لا اعرفها ... ولا تعرفني

ولكن شاء القدر ان اراها واتعلم منها

على الرغم من بساطتها

ولكني حقا اشكر الله ان ارسلها لي ... واشكرها

قابلتها في رحلة من رحلاتي للقاهرة

في حديقة الفسطاط

كانت عاملة في دورات المياه

كنا قد دخلنا لنتوضأ للاستعداد للصلاة

ودردشنا معها قليلا في اثناء انتظار باقي زملائنا

كانت تتكلم عن حياتها ... ومدى المعاناة التي تعيشها

ولكن اكثر ما تعلمته من كلامها .. النظر للنعم التي قد لا ندرك انها نعم كبيرة في حياتنا

كانت تحكي لنا عن حياتها

وعن زوجها الفاسد ... وسببه في تراكم الديون عليهم

حيث بدأوا في بيع اثاث المنزل .. اثاث وراء الآخر

حتى باعوا ابواب الغرف ... والدور القادم على باب الشقة

بجد متتخيلوش .. ان بعدها كلامها قعد يرن في وداني كتير

وخصوصا انهم باعوا أبواب الغرف

وروحت وفكرت اني اقضي يوم من غير ما اقفل باب غرفتي كأنه مش موجود

متتخيلوش الوضع كان صعب ازاي

بجد مكنتش اتخيل ان باب غرفتي ده نعمة كبيرة ربنا عطيهالي مش مقدراها

ومن ساعتها وانا على طول بلاحظ كل نعمة ظاهرة او خفية واشكر ربنا عليها

وبدعيلها دايما ... وبشكرها

ويكرمها ويوسع رزقها اينما كانت

16 شاركونى:

Miss. Sosa يقول...

اللهم انت الرزاق فارزقها من فضلك يا كريم وافرج عليها كربات الدنيا والاخرة

الانسان لا يدرك النعمة الا بعد فقدانها لكن طول ماهي عنده لا يشعر بوجودها وقليل من يشكر ويحمد الله في السراء والضراء

قال الله سبحانه وتعالى " وقليل من عبادي الشكور"

Unknown يقول...

يارب أمين

فعلا في حاجات احنا ممكن ماناخدش بالنا منها لكن هي في الحقيقه مهمه اوي

ولو فقدناها هتفرق معانا كتييييييير

ربنا يرزقها وينعم عليها من فضله يارب

*الطالبة عفو الله *زوزو يقول...

فعلا الحمد لله حمدا كثيرا طيبا
اشياء كثيرة نغفل عنها و لا ندرك قيمتها
الحمد لله يا رب على كل شيء
بارك الله فيكي اختي

عصفور المدينة يقول...

الحمد لله على العافية دوما

Eman يقول...

الواحد بيفتكر النعم اللي عندو هي الحواس والاهل المال والحاجات دي بس في نعم في حياتنا ما حنعرف قيمتها الا لو اتأخدت مننا

الحمدلله على اي اي نعمة صغيرة كانت او كبيرة

والحمدلله انه خلانا نعرف انسانة جميلة زيك

تلميذة سلمان الفارسى يقول...

ياااه احساس رائع فعلا
الحمد لله على كل شىء
ربنا يجعل كل حد يتامل فى نعم الله ويشكره عليها فى ميزان حسناتك يارب
جزاكم الله خيرا حبيبتى فى الله

أبو فاطمة / هويتي إسلامية - مدونون من أجل فلسطين يقول...

نعم كم جميلا ان نتذكر النعم
اول ما بداء به كتاب الله عز وجل ان قال بعد بسم الله الرحمن الرحيم الحمد لله رب العالمين.
هل تعلمين ان اول ما قاله ادم بعد ان بث الله فيه الروح فعطس فقال فطريا غير متعلم ( الحمد لله )فردت الملائكة يرحمكم الله.
قال موسى محدثا ربه يارب خلقت ادم بيدك ، ونفخت فيه من روحك ، وعلمته اسماء كل شي ، واسجدت له الملائكة ، وعصاك فتبت عليه...فبما شكرك يا رب قال الله يكفيني ان يقول الحمد لله رب العالمين.
جزاك الله خيرا عن موضوعك ( احساس التقصير نحو شكر نعم الله ). ولكن تذكري ان نعمت حمد الله علي ان لكي بيت يحويكي ليلا اكبر بكثير من اغلاق باب الحجرة فهناك من يفترشون الارض ويلتحفون السماء وقد والله رايتهم بعيني...


وادعوكم لقراءة تدوينتي الجديدة حزين عمدة بلدنا في مدونة هو كدة و كل ده في مدونة كن جميلا
ابو فاطمة

mohamed ghalia يقول...

الحمد لله على نعمه جميعا
فعلا ذكرتينا بنعم مخدناش بلنا منها قبل كده
جزاكى الله خيرا
تقبلى تحياتى

موناليزا يقول...

حقا ان تعدوا نعمة الله لاتحصوها
اوقات كتير بحس ان ربنا بيبعت لنا رسايل معينة لنشعر فيها بعظيم نعمه
ياربنا لك الحمد كما ينبغى لجلال وجهك ولعظيم سلطانك

صابر وراضى يقول...

وعليكم السلااااااااااام
اهم حاجه الصحه
والباقى كله يهون
فرجها علينا يااااااااااارب

noha يقول...

النظر للنعم التي قد لا ندرك انها نعم كبيرة في حياتنا

___________________


بجد روعهـ
الحمد لله بجد على كل النعم اللى احنا مش شيفنها نعم

بجد تعرفنى فعلا باب غرفتى نعمة كبيرة كبيرة

يارب لك الحمد كما ينبغى لجلال وجهك وعظيم سلطانك

تسلم ايدك يااارب على البوست ده

Hosam Yahia حسام يحيى يقول...

جميـــــــــــل


الحمد لله على كل شئ

:)

ربنا يزيد حضرتك يارب

(ولئن شكرتم لازيدنكم)

م/ الحسيني لزومي يقول...

شارك في الحملة الشعبية للقي بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

اقصوصه يقول...

فعلا الحمدلله

الحمدلله على اشيا كثيره

بعضها نذكرها

والبعض الاخر

ما يخطر لنا على بال

فلا نتذكره

الا

عندما يغيب!

بنت أبيها يقول...

miss.sosa

اللهم آآآمين

ده صحيح

نورتيني كتيييييييير بالزيارة

-------------------------------------

esraa

يا رب

آآآآمين

سعدت بزيارتك للمدونة

-------------------------------------

الطالبة عفو الله

منورة المدونة من تاني

الحمد لله [لو قعدنا نقولها طول حياتنا مش هنكفي النعم شكرها]

ربنا يكرمك

-------------------------------------

عصفور المدينة

استاذنا الفاضل

منور المدونة من تاني

الحمد لله دائما وابدا

-------------------------------------

eman

الحمد لله

ربنا يرزقك شكر نعمه والشعور بها دون الحاجة لفقدها

وحشاني يا ميمو

يلا ارجعي للتدوين تاني

-------------------------------------
تلميذة سلمان الفارسي

آمين يا رب

جزانا واياكي يا عثل

منورة المدونة

-------------------------------------

هوه كده

اكيد طبعا نعمة المنزل نفسه نعمة كبيرة

لكن كلنا عارفينها او من النعم الظاهرة لعيوننا ونحمد الله عليها كثيرا

وما اردت ذكره انه يوجد كثير من النعم الهامة برضوا في حياتنا لكننا لا ندركها

منور المدونة من جديد


-------------------------------------

mohamed ghalia

يا هلا بحضرتك في المدونة

جزانا واياكم يا فندم

-------------------------------------

موناليزا

فرحت كتير بزيارتك وتعليقك

ربنا يديمها عليكي نعمة [الرسائل]

-------------------------------------

صابر وراضي

يارب يفرجها على الكل

هلا بحضرتك في المدونة

-------------------------------------

noha

ايه النور ده كله

منورة يا سكراية

:)

ربنا يكرمك يا رب

وربنا يديم نعمه عليكي .. ويجعلك من الشاكرين

-------------------------------------

Hosam Yahia حسام يحى


منور المدونة من تاني


فعلا [ولئن شكرتم لازيدنكم]

-------------------------------------

م/ الحسيني لزومي


زرت المدونة يا فندم


منور المدونة

-------------------------------------

اقصوصه


ياااه كتير جدا

سعدت كتيييير بزيارتك وتشريفك ليا

غير معرف يقول...

نعم الله كثيرة ولا ندركها فيرسل لنا رسولا" ليعلمنا كيف نشكر الله على كثير نعمه