هل فكرت في يوم تكتب وصيتك؟

تفتكر لو فكرت تكتبها هتكتب فيها ايه؟

وهوه لازم يكون عندك ورث عشان تكتب وصية ؟

هوه لازم الواحد يحس بقرب أجله عشان يكتب وصيته ؟

طيب ما احنا دلوقتي الموت المفاجئ اصبح منتشر كتير

مش عارفة ايه اللى خلاني افكر في الموضوع ده

انما بجد ليه مش نكتب وصيتنا

16 شاركونى:

جحا المصرى يقول...

أكيد هنفكر بعد كلامك ده

محمود النجمي يقول...

فعلا ليه منكتبهاش
انا عن نفسي معنديش حاجه امول او كده
وبرضوا معنديش ديون الحمدلله
ومعنديش حد مسؤول عنه
اممممم
اعتقد انها ملهاش لزمه في الوقت الحالي
بالنسبه ليه

انتي كتبتيها ؟؟؟؟

ومازلتُ أتعلم يقول...

ياباشا ياباشا
أنا ممكن أكتبها حاضر
بس ÷اكتب فيها أيه يعنى؟؟؟؟

ياتوتى

بكرر سؤالى ليكى اللى سألتهوللك قبل كده

ليه بتسألى السؤال بتاع الوصية ده؟؟
ومتقوليش عايزة اعرف بس


وحشتيييييييييييييييييييييينىىىىىىىىىى

تلميذة سلمان الفارسى يقول...

دى حاجه مطلوبه جدا وكيس انك فكرتى فيها.
مششرط الوصيه تكون ورث إنما ممكن تكون وصيه ولو حتى بدعاء يدعوه لكى
بارك الله فيكى

قلم رصاص يقول...

السلام عليكم ورحمة الله وبركاته

والله هي فكرة كويسة أوي بجد

بارك الله فيكم عليها

انا تقريبا قريت بوست في احدى المدونات لا اذكر بالظبط فين ، صاحبة هذه المدونة قالت انها استيقظت من النوم وفجأة قررت تكتب وصيتها وكانت مستغربة من مافعتله

بس حقيقي هي فكرة كتابة الوصية فكرة رائعة من حضرتك

وليه لأ فعلا
وليس بالضرورة ان تكون الوصية متعلقه بالجانب المادي
فقد تكون وصية معنوية او انسانية او او او الخ !

يعني مثلا انا شخصيا نفسي أوصي اللي من بعدي في نظاق عائلتي الصغيرة ، أن يظلوا على العهد مداومين ويظلوا يدا واحدة ، انا عندي لما اشوف عائلتي واخواتي واخوتي مترابطين وايد واحدة زي مابيقولوا

اما على نطاق الأسرة الكبيرة مصر

فأنا أتصور ان وصيتي ان نظل كشعب أبي وحر ضد الكيان الصهيوني لأنهم أعداء الله
وهم عدونا الحقيقي الواقف كحجر عثرة أمام تقدم ورفعة الوطن المصري

أتمنى لحضرتك التوفيق

في حفظ الله

بنت أبيها يقول...

جحا المصري

يا هلا بحضرتك

طيب كويس

-------------------------------------

محمود النجمي

منور

ما قلنا مش شرط يكون مال او دين عشان تكتب وصيتك

اة الحمد لله انا كتبتها

-------------------------------------

وما زلت اتعلم

هقولك حبيت اثير الموضوع في الاذهان

واول ما اشوفك واخلص القديم والجديد

هقولك تكتبي فيها ايه

اتمنى اشوفك قريب

-------------------------------------

تلميذة سلمان الفارسي

بالظبط

نورتيني

-------------------------------------

قلم رصاص

سعدت بمشاركة حضرتك

مظبوووط كلامك

Unknown يقول...

أكيد الواحد لازم يعيد حساباته
خوفتيني على نفسي ..كده هتخليني أكتبها ده انا فوق دماغي بلاوي ربنا يسترها معانا
سلام

صاحب المضيفة يقول...

بجد اننا نفكر فيها باستمرار وعلى طول


المشكلة ان الدنيا الهتنا بالفعل ومحتاجين نفعل دور التربية الايمانية بشكل اكبر واعمق من الاول


تحياتي ودعواتي

Eman يقول...

السلام عليكم يا غالية

فكرت كتيييير

ورتبت أفكاري وحددت اللي لي واللي علي

بس لسة مانفذت أمر الكتابة

الموت حق ولكل أجل كتاب

ربنا يتولانا برحمته ويرزقنا حسن الخاتمة

غير معرف يقول...

السلام عليكم ورحمة الله وبركاته
علي فكرة دي أول مرة أدخل عندك ، وخللت علشان قريت تعليق ليكي في احد البلوجز إللي أنا متبعاهم ، فشدني توقيعك (بنت أبيها)!!ولما كمان دخلت اقرأ لقيتك كاتبة موضوع شاغلني وعاملة حسابه فكان لازم أعلق ؛؛
أيوا أنا فكرت وكتبتها فعلا "وصيتي "وأنا والحمد لله بكامل صحتي ولسه في العقد الثالث من العمر!!!أيوا كتبتها بعد وفاة أبويا إللي كان بالنسبة ليه " أخويا وصديقي وحبيبي وكل حاجة ". وإللي مات بين إيديا وفي ثواني من غير ما يرقد زي ما كان بتمني يموت من غير ما يتعب حد معاه
أهو الي حصل ده خلاني مش مستبعده الموت أبدا . علي فكرة بابا كان بيقولي دايما إنتي "ست أبوها ". ربنا يرحمه ويعفو عنه وعنا
ديدي

UncŁē Sam يقول...

اذيك عاملة اية
والله كلامك جميل ودى اول زيارة لمدونتك
بس اتاكدى ان انا هكون من المتابعين اوى معاكى وده شرف ليا
والله يا ستى انا كتبت وصيتى وانا صغير وعندى 10 سنين كنت بلعب مش عارف بعمل اية بس كتبتها
ولسة محتفظ بيها لحد دلوقتى
انا دلوقتى 19 وهكمل العشرين شهر 9
يعنى هيبقى بقالها معايا 10 سنين

UncŁē Sam يقول...

اها بالنسبة للورث انا هخلى كل ممتلكاتى وثرواتى وفلوسى الكتيرة جدا جدا :D
للمدونين بتوع البلوج سبوت

Unknown يقول...

بيقولوا في منها جاهز وانتى بس تمليه بتتباع في المكاتب الاسلاميه

فكرت اجيبها والله بس مش عارفه ليه اقلعت عن الفكره

يمكن لحاجه في نفسي او لعدم شجاعتى ولانى مش مرتبه حاجه في دماغى اكتبها
؟!

Eman يقول...

وينك ياغالية
لعل المانع خير

بنت أبيها يقول...

كاتب مصري

طويب يلا الحق نفسك

-------------------------------------

صاحب المضيفة

سعدت بمرور حضرتك والتعليق

لكن مش قلتلنا هل فكرت؟

-------------------------------------

Eman

ايمو حبيبة قلبي

منورة والله

طيب جميل انك محددة

مستنية ايه بقى يلا اكتبي مش تتأخري

-------------------------------------

غير معروف

منورة يا حبيبتي

ربنا يرحمه رحمة واسعة ... ويجعلكم من الصابرين المحتسبين

دايما ربنا بيبعتلنا في رسائل عشان تفوقنا لكن مين اللى بيعرف يقرأ هذه الرسائل؟

سعدت بتعليقك جدا

-------------------------------------

آسلامـ

الحمد لله انا تمام .. وانت؟

جميل انك تكتبها في السن ده...

لكن مش شايف عندك تعديل عليها بعد الفترة دي كلها وخصوصا انك عارف دلوقتي انك بتعمل ايه؟

طيب كويس ضمنا مستقبلنا يعني ... مية مية

:)

نورت المدونة في اول زيارة

-------------------------------------

حطم القيود

ازيك يا سكراية ... منورة منورة يعني

:)

يعني ايه فيه منها جاهز في المكتبات

وليه ساعتك مش عندك الجراة حتى الان ....

لكن مش تقلقي اكيد هتيجي في يوم من الايام

-------------------------------------

Eman

ميمو حبيبتي

ان شاء الله خير .. انشغالات مش اكتر

دعواتك

:)

عاشق الجنة من الإخوان صلى على النبى يقول...

والله فكرت كتير وعلي فكرة حاجة جميلة لما تكتب وصيتك
تذكرك بالآخرة وتزهدك في الدنيا
ربنا يحسن ختامنا
صبراً علي المعتصم بالله