رحت الجامعة امبارح وحشني جوها والناس اللى فيها

فاصادف ان هوا وتراب والذي منه

بس مش اثر فيا كتير

المهم في البداية واحنا ماشيين سمعت في الاول صوت زغاريد

قلت مش وقت ظهور اي نتائج دلوقتي خالص

وبعدها مفيش ثواني سمعت صوت هتافات والجو ده

فرحت وقلت اما نروح نشوف فيه ايه

فلاقيت شباب وشابات برضوا ماشية وماسكين لافتات

والجو كده غريب عن المعتاد

وخصوصا ان عددهم كان قليل ومش منظمين عن ما كان الواحد متعود على المظاهرات في الجامعة

المهم سالت البناويت اللى ماشين هوه فيه ايه والكلام ده

قالتلي ان المظاهرة دي اللى عاملها الاتحاد والاسر مشاركة

(وشفت فعلا بادجات مكتوب عليها لجنة النظام واسم اسرة بس مش اسر كتير تقريبا اللى شوفتهم اسرة او اتنين)


وان المظاهرة دي عاملينها دعماً لمنتظر الزيدي

اول كلمة جات على لساني ظاهرة صحية

ايوة ظاهرة صحية

ان حد تاني غير الاخوان في الساحة الطلابية يقوم بعمل مظاهرات


فهي ظاهرة صحية

حتى وان كانت المظاهرة كانت مش منظمة ومهرجلة ومفيهاش اي عدد اذا عملنا مقارنة

فهي ظاهرة صحية

حتى وان كان الشباب كانوا فرحانين لمجرد المنظرة .. ومفيش هدف في الدماغ


فهي ظاهرة صحية

حتى وان كانت كلها على بعضها مكملتش نص ساعة

فهي في النهاية ظاهرة صحية

اتمنى تتكرر ... وتنضج

اليكم بعض الصور







4 شاركونى:

آخر العنقود يقول...

عندك حق والله ياقمر

فعلا ظاهرة صحية
لانها زى منا بتقولى غير الاخوان اللى عملها
:)

البلد كلها هتبقى ارهابية بعد كده
:))

ربنا ييسر ونفوق من كل ده

موناليزا يقول...

تعرفى انى لغاية دلؤتى معرفش ايه فايدة المظاهرات من اصله؟
طب وبعد المظاهرة ايه اللى بيحصل

بنت أبيها يقول...

آخر العنقود

يا مراحب

منورة يا سكر

مش بشوفك اون لاين يعني

ههههههههههههه

صحيح

يا رب

-----------------------------------

موناليزا

على الاقل الاقل يعني ... بتخلي الناس اللى في الجامعة تعرف ايه اللى بيحصل فيها ... لان اكيد زي ما انتي عارفة في ناس في الجامعة دماغها بتكون في اللمون ... بعتبرها رسالة توعية

materials يقول...

Some of the content is very worthy of my drawing, I like your information!
costume jewelry