ولاد بلدى ناس مبدعين ومبتكرين


جواهم مواهب كتير مستخبية


وقت الشدة ووقت الزنقة


تلاقى كله طلع وميه ميه


بس عيبهم انهم على رزقهم مستعجلين


وابداعاتهم فى صفحة الحوادث بيها متظبطين


ليه يا ابن بلدى دماغك النضيفة دى


تخليك تروح فى سين وجيم


كلنا عارفين ان ظروف البلد متهببة وزفت الطين


بس دماغك ممكن تخليك تروح فى الله ينور عليك يا كبير


انت بس ظبط دماغك ... تتظبط حياتك

14 شاركونى:

the others يقول...

وانا اقول الشوارع غرقانه ليه ...

DR.HAMAS يقول...

ايه حكاية التظبيط معاكى

انا بقول اظبط امورى
و اظبط شنطتى
و اهج من البلد

قبل ما اتظبط


و نشكرك على تظبيطاتك الشعرية الملوخية المظبوطة


ههههههههههه
و دمتم



اسلوبك فعلا جميل
و عنوانك متظبط مع كلامك
لانه الصراحة ملخبط فعلا
بس مظبوط


د.حماس

عصفور المدينة يقول...

الحمد لله إنها جت في المدونة
:)
قول الشاعر
ظبط دماغك=؟

ابن اسكندرية يقول...

حبيبت بس أهنيكم بالسنة الجديدة و أن شاء الله تكون فيها إلى الله أقرب وتحقق فيها كل أهدفك ، ولا تنسى أن تضع لنفسك فى بدايه السنه ده ، (أيه اللى أنت عايزة من عام 2008 ) ويا ريت يكون فى ورقه . عايز علاقتك مع ربنا تكون ازاى ، عايز تحقق ايه فى عمل ، عايز تحصل على دورات أيه ، عايز تصلح ايه فى علاقتك مع أهلك , وفى النهايه لا تنسى علاقتك مع القرأن

احمد الجيزاوى يقول...

والله دماغك انتى هى الى هتوديكى فى .....

احمد الجيزاوى يقول...

والله دماغك انتى هى الى هتوديكى فى .....

بنت أبيها يقول...

the others

هههههههههههههههههه

ماشى لما اشوفك

نورتينى يا سكر

-------------------------------------

dr.hamas

ههههههههههههههههههههه

وماله ده مفيش احسن من التظبيط

-----------------------------------

استاذ عصفور

هيا الدنيا ملخبطة عندكو برضوا

انا بتكلم عن الافكار الابداعية اللى تلاقيها فى جرائد الحوادث فى السرقة والقتل وغيرها

افكارهم فعلا تقول ايه الابداع اللى هما فيه ده ... بس مش فى مكانه السليم

واللخطبة من ناحية الشعر ... ممكن يطلع مش شعر اصلا

:)

-----------------------------------

ابن اسكندرية

شكرا على التهنئة

تمام

بس انا السنة بالنسبالى بتدأ مع بداية السنة الهجرية

نظبط الموضوع ده ساعتها بقى ... وعموما هيا قربت

ونورت المدونة

-----------------------------------

احمد الجيزاوى

اكيد هتودينى فى الله ينور عليك يا كبير

:)

الطائر الحزين يقول...

سمعتى عن دماغ بتتضبط لوحدها ولا لازم لها حاجها تظبطها

فين ادوات التظبيط

تحياتى

انا مش معاهم يقول...

هي الحاله دي عند الناس كلها
تحياتي
سيف الاسلام

ام البنات يقول...

كل سنه وانت طيبه
وسيبيها هى هتتظبط لوحدها من كتر
التظبيط الخارجى

قلوب حائرة يقول...

ايه يابنوتة ده ارتجال لذيذ كتير ربنا يوفقكي اقمرية

امام الجيل يقول...

لا مصطلحات شعرية جديدة
يا كبير
وهتوديكوا
وظبط
زفت طين
لا فيه امل ان شاء الله :)
كل عام وحضرتك بخير

بنت أبيها يقول...

الطائر الحزين

لا طبعا صاحبها يظبطها

لكن ان شاء الله هبدأ قريبا سلسلة التظابيط .. بس بظبط فيها

-------------------------------------

انا مش معاهم

حالة ايه

عدم تظبيط الدماغ

عشان كده انا بقول نظبطها

تحياتى ليك برضوا

-----------------------------------

ام البنات

بتفرحنى دايما مشاركتك فى المدونة

نسيبها ازاى ... ده كده مش هتتظبط دى هتتبدهل

-----------------------------------

قلوب حائرة

نورتينى يا قمر ... وانا اقول برضوا المدونة منورة من اول ما دخلتها

زى ما تقولى كده مش ارتجال ... هوه حالة مخنوقة منها من زمان وطلعت

-----------------------------------

امام الجيل

طبعا .. طبعا

الجديد دايما عندنا

:)

بس انا بشك برضوا انه يكون شعر

حور الجنة يقول...

ايه ده كله يا باشا

دى منافسة و لا ايه

بس بجد رائع....

شدى حيلك و انضمى لشعراء بنى سويف

و انا هتنازل و ابقى اساعدك و اعلمك
(: