تاج من العثولة ومازلت اتعلم

وربنا يديني الصحة واجاوب على التاج التاني بعد ما كنت صدقت اني خلصت التاج ده


من أنت ؟

بنوتة مصرية ...عندى يقين إنى هفتح عينى هلاقى حلمى بمصر أحسن بلد فى الدنيا اصبح واقع...... لأن حلم الأمس بالبلورة السحرية ... أصبح واقع اليوم التلفزيون..... وحلم الأمس بالبساط السحرى ... أصبح واقع اليوم الطيارة

وما الذى تفعله هنا؟

اكيد اكيد

بحاول أظبط دماغي .. ودماغكم
على قد ما اقدر
هههههههههههههه

إسرائيل تقصف كل جنوب ممكن بحثا عنك ، أى شمال ستقصد؟ .

ولماذا الهرب؟

أنت مكلف بحذف حرف من حروف اللغة العربية .. أيها ستختار ولماذا ؟

لا يمكن نستغني عن اي حرف من حروفها

الغاء اي حرف هو الغاء لجزء من هويتنا

لو قدر لك أن تدخل السجن فما هي القضية التي تتمنى ان تدخل بها إليه؟

اجابتي هيا نفس اجابتك

بالمناسبة.. منذ متى اكتشفت نفسك؟

لاأزال في طريقي

على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟

اكيد اكيد يعني

إلى حلمك

نحن لا نعيش حياتنا بل نتعلم فيها كيف نعيش ما تعليقك؟

الاثنين معاً ... نعيش حياتنا ونتعلم فيها كيف نعيش

بجملة واحدة فقط أكتب تعريفاً لكل كلمة من الكلمات التالية:

الوطن

وطني لو شغلت بالغربة عنه ... نازعتني إليه في الغربة نفسي

الأم

ملاذي الحنون ... يخليهالي يا رب

الليل

السكووووون

الحب

اجمل المشاعر ... سر تغير الانسان

أمريكا

الحرية ليهم حلال ولغيرهم حرام

المرأة

نصف المجتمع ... وتربي النصف الآخر

الصمت

اذا كان الكلام من فضة فالصمت من ذهب

الانترنت

سلاح ذو وجهين

أخترمنصباً واتخذ قرارا ؟

وزير التعليم

تشكيل لجنة لتطوير التعليم مكونة من اعضاء من هيئة التدريس من مختلف الجامعات المصرية، موجهين ومدرسين أوائل، علماء من الأزهر الشريف ، خبراء من الخارج

قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

التغيب لان ده كان عصر الجاهلية .... اللى كانت تؤد فيه البنت عندما تولد

فما بالك بان يكونوا شعراء معروفين

ولكن الحمد لله على نعمة الإسلام الذي كرم المرأة وأعطاها حقها ... فهي الام والزوجة والمجاهدة والطبيبة والراوية والمستشارة... والكثير

وكانت من ضمن آخر وصاياه قبل مماته صلى الله عليه وسلم.

إلى أين تمضي كلمات الحب .. بعد أن نقولها؟

ما خرج من القلب فهو يصل للقلب ... وما خرج من اللسان فإنه لا يتعدى الآذان

هل تجد علاقة بشكل أو بآخر بين المرأة وقطاع الطرق ؟

ههههههههههههه

قطاع الطرق مرة واحدة

لا

هذا فراق بيني وبينك .. متى ولمن تقولها ؟

اقولها لكل من يكسبني ذنوباً

كيف هو غداً ؟

في علم الغيب ... ولكن اتمنى ان يكون افضل من اليوم

امرر التاج لكل مدوني الشخابيط

وهشوف حد تاني اكعبله فيه :D

9 شاركونى:

ومازلت أتعلم يقول...

ايييييييييييه ده
انتى جاوبتى على التاج ده امتى
امتىىىىىىىى
ازاى مشوفتوش
يعنى داخلة اسلم عليكى الاقى التاج قدامى
متجاوب
والله فرحت جدا
ازييييييييييك يابنتى
اجاباتك لذيذة ومختصرة وفيها الشفا
ربنا يكرمك ياحبيبتى وتحققى احلامك

بااى

طوبه فضه وطوبه دهب يقول...

اجاباتك جميله ويارب تحققى كل اللى تتمنيه ويكون فعلا الغد افضل من اليوم كما تتمنى

وفاء بركات يقول...

طب ده أسمه كلام ده انا بقولك
مهمومه وزهقانه تقولي لي تاج
طب ممكن محمد يجاوب بدلا عني
شوفي موضوع بهبشين بلدى مش عايزين
نحبط بعض عايزين كلنا ندفع بعض
للأمام ونساعد بعض مش كده ولا آيه
تحياتي

بنت أبيها يقول...

وما زلت اتعلم

:D

الحمد لله كويسة

ربنا يكرمك انتي كمان يا قمر

نورتيني

-------------------------------------

طوبة ذهب وطوبة فضة

يا هلا بيكي يا قمر في اول زيارة

متشكرة

وان شاء الله يكون افضل

سعدت بزيارتك وتعليقك
-------------------------------------

وفاء بركات

كيفيك يا استاذة

ربنا ييسر لك امرك ... ويفرج عنك

لكن مفيش استثناءات

ومحمد كده كده هيجاوب عليه لاني مررتهوله

ولا تقلقي شوفت الموضوع

وان شاء الله خير

سعدت بتعليقك

رئـــــيسـة حزب الأحلام يقول...

بقى كدة ياقمر تكعبلينى فى تاج
بصى انا هجاوبه عشان خاطرك بس
تحياتى

موناليزا يقول...

ماتحرمش ياقمر
بس انا جاوبت عليه قبل كده فى مدونة "حاجات جوايا"
http://7agat-gowaya.blogspot.com//

حواء يقول...

شكرا بنت ابيها على التاج الجميل وعلى قد ما قدرت جاوبت

وربنا يبارك فيكى

نهياوية يقول...

مبروك ياسيادة الوزيرة .. بس اوعي تنسينا

تحياتي

اقصوصه يقول...

مبروك التاج

اجابات بسيطه ومميزه :)