعة بنى سويف فقط

بجد ناس كتير قوى كانت متضايقة