من ساعت ما عرفت ان كل ابن ادام من يوم ولادته

مكتوب له ان كان شقي او سعيد

الموضوع كان شاغلني من ساعتها

وكان فيه تساؤل (يعني الانسان ميقدرش يغير قدره .. او ما هو مقدر له؟؟)

اترك التفكير فيه ... ثم تاتي الاحداث مرة اخرى لاعاود التفكير فيه مرة اخرى

لحد ما حضرت يوم في مسجد وكانوا بتكلموا عن الدعاء

سمعت ساعتها حاجة جميلة اهدتني للإجابة عن سؤالي ...

تفتكروا ان الموضوع خلاص سبت على كده

لا طبعا

تقدر تغير القدر ... وما مقدر لك ومكتوب


مستغربين

طيب هقولكم ازاي

بسيطة جدا

سمعتوا حديث رسول الله صلى الله عليه وسلم

عن ثوبان رضي الله عنه قال: قال رسول الله صلى الله عليه وسلم: "لا يرد القدر إلا الدعاء، ولا يزيد في العمل إلا البر، وان الرجل ليحرم الرزق بالذنب يذنبه." ابن حبان في صحيحة

فعن عبادة بن الصامت رضي الله عنه أن الرسول صلى الله عليه و سلم قال: "ما على الأرض مسلم يدعو الله تعالى بدعوة إلا آتاه الله إياها أو صرف عنه من السوء مثلها ما لم يدع بإثم أو قطيعة رحم" فقال رجل من القوم : إذا نكثر؟ قال: "الله أكثر".

عن النبي صلى الله عليه وسلم أنه قال: "إن الدعاء يصطرع في السماء مع البلاء ولا يرد القدر إلا الدعاء


يعني ممكن ترد قدر سئ عنك بالدعاء

وممكن تحرم نفسك من رزق مكتوبلك بذنوب تذنبها

13 شاركونى:

غير معرف يقول...

الحمد لله علي كرمه هو الحق العادل
انتي فعلا كتبتي عن حاجة مهمه اوي لان ناس كتير بتاخد الكلمة بتاع مقدر ومكتوب شماعة تعلق عليها اللي هيا عيزاه سواء بئ كانوا مش فاهمين _ربنا يهديهم ويهدينا_او كانوا مش عايزين

Unknown يقول...

يا رب يهدينا كلنا
و يرزقنا بالحلال
خصوصا في ظل انتشار الكسب الحرام
و متعرفيش البوست ده مهم قد ايه
عشان زي ما مسلمة قالت شماعة المقدر و المكتوب

موناليزا يقول...

الحمدلله على نعمة الاسلام وعلى نعمة الدعاء
جزاكِ الله خيرا

صاحب المضيفة يقول...

دي احلى تظابيط بجد


ربنا يكرمك ويسعدك يارب ويرضى عنا وعنك

noha يقول...

بعيدا عن اللوك الهااايل اللى بقت المدونة عليه
وبقولك مبروك ويمكن تكون متأخرة
:)


فبجد لما بتدخل عندك بستفيد جدا
والرسايل اللى بتفكرينا بيها
ربنا يجزيكى خير عليها بجد


:)

ربنا يسعدك يااارب

Darsh Basha يقول...

هو فعلا لايرد القدر الا الدعاء
ولكن ماهو مكتوب مكتوب لا يغير
يعنى انت لومقدر لك ان يحصلك حاجة معينة
وانت دعيت انها تبعد عنك..وبعدت عنك

فمكتوب انك انت هتدعى فى الوقت دة ويستجاب دعوتك ويتغير القدر

موضوع جميل ورائع

Unknown يقول...

الله ينور
مدونة رائعة وهادفة
تقبليي مروري
ويسعدني رد الزيارة
ويبقى التواصل

همسات شاب يقول...

ربنا يكرمك بجد على التوبيك الأكثر من رائع ده

ومدونة رائعة

تقبلي مروري

نهياوية يقول...

السلام عليكم

فينك ياجميل ، من فترة لااراكي علي النت ؟ ، تضاربت مواعيدنا

حلوة تظابيطك

تحياتي

تلميذة سلمان الفارسى يقول...

جزاكى الله خيرا
لبدعاء سلاح قوى جدا لو تذكرناه دائما

بنت أبيها يقول...

مسلمة وافتخر


منوراني ومكتراني ومفرحاني

بس فعلا الحمد لله

لمستي نقطة مهمة

-------------------------------------

طعمية سخنة

يا هلا باكلة الملايين

اللهم آآآمين يهدي الجميع

ويثبت القلوب

-------------------------------------

موناليزا

دايما بتدخلي عليا السرور بالزيارة والتعليق

الحمد لله الحمد لله الحمد لله

-------------------------------------
صاحب المضيفة

اخجلتم تواضعنا يا فندم

اتمنى تكون افادتك

اللهم آآآمين ، وكل المدونين معانا

-------------------------------------

noha

الله يبارك فيكي

عمرها ما تيجي منك متاخرة ابدا في اي وقت

سعادتي بتكون في اني افيد غيري

اتمنى اني اكون افادتك يا سكراية

-------------------------------------

mosooz

يا هلا بحضرتك


تعرف ايه وجهة نظري في موضوع المكتوب والمقدر ده


الموضوع عبارة عن ان ربنا سبحانه وتعالى خالق هذه الانفس وعارفها

فعارف ردود افعالها ايه وتصرفاتها ايه

لكنه تارك لها الباب موارب لاختيار والتغيير

دمت بخير

-------------------------------------

معتز شاهين

اخجلتم تواضعنا يا فندم

واهلا بحضرتك في المدونة ، نورت المدونة

وسعدت بالتعرف على مدونة حضرتك

-------------------------------------

همسات شاب

اللهم آآآمين

يا هلا بحضرتك في اول زيارة

-------------------------------------

نهياوية

ازيك يا بنوتة

وانتي كمان

فعلا تضاربت المواعيد

وخاصة في الفترة اللى فاتت

النت كان مفصول عننا فترة كبيرة

نورتي المدونة يا حبيبتي

-------------------------------------

تلميذة سلمان الفارسي

يا هلا بالقمر

مرحبا بيكي وعودا احمدا

بالتوفيق

وفاء بركات يقول...

اللهم تقبل منا ومنكم الدعاء وصالح الأعمال..
قد آيه ربنا كريم ورحيم علي عباده
شكرا لك ربنا يجزيك عنا خير

jejemam55@gmail.co يقول...

الدعاء عباده كتير بننساها ومش بنفتكرها غير واحنا مضطرين


جزاك الله خيرا ع التذكره


ومبروك اللوك الجديد