كلاكيت رابع مرة

ياه ده الواحد كان ربنا تاب عليه من التاجات دي

انما نعمل ايه بقى في بنات افكاري وافكارها اللى دايما مدبسانا

ندخل في المفيد

السؤال الاول : بدءت التدوين امتى ودخلت العالم دا ازاي ؟

ياه رجعتي الواحد لايام زمان ... كانت ايام جميلة

بدأت التدوين في 5 / 2007 ... يعني تقدري تقولي كده كنت في عز الامتحانات ساعتها ... وانتي عارفة بقى قاعدة البيت في ايام الامتحانات ممكن تخلي الواحد يعمل ايه... ممكن تخليه يخترع اختراعات محدش يقدر عليها.

اما بالنسبة لدخلته ازاي ... كنت سمعت عنه ايام المشاكل اللى حصلت بسبب مدونة علاء ومنال .. فبدأت ادخل على عالم المدونات واتابع منها وبعدين قررت اني ادخل

لو مفهمتيش مني حاجة تقدري ترجعي لاول موضوع عملته على المدونة

اخيراً دخلت

السؤال التاني : ايه كان انطباعك فى البداية ؟

طبعا كنت معجبة جدا بهذا العلم الجديد عليا


السؤال التالت : اكتر من تحب تعليقه على البوست الجديد ؟

بجد بجد كل شخص يعلق ويضيف اضافة جيدة على موضوع التدوينة .. واستفيد فعلا من تعليقه

السؤال الرابع : ايه اهم حاجة اتعلمتها فى عالم التدوين ؟

اني اتعرفت على فكر ناس كتير بجد فرحانة اني اتعرفت عليهم ... وشاهدت افكار كتير

ونميت ثقافتي ... واستفدت من خبرات المدونين

وكتييير .. ولسه لحد دلوقتي بتعلم من تدوينات المدونين

السؤال الخامس : ايه اكتر حاجة كرهتها ؟

تقدري تقولي كده .. اللى يكون داخل التدوين لمجرد التقليد ... لانه جه في وقت التدوين كان عامل زي الموضة الجديدة

كل واحد يعمله مدونة ويكتب اي حاجة والسلام

السؤال السادس : حاسس ان التدوين له تاثير؟

اكيد .. اكيد .. اكيد

والتأثير كمان بيكون على مستوى الفرد .. والمستوى العام



ياه هوه انا وصلت بسرعة كده للسؤال الاخير

السؤال السابع : تهدي التاج دا لمين ؟

بهديه لكل زائر وقارئ للموضوع ده

ومن غير تزويغ لاي حد لو سمحتو

:)

الحساب تقل

حدثني عبد الله بن محمد بن أسماء بن عبيد الضبعي حدثنا جويرية يعنى بن أسماء عن نافع عن عبد الله أن رسول الله صلى الله عليه وسلم قال "عذبت امرأة في هرة سجنتها حتى ماتت فدخلت فيها النار لا هي أطعمتها وسقتها إذ هي حبستها ولا هي تركتها تأكل من خشاش الأرض".

فما بالكم بمن يحبسون شعباً باكلمه





معلش يا بنات افكاري هأجل التاج شوية

حملة المقاطعة

لا تستطيع ان تجاهد

لا تستطيع ان تتظاهر

لا تستطيع ان تتبرع بالمال

اذاً قاطع

وادعو غيرك لمقاطعة منتجات كل من يدعم العدو

مواقع المقاطعة باللغة الإنكليزية:

- موقع «العقول المبدعة/ قاطع إسرائيل»، باللغة الإنكليزية، ويحتوي قوائم بالمنتجات والشركات الرئيسية وتفاصيل بالحملات لأهم الشركات الداعمة للعدو الصهيوني. وعنوانه هو الرابط التالي:

www.inminds.com/boycott- israel.html

- موقع «قاطع البضائع الإسرائيلية»، باللغة الإنكليزية، يحوي قوائم شاملة بالشركات الأمريكية وعلاقتها بالاقتصاد الصهيوني. وعنوانه هو الرابط التالي:

http://www.boycottisraeligoods.org/index.php

- موقع «قاطع إسرائيل»، باللغة الإنكليزية، وهو موقع بريطاني، يقول بأن هدفه هو جلاء الاحتلال من «الضفة وغزة»، ويتناول قضايا وحملات سياسية متنوعة مناهضة للسياسة «الإسرائيلية»، ولكنه يحتوي معلومات مفيدة عن المقاطعة والشركات والحملات المرتبطة بالمقاطعة. ورابطه على الإنترنت هو:

http://www.mylinkspage.com/israel.html

- صفحة «حملة مقاطعة المنتجات الإسرائيلية»، باللغة الإنكليزية، وهي لا تختلف في المضمون كثيراً عن المواقع السابقة، سوى أنها تحتوي صفحة واحدة رئيسية تضم صوراً للماركات الأساسية للشركات المتعاملة مع العدو الصهيوني، لمن لا يحبون قراءة الإنكليزية. ورابطها على الإنترنت هو:

http://home.pacbell.net/halnet/Boycott I... Campaign.htm

- صفحة «قاطع الولايات المتحدة وبريطانيا وأستراليا وإسرائيل»، وهي لكاتب سويدي مناهض للإمبريالية اسمه جيري سكوغ توفي عام 2004، وهي لا تحوي معلومات عن المنتجات المختلفة، بل تحتوي على دعوة للمقاطعة فحسب، وقد تم إدراجها هنا ليعرف القراء العرب أن دعوة المقاطعة ليست نزعة أصولية متطرفة كما يزعم البعض، بل موقف وممارسة مشروعة للمقاومة. ورابط هذه الصفحة على الإنترنت هو:

http://www.skog.de/index.htm

- موقع الحملة البريطانية لمقاطعة «إسرائيل»، باللغة الإنكليزية، وهي لا تتعلق بالمنتجات الصهيونية فقط بالتحديد، بل بمقاطعة المؤسسات «الإسرائيلية»، كالمقاطعة الأكاديمية للجامعات «الإسرائيلية» مثلاً، والنشاطات الهادفة لمقاومة الجدار العازل، وسحب استثمارات الشركات الغربية في الكيان الصهيوني. ومع أن الكثير من المنطلقات السياسية لمثل هذه الحملات قد يكون موضع خلاف، فإن كاتب هذه السطور يذهب إلى أن من يتحمل مسؤولية ذلك هم الناشطون الفلسطينيون والعرب وتبنيهم لسقف سياسي منخفض، تسوي في الواقع، في طرح التضامن مع الشعب العربي الفلسطيني في الغرب. وعلى كل حال، من المفيد الاطلاع على نماذج هذه الحملات التي تعتبر اليوم فاعلة ومؤثرة نوعاً، ومزعجة إلى حد كبير للطرف الأمريكي-الصهيوني. ورابط صفحتها على الإنترنت هو:

http://www.hjfp.org.uk/boycott.htm

مواقع المقاطعة باللغة العربية:

أما باللغة العربية، فإنك تجد المواد المتعلقة بالمقاطعة في الكثير من المواقع الداعمة للمقاومة، وبعضها يحتوي على مقالات ومواد وفتاوى مهمة، وللبحث عن هذه المواضيع فإن كل ما عليك أن تفعله هو أن تضع عبارة «مقاطعة المنتجات الأمريكية والإسرائيلية» في أحد محركات البحث على النت.

أما المواقع العربية المتخصصة بالمقاطعة، والمحتوية على قوائم شاملة إلى هذه الدرجة أو تلك بالشركات والمنتجات الواجب مقاطعتها، فتجد منها موقع «قاطع دوت كوم» الذي تديره لجنة المقاطعة في الإسكندرية في مصر، ورابطه على الإنترنت هو:

http://www.kate3.com

وهناك أيضاً «شبكة المقاطعة الشعبية»، وتحتوي لوائح بالمنتجات الأمريكية و«الإسرائيلية»، ومقالات وفتاوى وغيرها، ورابطها على الإنترنت هو:

http://www.whyusa.net/arabic/index.php

وهنالك بالعربية أيضاً صفحة «حملة مقاطعة داعمي «إسرائيل»/ لبنان»، وهي حملة متخصصة بالشركات الأمريكية والغربية الداعمة للكيان الصهيوني فقط، وتستضيفها مجلة الآداب اللبنانية، ورابطها على الإنترنت هو:

http://www.adabmag.com/katiou.htm

واللى عايز منتجات المقاطعة بالتفصيل فهي موجودة هنا

http://rouidi.jeeran.com/archive/2008/3/504971.html

No Comment

ارفض قرار مجلس الامن الذي جاء لمحايلة وزراء العرب وتهدئة الثورة الشعبية ... وليس لتنفيذه

ادعم غزة تليفونيا

اتصل الآن بغزة

أدعم إخوانك فى غزة بالاتصال و الكلمة الطيبة

توجه الآن إلى أقرب سنترال أو كابينة تليفون أو من أى تليفون محمول .

(00970).

: (8213 – 8205 – 8206 – 8282 – 8283 – 8284 – 8286 ) .

أطلب كود فلسطين أطلب ثمانية أرقام بشكل عشوائى على أن تبدأ بأى أربعة أرقام من الأرقام الآتية

سيرد عليك أحد أهالى غزة حدثه عن دعمك له ودعائك لإخوانك فى غزة و أن قضية فلسطين هى قضيتنا الأولى وأن موقف شعب مصر ليس كموقف حكومته المتخاذلة

وتخيل لو أن كل مسلم أدخل السرور على أسرة فلسطينية ودعم صمودها

بادر بالاتصال

قبل أن تنقطع الاتصالات

يا اهلنا في غزة

" ولا تهنوا ولا تحزنوا وأنتم الأعلون إن كنتم مؤمنين "


يا اهلنا في غزة ... كم نغبطكم

دعاؤنا لا ينقطع

دعمنا لا ينقطع

رجاؤنا لا ينقطع

كونوا كما عرفناكم دائما رمز العزة والصمود

يا اهلنا العرب ... ها قد حان الوقت

ادعموهم بكل ما تستطيعوا

بالدعاء

بالتبرع

بالمقاطعة

بنشر القضية بين الناس وتوصيتهم بالدعاء والتبرع والمقاطعة

غزة .. حتى متى

هل نصحو ونفيق على الكوارث

نعشق الكوارث لتجعلنا في تجديد

ولكن دائماً تكون فترة وتعود الامور لسابق عهدها

نتظاهر

نغضب

نهتف

نشجب

ندين

لكن اين التاثير من ذلك

لا اقلل من قيمة كل ذلك

ولكن اقول اننا يجب ان نبحث بجوار كل ذلك عن شئ جديد

شئ يكون ذو تاثير وضغط حقيقي على الحكومات

مثل ان نقوم بعمل اعتصامات مفتوحة الايام حتى تحقق الحكومة مطالبنا

مهما يحدث فنحن في اعتصام حتى وقف العدوان وفتح المعابر ودخول الامدادات نحن في اعتصام حتى تحقق كل مطالبنا

ويكون ذلك على مستوى العالم او على مستوى بلد

لم لا؟

واسأل نفسك هل عندك استعداد لذلك.

الاختيار

نعيش حياتنا

ويكون فيها عامل الاختيار كبير

وقد تاتي لحظات لا يكون فيها اختيار

واهم ما يتبع الاختيار

هو اتخاذ القرار

واهم قرار مصيري

الارتباط

قديما ..... كنت لا اتخيل صعوبة اتخاذ قرار في اختيار مثله

فقد كان بالنسبة لي صلاة استخارة ........ وبيانات ومعلومات ....... وراحة وقبول

فمن اين تأتي الحيرة

ولكني كنت مخطئة

فقد كان قرار صعب الاتخاذ

صعب الثبات عليه

يصيب الرأس بالصداع من كثرة التفكير فيه

فهو ليس قرار نتائجه قصيرة المدى

وانما طويلة المدى جدا

فكيف يكون بسيطا

واتعجب لنفسي كثيرا

ومن تقلبها كثيرا وعدم استقرارها

فهي تجد القبول والراحة والاقتناع

ولكن سرعان ما يعود اليها القلق من صحة الاختيار


ويبقى السؤال المتلازم لها

ماذا لو ..........؟

وفي النهاية نأخذ بالاسباب ... ونترك علم الغيب لله


اللهم خير لي واختر لي



ملحوظة : تدوينة خللت من كتر ركنتها ... كاتباها تقريبا من اربع او خمس شهور :)

ظاهرة صحية

رحت الجامعة امبارح وحشني جوها والناس اللى فيها

فاصادف ان هوا وتراب والذي منه

بس مش اثر فيا كتير

المهم في البداية واحنا ماشيين سمعت في الاول صوت زغاريد

قلت مش وقت ظهور اي نتائج دلوقتي خالص

وبعدها مفيش ثواني سمعت صوت هتافات والجو ده

فرحت وقلت اما نروح نشوف فيه ايه

فلاقيت شباب وشابات برضوا ماشية وماسكين لافتات

والجو كده غريب عن المعتاد

وخصوصا ان عددهم كان قليل ومش منظمين عن ما كان الواحد متعود على المظاهرات في الجامعة

المهم سالت البناويت اللى ماشين هوه فيه ايه والكلام ده

قالتلي ان المظاهرة دي اللى عاملها الاتحاد والاسر مشاركة

(وشفت فعلا بادجات مكتوب عليها لجنة النظام واسم اسرة بس مش اسر كتير تقريبا اللى شوفتهم اسرة او اتنين)

وان المظاهرة دي عاملينها دعماً لمنتظر الزيدي

اول كلمة جات على لساني ظاهرة صحية

ايوة ظاهرة صحية

ان حد تاني غير الاخوان في الساحة الطلابية يقوم بعمل مظاهرات

فهي ظاهرة صحية

حتى وان كانت المظاهرة كانت مش منظمة ومهرجلة ومفيهاش اي عدد اذا عملنا مقارنة

فهي ظاهرة صحية

حتى وان كان الشباب كانوا فرحانين لمجرد المنظرة .. ومفيش هدف في الدماغ


فهي ظاهرة صحية

حتى وان كانت كلها على بعضها مكملتش نص ساعة

فهي في النهاية ظاهرة صحية

اتمنى تتكرر ... وتنضج

اليكم بعض الصور

فلسطين .. وهل ننساكي

فلسطين ... في القلب هواكي

فلسطين .. يهفو إليكي فؤادي

فلسطين ... وهل ننساكي

فلسطين .. يا جرحاً ينزف

غزة يا رمز العزة

غزة يا من تشتد عليه الكربة

ليس لنا الا اسلحتنا

المقاطعة .. الدعاء .. التبرع

فهل نتخلى عن اسلحتنا ونسهو عنها

إلى حبيبتي الغالية

لا اجد الكلمات التي تعبر عما يجول بداخلي وعن مشاعري

ولكن من منا يعرف هل خيرا له ان يكون من بين الاحياء فوق هذه الارض

ام ان الخير له ان يكون من الاموات تحت هذه الارض

حبيبتي .... هكذا عرفتك دائما

مبتسمة ... مستبشرة ... متفائلة ... صابرة

وهذا ما رأيته اكثر في آخر ايامك معنا في مصر

حقيقة كم كنت حزينة من اجل مرض والدك في هذه الفترة

ولكني كنت معجبة بصمودك .. وصبرك

وحقيقة كم كنتي دائماً قدوة لي


آباكِ .. نعم تعاملت معه قليلا

لكن عرفته دائما

رجلا كريما

رجلا حريصا على دينه

رجلا .. محبا وعطوفا على اولاده

رحمه الله رحمه واسعه ... وادخله فسيح جناته

وجعلكي ووالدتك واخوتك من الصابرين المحتسبين

تعلمو السفسطة من الحكومة ومؤيديها

شاهدت بالامس برنامج العاشرة مساءا

وشاهدت فيه مواجهة بين موسى مصطفى وزوجة ايمن نور

حقيقي المواجهة كانت بتظهر حال المواجه بين الحزب الحاكم والمعارضة بشكل كبير

فاسلوب موسى مصطفى في الرد على اي سؤال هو اسلوب السفسطة

بجد انا عمري ما شفت سفسطه بالمنظر اللى شوفته امبارح ولا الامبالاه والبرود

ايه ده

كل سؤال يتسأل ليه كان جوابه محدد

دي عميله للخارج ... وبتؤلب الخارج علينا

وهيا السبب في منع المعونة الامريكية عنا

ولازم تتسجن

حقيقي حرقة دم ... واستخفاف على اعلى مستوى بالعقول

الحمد لله على باب غرفتي

لا اعرفها ... ولا تعرفني

ولكن شاء القدر ان اراها واتعلم منها

على الرغم من بساطتها

ولكني حقا اشكر الله ان ارسلها لي ... واشكرها

قابلتها في رحلة من رحلاتي للقاهرة

في حديقة الفسطاط

كانت عاملة في دورات المياه

كنا قد دخلنا لنتوضأ للاستعداد للصلاة

ودردشنا معها قليلا في اثناء انتظار باقي زملائنا

كانت تتكلم عن حياتها ... ومدى المعاناة التي تعيشها

ولكن اكثر ما تعلمته من كلامها .. النظر للنعم التي قد لا ندرك انها نعم كبيرة في حياتنا

كانت تحكي لنا عن حياتها

وعن زوجها الفاسد ... وسببه في تراكم الديون عليهم

حيث بدأوا في بيع اثاث المنزل .. اثاث وراء الآخر

حتى باعوا ابواب الغرف ... والدور القادم على باب الشقة

بجد متتخيلوش .. ان بعدها كلامها قعد يرن في وداني كتير

وخصوصا انهم باعوا أبواب الغرف

وروحت وفكرت اني اقضي يوم من غير ما اقفل باب غرفتي كأنه مش موجود

متتخيلوش الوضع كان صعب ازاي

بجد مكنتش اتخيل ان باب غرفتي ده نعمة كبيرة ربنا عطيهالي مش مقدراها

ومن ساعتها وانا على طول بلاحظ كل نعمة ظاهرة او خفية واشكر ربنا عليها

وبدعيلها دايما ... وبشكرها

ويكرمها ويوسع رزقها اينما كانت

رحلت يا رمضان ... وجئت يا عيد

رحــلــــــت يــا رمــضــــــــــان

رحلت يا رمضان ببركتك

رحلت يا رمضان بروحانياتك

رحلت يا رمضان بالصلاة والتجهد حتى الفجر

رحلت يا رمضان بالسباق في ختم القرآن

رحلت يا رمضان باللمة في الفطار

رحلت يا رمضان بالسحور

رحلت يا رمضان ورحلت معك اعز اصدقائي للخارج

رحلت يا رمضان وبرحيلك اكدت لنا مدى سرعة مرور الوقت

رحلت يا رمضان بليلة القدر

رحلت يا رمضان بالرحمة والمغفرة والعتق من النار

وجــئــــــــــــــت يـــا عــيـــــــــــــد

جئت يا عيد بفرحة مجيئك

جئت يا عيد بصلاة العيد

جئت يا عيد بالصواريخ والمفرقعات والبالونات

جئت يا عيد بالعيدية

جئت يا عيد بالتزاور ورؤية الاحباب

جئت يا عيد بالسفر والفسح


فاللهم تقبل منا رمضان

يا ترى المتر بكام؟

يا ترى فكرتوا قبل كده

متر الجنة بكام؟

على ذكر ازمة غلاء الاراضي ... وسعي الناس انها تشتري امتار لبنائها..


ويا ترى في رمضان هنشتري كام متر في الجنة؟؟

يا ترى فكرتوا تشتروا كام متر في الجنة؟



متنسوناش في دعائكم ....



-------------------------------------------------------------

خارج الإيطار

معتاد في بيتنا التليفزيون ده يغلق بالحديد مع بدء أول رمضان

فمن يوم فطرنا عند جدتي ... وكان التليفزيون شغال واحنا بنفطر

طبعا اخدت صدمتين ...واحدة قاتلة ... وواحدة جميلة

الاولى ... اني لاقيت بعد الأذان ومدفع الإفطار المفروض ايه يكون دعاء الشيخ الشعراوي (دعاء الإفطار)

لكن اللى لاقيته وخلاني اتنح ان (هند صبري) هيا اللى بتقول (دعاء الإفطار) وايه التقوى والإيمان في صوتها وهيا بتقوله ... بجد انا تنحت لدرجة ان ماما اخدت بالها ... وقولتلها شايفه الاستهزاء بعقول الناس

التانية ... كان فيه اعلان بجد عجبني جداً .. بس مضيعش صدمتي الاولى خالص

كان بيتكلم عن الفشخرة والمنظرة اللى بتحصل في البيوت المصرية ... وان الاسرة المصرية بتصرف في رمضان اضعاف ما بيكفيها في السنة كلها

وفي ختام الاعلان ... كلمة كانت جميلة بس للاسف مش متذكراها بالحرف انما كان معناها ان بواقي الاكل اللى بتترمي في رمضان بعد العزومات والذي منه ... فيه اسر كتير مش لاقيه نصه

طبعاً كانت صدمتي في ده ... اني مش معتادة من التليفزيون المصري وجود إعلانات هادفة بالشكل ده


ودمتم مغفور ذنبكم معتوقين من النار


تدوينتي الخاصة برمضان الماضي

هل الغلاء هو السبب

جلست يوماً اتفكر في احوال البشر ...

فوجدت بشرا متضايقون في عيشهم

يتمنون الرحيل من بلادهم ... الى بلاد تعطيهم فرص حياة افضل

ووجدت بشرا يتهافتون على المال كتهافت الذئاب الجائعة على الفريسة

وجدت بشرا تغلبهم الانانية

وجدت بشرا لا يشعرون بمعاناه من حولهم من البشر

وجدت بشرا يسبحون في الفساد

وجدت بشرا يعيشون في غابة مبدأها القوة

فتفكرت في الفئة الاولى التي تشعر بضيق العيش ... وترجع ذلك الى الغلاء


هل يا ترى العامل الاساسي الذي يجعلنا نضيق بالعيش في هذه الدنيا وهذه البلد هو ارتفاع الاسعار والغلاء؟

لا أعتقد ذلك في الحقيقة

فعلى عهد الرسول صلى الله عليه وسلم في بناء الدولة الإسلامية .... كان هناك الكثير من الفقراء.

حتى قيل "لو كان الفقر رجلاً لقتلته".

انما أتدرون ماذا...

انما هو سوء الخلق وانعدام الذوق وحسن المعاملة بين الناس بعضهم بعضاً...

أكثر ما أكد لدي ذلك ... فترة ارتفاع اسعار المواصلات

كان السواقين في منتهى قلة الذوق في التعامل مع الناس ... في طلب الأجرة

كان ابسط رد كان ممكن يردو بيه على الناس ... يا جماعة مش بادينا هنعمل ايه يعني

انما الواقع كان الوقاحة في الرد وسوء الادب

والكثير من المواقف الحياتية التي لو دققت فيها لوجدت انه لو وجد حسن الأخلاق والتعامل بين الناس

لتغير الحال كثييييراااا

فعليكم بحسن الخلق

سلسلة التظابيط - 5 -

عادات النجاح السبع

احفظوها عن ظهر قلب

وطبقوها عمليا في حياتكم

• كن مبادراً

• حدد هدفك

• نظم وقتك

• مارس مهارات التفاهم

• ربح واربح

• كون فريق منسجم

• ابدأ وعينك على النهاية

• جدد طاقاتك

كلاكيت تالت مرة

واجب ومفروض علينا بعد ما كنا نسينا الكلام ده من زمان

نسطر الصفحة كويس الاول

وبسم الله نبدأ الحل :)

س :ـ أذكر اسم من طلب الواجب؟

حبيبة قلبي بنات افكاري ... شكلها بتفكر تشتغل مدرسة ولا حاجة ... وبتدي واجب عشان نحل :)

س :ـ قوانين الواجب ؟

ايه ده متفقناش على كده

طيب استني كده اراجع المنهج

ايه ده انتى بتجيبى اسئلة من خارج المنهج

هبلغ عنك .... طيب خلاص من غير ضرب

تدفعي كام طيب واسكت :)

س :ـ 6 أًٍسرار لا يعملها من يقابلني لاول مره؟

ستة بس .... يلا هختصر 1

- انى اتخرجت .. كل اللي يشوفني ميقولش اني خلصت

2- مزاجية شوية

3- عصبية شوية .. ودي بقى اللى كتييير ميعرفهاش عني خالص لانها مش بتظهر كتير .. وكل اللى بيشوفني يقول عني هادية

4- اني كنت هموت غرقاً وانا صغيرة تقريبا في سن حضانة (اكتر فترة حصلتلي فيها حوادث كتير) .. لكن ربنا بعتلي حد ينقذني

5- اني بعرف اعوم وبحب السباحة جداً زائد التصوير.

6- انى لحد 3 اعدادي كنت بروح دروسي بعجلة :) .

س:ـ 6 مدونون أوجه لهم الدعوه مع الروابط +توجيه الدعوة؟

ستة بس ... مممممم ... بس انا هخليها مفتوحة ليا و للي ياخد الواجب مني

1-صاحبة مدونة حور الجنة ... الف مبروك الخطوبة وربنا يقومك بالسلامة عشان تحلي الواجب.

2- صاحبة مدونة الجيل القادم ... مدونة من محافظتي جديدة وشاطرة في امور المطبخ يعني ممكن نقول عليها استشارية فيه :) .

3- صاحبة مدونة حطم القيود .. صاحبة القلم المتميز .. دائما في تميز وتقدم يا حبيبتي .

4- صاحبة مدونة My Finger print .. دكتورة شوشو .. اللى ان شاء الله هتسيب بصمة في الحياة ومهنتها ... واللى انا اول زبونة عندها لما تفتح عيادة ان شاء الله :).

5- صاحبة مدونة من القلب ... ام اياد العسولة ... كلماتها دايما من القلب والى القلب.

6- صاحبة مدونة دنيتي الجميلة اللى سعدت جدا لما عرفت انها مدونة من محافظتي .. واتمنى اتعرف عليها اكتر .

7- صاحبة مدونة نهياوية .. اللى نفسي اتلم عليها عشان اكلمها.

8- صاحبة مدونة نسيم الجنة ... بتابع مدونتها بس قليلة التعليق فيها.

9- صاحبة مدونة ربة السيف والقلم ... قلمها يعجبني ودائما متألق.

10- صاحبة مدونة حكومة اوف لاين ... اللى مقصرة معاها كتييير ... واللى اكتر مدونة شوفتها غيرت اسم مدونتها كتير

11- صاحبة مدونة حتة سكر ... واللى هيا فعلا حتة سكر .. وده بمناسبة كل سنة وانتى دايما حتة سكر.

12- صاحبة مدونة My Private Corner إيما وركنها المفضل ... واللى بدعي ربنا إنى اقدر اروحلها.

13- صاحبة مدونة إنسانة ... وربنا يوفقك ويهديك للي فيه خير ليكي ويرضيكي بيه.

14- صاحبة مدونة Feelings Reveal انا كده سابقا.

15- صاحبة مدونة هاعيش واتحدى أحزاني .. سمسماية ربنا يوفقك.

16- صاحبة مدونة همسة قلم ... وهمساتها تعجبني والف مبروك على نجاح ابن خالتك ... وعقبال ما يدخل الكلية اللى كان بيتمناها.

17- صاحبة مدونة استرها يا رب ... وريستنا كلنا.

18- صاحب مدونة اكتب بالرصاص ... لعله يكفيه تصنع ويعود على اثر الواجب .

19- صاحب مدونة المضيفة .... وبنردله الضيافة :) .

20- صاحب مدونة في الصميم ... واكيد الرد على السؤال اكيد طبعا قادرين .

21- صاحب مدونة وشرفك يا بلدي سحابة وتعدي ... ونقوله بركة افراج الامتحانات.

22- صاحب مدونة اوعى تفكر .... والف مبروك على النتيجة وكل اللى يجيبه ربنا كويس.

23- صاحب مدونة حياتنا كلمات .... وفي انتظار جديد حياته.

24- صاحب مدونة ناجي العلي ... ورسوماته بتتكلم لوحدها.

25- صاحب مدونة مشروع فنان ... ومشروعه المختفي .. ممكن يكون فكر يفتح مشروع تاني :).

26- صاحب مدونة جهاد المصري.

27- صاحب مدونة كدا وبتاع .. والف مبروك على تحقيق الحلم.

28- صاحب مدونة عايز حقي و صاحب مدونة صور من بلدي وصاحب مدونة بيجاسوس المصري وصاحب مدونة الكاتب المصري .. لعلها تكون حجر في مياه راكدة

29 صاحب مدونة آه يا بلد ... عشان نكسر حالة الشعر اللى مالية المدونة ... :)

بس كفاية ايه ده كله .... ده انا لو فتحت مش هسكت

علاقتنا الإنسانية

عجيبة هي تلك العلاقات الانسانية

معقدة هي ايضا

هل شعرت يوما بانك عجزت عن مجاراتها

فهي تزيد من ميزان حسناتك


تعمل على ارتفاع الهمم

تبعث الامل

تبعث الفرحة على القلب

تجعل الدماء تجري في العروق

تجعل النفس مستقرة

تصنع المجزات بالانسان

تجعلك متلازم مع اداة الاستفهام .... متى (امتى)؟

من ناحية اخرى

تسبب الاحزان

تسبب الاحباط

تسبب الاكتئاب

تسبب الشعور بالوحدة

تسبب الشعور بعدم الرغبة في الحياة

قد تكون عامل لزيادة سيئاتك

تجعلك متلازم مع اداة الاستفهام ... لماذا(ليه)؟

وقد تجعلك تتمنى اخذ اجازة مؤقتة من هذه الاحداث

لتفكر من جديد في حياتك

بمنظار جديد


فتجد نفسك يوما بعد يوم تتسع دائرتك الاجتماعية

وتتسع معها ارتباطاتك

وواجباتك

والتزماتك

ومسؤلياتك

فهل تستطيع ان توازن في علاقاتك ؟

لتعيش بمقدار متساوي يحقق لك حياة متزنة عاطفيا واجتماعيا واسريا ... الخ

الحمد لله ... الحمد لله

ياااااه بجد مش مصدقة نفسي

امنية كنت بتمثاها ليا 3 سنين وبحلم اني اقدر احققها

وكنت حاطة لنفسي سنتين تاني عقبال ما اقدر احققها

بس الحمد لله اتحققت

بتكلم بالالغاز صح

الامنية دي كانت عبارة عن مشروع صغير

من 3 سنين كان عبارة عن حلم اسعى لتحقيقه

وان مكنتش عارفة ساعتها ... ازاى

انما كل اللى كان بالي من ساعتها انى استعد ليه بالخبرة

والحمد لله الخبرة في الـ 3 سنين دول فادوني كتييييييير اكتر مما كنت اتخيل

والموضوع ده خلاني افكر

المشروعات كتيييييييييرة جداً .... والكثييييييير منها ناجح

يبقى ليه نلاقي شباب عاطل عن العمل

اي مجال دلوقتي اصبح سهل انك تعمل فيه مشروع

واغلبها بيكون مجرد انك تكتسب الخبرة فيه بس

وهل مشكلة التمويل المالي بتكون السبب

اعتقد مش مشكلة برضوا

لان بقى فيه دلوقتي مؤسسات متخصصة في تمويل المشروعات الصغيرة

واكيد هيلاقي اللى يساعدوا لو لاقاها انسان جاد فعلا في مشروعه

بجد رسالة لكل شاب

فكر ... ودرب نفسك ... وجرب

متقعدش حاطط ايدك على خدك