كلمة كنت بسمعها كنتيير (احنا بلد المظاهر )ـ




بنحكم على الانسان من المظهر




ونحكم على الموقف من المظهر




يعنى لو واحد دخل مصلحة حكومية ومظهره عادى لابس قميص وبنطلون




محدش يعبره




ولو خرج ورجع تانى لابس بدلة وكرافته والنظام ده




هتلاقى الكل معاه وتمام التمام






ليه كده بنهتم بالمهظر




ومن المضحك فى الامر ان السرقات التى اصبحت تحدث حاليا




ينجح اصحابها فى السرقة من اصحابها






بسبب المظهر




يعنى مثلا قرأت فى صحيفة ان مجموعة من الشباب لابسين بدل ونظارات وراكبين عربية تمام




وراحوا لفلاح فى الغيط




وقالوله انهم عايزين جريد نخل ومستعدين يدفعوا فى الجريدة الواحدة 50 جنيه




وكان معاه فى الغيط البهائم الخاصة بيه




المهم صاحبنا ما صدق




قالك دول بشوات ومستعدين يدفعوا مقابل الجريد




المهم صاحبنا حب يعمل ناصح




وقالهم اخذ الفلوس الاول




وفعلا دفعوله 300 جنيه




وصاحبنا طلع فوق النخلة وهوه متشعلق فوق




اخدوا البهائم وجروا بالعربية




وطبعا عقبال ما صاحبنا ينزل ... يكون مشوا من البلد نفسها اصلا






وحاجة كمان تبع المظاهر برضوا






تلاقى لو انت فى مكان عمل




لو معروف فى المكان ده ان فلان متدين وملتزم




واللى معاه مش كده




فتلاقى لما يتكلم عن مثلا حاجة زى سماع الاغانى




او انه يقلهم تعالوا نقرا قرآن مع بعض




تحس ان الناس بتاخد بتتعامل معاه بالواحدة ومش بتحب تسمع منه






على العكس بقى لو حد منهم هوه اللى اتكلم تحس ان الناس انطلقت فى الموضوع وفتحوا باب المناقشات




سبحان الله






وفى النهاية نصيحة






لاتتأثر بالمظاهر




وخاصة فى هذا الزمن

3 شاركونى:

غير معرف يقول...

السلام عليكم
حقيقي موضوع في غاية الاهميه والمظاهر بقت هي اساس الاختيار بالنسبه للناس يعني يمشولك مصالحك حسب مظهرك ويوظفوك حسب مظهرك والشباب بتتجوز على اساس المظهر اولا والناس تحدد طريقة معاملتها ليك على حسب مظهرك ناسيين الحديث الشريف اللي بيقول ان الله لا ينظر الى صوركم ولا الى اعمالكم ولكن ينظر الى قلوبكم صدق رسول الله صلى الله عليه وسلم جزاكي الله كل خير على الموضوع المتميز
ملحوظه صغيرة
ليه مش بشوف تعليقات ليكي فى الموضوعات اللي شاغلة المدونين اليومين دول اكيد مشغولة ربنا يعينك
السلام عليكم

mraghy يقول...

السلام عليكم
اولا الدين الاسلامي بيحثنا دايما علي الاهتمام بالمظهر ، اي ان الاهتمام بالمظهر مش عيب و لا حرام احسن حد يفهم البوست غلط

العيب كل العيب هو اننا نخلي المظهر هو كل حاجه و هو اللي من خلاله نحكم علي البشر اللي قدامنا

تقبلي مروري

بنت أبيها يقول...

بنات أفكارى


كلام تمام

وبالنسبة لمتابعة المدونات فانا فعلا مشغولة

ومش بدخل من النت فى البيت


-----------------------------------

mraghy

صحيح ...وده اللى أنا اقصده

انك تلاقى ناس بتعامل الشخص على حسب مظهره

مظهره تمام نعامله تمام... مظهره مش تمام تبقى المعاملة برضوا مش تمام