اول تاج يوصلنى ... وصلنى من حبيبة قلبى صاحبة مدونة بنات افكارى

هوه تاج طويل شوية .. فيا مسهل



اسم مدونتك


استنى كده .... مممم حد يغششنى
ايوة المساعدة جات

اسمها يا ستو ظبط دماغك


لماذا اخترته ..وماهي نيتك من وراء اختياره؟

مممم ... دى قصة طويلة هتلاقيها هنا هوه ايه اللى ظبط دماغك ده


هل فكرت في إغلاق مدونتك؟ والسبب؟


لا.... خاااالص مااااالص .... مين اللى قال كده



صورتك في المدونة ورمزيتها ؟؟




بصى يا قمر انا فى البداية كنت حاطة صورة بنوتة عسولة قوى

وكنت حاطها لانى بحب الاطفال ... وساعات كتير بحلم انى ارجع طفلة تانى


وكمان لانى حاطة فى التعريف عن نفسى بنوتة واسمى بنت ابيها




وبعدين غيرتها للفراشة اللى انتى شايفاها دى


لان الفراشة خفيفة وبتتحرك فى اماكن كتير

والامكان اللى بتروحها الازهار والاماكن الجميلة

وبعدين دلوقتى بحاول انى ارجعها للبنوتة تانى مش عارفة
لان الموقع مش راضي يحفظ التعديل فى البروفيل بالصورة الجديدة

بس


لماذا دخلت عالم التدوين من الاساس؟

دى برضوا قصة تانية هتلاقيها هنا اخيرا دخلت


جمله قيلت لك فى وصف مدونتك ؟

معتقدش ان فيه حد دخل ووصف مدونتى انما كل اللى بيدخل بيوصف او بيتكلم عن الموضوع اللى كتبته


التعليقات بالنسبه لك ,اهميتها؟


بتفتح مجال للمناقشة ... وكمان انا بحب النقد

وبحس انها نوع من انواع التواصل بينى وبين المدونين التانين


احلى بوست كتبته ...ضع اللينك , ثم اذكر لماذا؟

مممم ..... استنى كده ارجع بالذاكرة لورا

بتقوليلى ليه ... عشان ده كان اكتر موضوع حسيت ان ناس كتير استفادت منه

واكتر موضوع كان فيه تواصل بينى وبين مدونين تانين

أفضل بوست قرأته؟ وضع لينكه؟


استنى ارجع برضوا بالذاكرة لورا ....اخ اتخبطت فى عمود نور وانا برجع

لا حقيقى مش متذكرة افضل بوست قرأته لانى قرات موضوعات كتير كانت كويسة

أفضل مدونة قرأتها؟

مقدرش افضل مدونة عن التانية انما فيه مدونات كتيير كويسة

ها لسه فيه اسئلة
يا مسهل

أسوأ بوست أسوأ مدون؟
خلينى أأجل السؤال لحد لما اشوف نموذج وبعدين ابقى اقولك

هيحصل ايه لإيميلك لما تموت ؟؟


مش عارفة ... مفكرتش فى الموضوع ده ... خليها بظروفها


اديت الباسورد لمين ؟
ده انا حتى كل فترة بغيره ...... No One

كانت إيه طبيعة علاقتك بيه؟

ولا اعرفه يا بيه ... ولا شفته قبل كده

يااه ده لسه فيه اسئلة تانى

اسمك؟

انا عايزة محامى ... امتنع عن اجابة هذا السؤال لحد لما يجى المحامى بتاعى

احنا متفقناش على كده
المشهور بيه وسط اصحابك؟

الاسماء كتيير

انما اكتر اسم عجبنى فيه بعض اصحابى مسجلينى على الموابيل بتاعهم باسم عبقرينة

شخصيتك نوعها إيه؟
عادية خالص ...انما اقدر اقول انها متقلبة

السفر بالنسبة لك؟



متعة ... وترويح عن النفس
وفى بعض الاحيان بيعملى ريفريش

وقت فراغك بتعمل فيه إيه؟

بالنسبة لوقت الفراغ فى اغلب الاوقات بقرأ كتاب ... او بشاهد برامج فضائية

المود بتاعك؟


مودى دلوقتى يعنى ولا العموم بتاعى

هعتبر انك تقصدى الاتنين دلوقتى انا مشغولة وورايا ميت حاجة عايزة اعملها ... وده مودى فى اغلب الاوقات

الصفات اللي أخدتها من بابا؟

انا ساعات بحس ان كل حاجة حلوة فيا اخدتها منه... الصبر .. الطيبة .. حب الاطفال .. قضاء حوائج الغير

ربنا يخلهولى

الصفات التي أخدتها من ماما ؟
تقدرى تقولى الحرص على اداء عباداتى وعدم التقصير فيها ... وانى اعاقب نفسى لما اقصر فيها


ربنا يخليهالى

اكتر ست حاجات بكرهها؟

الواسطة اللى خربت كل حاجة فى البلد ... ان حد يشوف الغلط وميتكلمش ... الانانية ... القسوة ... عدم مراعاة مشاعر الغير والتماس الاعذار لهم ... الكذب

اكتر ست حاجات بحبها؟

الالفة والمحبة بين افراد الاسرة ... انسان متعاون ... التضحية ... الاطفال ...المناجاة ...الكمبيوتر


الانترنت بالنسبه لك؟
بالنسبالى حاجة مهمة واساسية .... بحتاجه فى مجال عملى كتيير

امرره لمين ؟



امرره لاصحاب المدونات دى
احلى ما فى الدنيا ... شروق الشواف
انا كده ... اروى الطويل
هاعيش واتحدى احزانى ... اسماء العريان
جسر التواصل .... المجاهدة
الفجرية ... اسماء ياسر
اسلامنا عزنا ... اخت مسلمة

واعدو .... محمد النجار

حياتنا كلمات ... ياسر سليم
مش انا ... مهندس علاء

راجى عفو الله ... الطائر الحزين

دينامو الاخوان ... ياسر مدنى
وشرفك يا بلدى سحابة وتعدى ... محمد عبد الجليل


اكلتك المفضلة؟




يعنى مفيش اكلة مفضلة .. انما فيه اكلات كتيير بحبها خدى عندك مثلا ... مكرونة بالباشميل .. البامية ... القلقاس


الشغل بيمثلك ايه؟


يااااه كتييير ... خبرة .. نشاط ... استفادة بالوقت .. دخل مادى


--------------------------------------------------------------------
يااه الحمد لله التاج خلص ... مش مصدقة نفسى


الحمد لله

7 شاركونى:

عصفور المدينة يقول...

جميل وسريع وآخره مكرونة بشاميل زي باقي المدونين
أنا تبع فريق السمك
البوست المشار إليه قرأته حالا والاكتئاب كنت قرأته في حين نزوله وعلقت عليه

شكرا لتشريفك لي بتمرير التاج
وعلى فكرة أنا مجاوبه آخر شهر 7
http://ctybrd.blogspot.com/2007/07/003.html
شرفيني بقراءته
وعلى فكرة اسم الشهرة لابنتي الكبرى
بنت ابيها

الطائر الحزين يقول...

السلام عليكم
شكر الله لك حسن ظنك
واشكرك لتمرير التاج لى مع انى لم أرى تعليقات لك عندى

الا لو انا جاوبت نفس التاج كمان مرة هتكون الاجابات متشابهة!!!!!

تحياتى

Mohamed Abdelgeleel يقول...

اول مرة حد يبعتلي تاج علي فكرة ومرسي اوي علي ثقت حضرتك وانا جاوبت عليه اول ما جه

نـــــــور يقول...

اجاباتك جميلة ولطيفة جدا يا قمر

وماشاء الله باين عليكِ خفيفة الظل

ربنا يكرمك :)

Alaa يقول...

يا ماشاء الله
تاج جميل جدا فعلا
و الاجابات مونتازة :))

ربنا يحفظك يارب
و هاجاوب عليه حاضر
:)

مشروع انسان يقول...

بامية وقلقاس لا حول ولا قوة الا بالله
الاتنين مرة واحدة لا عبقرية صحيح اللى يجمع بين الاتنين دول يبقى فيه شئ لله
زرت مدونتك حضرتك كذا مرة كتير بس مش عارف ده اول تعليق ولا لا
بس مش هيكون اخر تعليق ان شاء الله
تحياتى

بنت أبيها يقول...

عصفور المدينة

هههههههههههه

هوه احنا هنقلبها فرق كورة ولا ايه

مكنتش اعرف ان حضرتك جاوبت عليه قبل كده

-----------------------------------

الطائر الحزين

عفواً

وصحيح انا معلقتش عند حضرتك لكن حضرتك علقت عندى فى المدونة قبل كده

ودى كفاية

تحياتى

-----------------------------------

محمد عبد الجليل

وانا كمان اول مرة حد يبعتلى تاج

-----------------------------------

نــور

نورتى مدونتى يا سكر

ده بس من ذوقك

-----------------------------------

علاء

مشكور على المرور


ومنتظرين الاجابة على التاج

-----------------------------------

امام الجيل

مشكور على المرور

وعلى فكرة

حضرتك صاحب اول تعليق على مدونتى