اعتقد كلنا خلاص حفظنا الكلمة دي

حتى الطفل في الزمن ده بقى عارفها

لكن طبعا زي ما انتوا عارفين نحنا في زمن التضاد

فاصبحت هذه الكلمة لا تستخدم في مكانها الصحيح الذي وجدت من اجله.

مش عارفة هيجي اليوم وهشوف ولا هسمع

عن ان محاربة تجار المخدرات والسموم ..... قضية امن قومي

عن ان تمشيط سيناء وتخليصها من الالغام التي يزيد ضحاياها يوما بعد يوم ... قضية امن قومي

عن ان الطعام المسرطن .. والماء الملوث ... قضية امن قومي

عن ان قضية مثل مقتل وذبح 10 اشخاص من اسر متعددة في المنيا ... قضية امن قومي

عن ان قضية الاطفال والاتجار في اعضائهم في بني سويف ... قضية امن قومي

عن ان قضية العبارة وحرق القطارات ... قضية امن قومي

عن ان القضاء على البلطجة (التي انتشرت بشكل سافر .. حتى اصبح لا امان الآن) .... قضية امن قومي

عن ان انتشار الرشاوي والفساد .... قضية امن قومي

عن ان تدهور مستوى التعليم .... قضية امن قومي

عن ان تدهور الأقتصاد ... قضية امن قومي

عن ان غلاء الاسعار .. ومشاكل الشعب .... قضية امن قومي

عن ان بيع القطاع العام (الخصخصة) وتسهيم الحصص ... قضية امن قومي

عن ان الاعتداء علي الدول المجاورة لنا(والذي يعتبر تمهيد للاعتداء علينا) ...... قضية امن قومي

تفتكروا هيجي اليوم ده

ولست ادري ... فعلى ما اعتقد ان قضية امن قومي اصبحت تساوي قضية امن شخصي ، قضية امن سياسي

12 شاركونى:

ومازلتُ أتعلم يقول...

قضية امن شخصى فعلاً ده مافيش حد فينا فى البلد ديه
الا وشاف حاجة من الحاجات اللى ذكرتيها
شكراً ياعسل على التوبيك .

اصحى يا مصر : اسلام ديو يقول...

حتى كلمة مصر

بقت قضية امن قومى

ربنا يسترها

اصحى يا مصر : اسلام ديو يقول...

احييك على المدونة الأكثر من رائعة

كلمة حق .... هويتى اسلامية يقول...

السلام عليكم ورحمة الله وبركاته

شاركونا النقاش حول أهم القضايا التى تواجه الأمة فى الوقت الحاضر

كن إيجابياً وشاركنا من اجل الافادة والاستفادة

أبو خيرى

ابو صهيب ( الجمعاوي الاصيل)سابقاً يقول...

هذه هي الشماعة التي يعلق عليها الفاشلون من حكامنا فشلهم وسقوطهم

امن مصر القومي ايه بس وهباب ايه

يعني هو اللي بيحصل من الشرطة في اقسام البوليس وضد الشعب المصري ليس له علاقة بامن مصر القومي

اليس القهر يولد العند والكفر

وسلميلي على امن ليبيا القومي

الربان يقول...

تحياتي

الامن القومي مفهوم شامل يضم اشياء كثيرة تحته... يعني مثلا امن حضرتك الشخصي هو بالفعل احد مفردات الامن القومي او هكذا يفترض ان يكون...لان لو لم يشعر الفرد بالامن في مجتمعه فهذا يعني ان هناك شيء ما خطأ....

الامن القومي ليس مجرد عدو وحدود...بل يشمل ايضا التعليم و الصحة...لان بدون تعليم جيد و متميز و افراد يتمتعون بصحة جيدة و لياقة ذهنية وبدنية مرتفعة سيكون المردود سلبي علي
كل مناحي الحياة و اولها امن الوطن.


تحياتي و تقديري

mosooz يقول...

عندك حق البلد كلها بقت قضية امن قومى
من كتر ذكر الكلمة على كل شئ ..فقد احترت يعنى قضية امن قومة ..يعنى بتههدد البلد

الواد سيكو الحرامى قضية امن قومى.

مع اطيب االامن القومى بتاعى

the others يقول...
أزال المؤلف هذا التعليق.
the others يقول...

فكرتيني بقصيدة لعبد الرحمن يوسف

بيقول فيها
في الغرب خير ما له حصر وعد
حكامهم
يسعون كي يرفع دخل الفرد
ونحن أيضا مثلهم
نسعى لرفع دخل فرد

وفاء بركات يقول...

وعدم الرد علي تعليقك قضيه أمن قومي
وحشاني كتييييييييييييييييييييير
في الجوامع كذ1بو موضوع خطف الأطفال وبالرغم من كده بنسمع كل يوم حكايه
جديده عن خطف طفل .
تقريبا المشكله إن عدد أفراد الأمن أقل من عدد المجرمين .. وكمان مستنين يعملو مساكن قصدى سجون تلم من أجرموا في حق خلق الله الغلابه ..
طول مفيه ثغرات في القانون ينفذ منها هؤلاء الجرذان المتاجرين بأقوات الشعب
ولحم الشعب مفيش قضيه من أصله
ربنا يعديها علي خير

معتز شاهين - باحث تربوي يقول...

من الذي يحدد المعيار الذي يحول أي قضية إلى قضية أمن قومي ؟
الاجابة هو واحد فقط بالطبع كلنا عارفينه
عشان كده أصبحت فعلا قضية أمن شخصي

بنت أبيها يقول...

ومازلت اتعلم

العفو يا عثلاية

نورتي التوبيك والمدونة

------------------------------------

اصحي يا مصر : اسلام ديو

صحيح

يا رب

ربنا يكرمك وسعدت بالزيارةوالتعليق

نورت المدونة في اول تعليق ليك

------------------------------------

كلمة حق .. هويتي اسلامية

يا هلا بحضرتك

ان شاء الله

------------------------------------

ابو صهيب (الجمعاوي سابقاً)

سعدت بتعليقك

الشماعات كترت في بلدنا .. اعتقد هنصدرهم بعد كده

وبالنسبةلامن ليبيا

يوصل السلام
:)

------------------------------------

الربان

بالظبط ده اللى قصدته من موضوعي

ان الامن القومي لا يقتصر على حدود وسياسات فقط

سعدت بزيارتك وتعليقك

واهلا وسهلا بحضرتك باول تعليقك ليك هنا

------------------------------------

mosooz

يااااه يا بني الموضوع اكبر منك

اكبر من انك تفهمه

وتحياتي ليك

منور المدونة من تاني

------------------------------------

The other

هوه بالظبط كده فعلا

ربنا يرحمنا

وحشتيني يا شوشو

ابقي طمنيني عليكي

------------------------------------

وفاء بركات

يا هلا بيكي يا استاذة في المدنة

نقول لمين

لعل الكلام يؤثر

دمتي بخير

------------------------------------

معتز شاهين ـ باحث تربوي

بالفعل

ربنا يهدي

سعدت بتعليق حضرتك