جلست يوماً اتفكر في احوال البشر ...

فوجدت بشرا متضايقون في عيشهم

يتمنون الرحيل من بلادهم ... الى بلاد تعطيهم فرص حياة افضل

ووجدت بشرا يتهافتون على المال كتهافت الذئاب الجائعة على الفريسة

وجدت بشرا تغلبهم الانانية

وجدت بشرا لا يشعرون بمعاناه من حولهم من البشر

وجدت بشرا يسبحون في الفساد

وجدت بشرا يعيشون في غابة مبدأها القوة

فتفكرت في الفئة الاولى التي تشعر بضيق العيش ... وترجع ذلك الى الغلاء


هل يا ترى العامل الاساسي الذي يجعلنا نضيق بالعيش في هذه الدنيا وهذه البلد هو ارتفاع الاسعار والغلاء؟

لا أعتقد ذلك في الحقيقة

فعلى عهد الرسول صلى الله عليه وسلم في بناء الدولة الإسلامية .... كان هناك الكثير من الفقراء.

حتى قيل "لو كان الفقر رجلاً لقتلته".

انما أتدرون ماذا...

انما هو سوء الخلق وانعدام الذوق وحسن المعاملة بين الناس بعضهم بعضاً...

أكثر ما أكد لدي ذلك ... فترة ارتفاع اسعار المواصلات

كان السواقين في منتهى قلة الذوق في التعامل مع الناس ... في طلب الأجرة

كان ابسط رد كان ممكن يردو بيه على الناس ... يا جماعة مش بادينا هنعمل ايه يعني

انما الواقع كان الوقاحة في الرد وسوء الادب

والكثير من المواقف الحياتية التي لو دققت فيها لوجدت انه لو وجد حسن الأخلاق والتعامل بين الناس

لتغير الحال كثييييراااا


فعليكم بحسن الخلق

18 شاركونى:

الطائر الحزين يقول...

اللهم وسع صدورنا
وحسن اخلاقنا

Unknown يقول...

تمام بس برضه احد اسباب سوء الاخلاق هو الغلاء

لانه عرف قديما ان الفقر ممكن يدفع صاحبه لفعل اى شيء

الا طبعا اللى بتحميهم قاعده خلقيه قويه....بس فين دول دلوقتى...قله قليله

رئـــــيسـة حزب الأحلام يقول...

انعدام الضمير
هو السبب فى اللى احنا فيه
كل فئات الشعب محكومين وحكام
مش عندهم ضمير
تحياتى

Abdallah Hosni يقول...

لتغير الحال كثييييراااا

فعليكم بحسن الخلق

بصراحة وكفى بها حلا

ربنا يجزيكى خييييييييير

عاشقة الحواديت يقول...

حسبي الله ونعم الوكيل

*الطالبة عفو الله *زوزو يقول...

بارك الله فيكي اختي
اثرت موضوع مهم فعلا
الله المستعان و الله يرحمنا و يحسن اخلاقنا
دمتي في حفظ الله اختي

nonni يقول...

الناس مبقتش تخاف ربنا فى تصرفاتها ده سبب التاخر اللى احنا فيه.

"تحياتى"

حبارير يقول...

السلام عليكم ورحمة الله وبركاته
المؤثرات في بناء الشخصية كثيرة كمفردات
لكن قد يجمعها ما يلي:
1-طبيعة الشخص
2-المنهج الذي يتبعه
3-البيئة من حوله
بالطبع أصول المنهج عند المسلمين هو دينهم
لكن البيئة استوردت ثقافات كثيرة غريبة عننا ومع الأيام ألفناها وتطبعنا بها
علاوة على الدور التخريبي المنظم للإعلام والتعليم
أخيرا
لو كان الفقر رجلا ليس من كلام النبي والمشهور أنه من كلام علي بن أبي طالب
لكن النبي كان يقول في دعائع (وأعوذ بك من الكفر والفقر)فجعل الفقر قرين الكفر..أسعد الله جميع المسامين وأغناهم

انسانة يقول...

الله ..بوست رائع الحقيقة
والسبب فى الاخلاق
اللهم حسن اخلاقنا
وثبت قلوبنا


اقولك حاجة بينى وبينك
بحبك فى الله والله

TIMMY !! يقول...

ما شاء الله ...

تنمية بشرية برضه .. :)

ربنا يجعله بفايدة :)

مدونة رائعة .. تحيتي ..

أُكتب بالرصاص يقول...

خايف أقول



مافيش
فايدة

بس

الحقيقة
انه


مافيش فايدة

دهاء سياسي يقول...

تدوينة حضرتك خلت فى أية كريمة نطت أمامى على طول بتقول " و لو ان اهل القرى آمنوا و اتقوا لفتحنا عليهم بركات من السماء و الارض " سورة الأعراف

أول مرة ادخل عند حضرتك .. بس حقيقى تدوينة تمس احد اعمق جذور المشكلة المصرية

بوركت :)

أنا حر يقول...

معتقدش ان الموضوع ممكن تلخيصة في سبب واحد او سببين انما هو الحقيقة السبب مجموعة حاجات كتير غلط في حياتنا
مفيش اخلاق في المجتمع ومفيش ضمير وفي نفس الوقت مفيش حكومة علمت الناس يعني ايه اخلاق في المادرس ولا قبضت الناس مرتبات كويسة علشان يكون عندهم ضمير
في النهاية اللي لازم نقوله ان احنا دلوقتي معندناش اي حاجة ليها قيمة
تحياتي

أميرة محمد محمد محمد يقول...

لا يجب ان نخترع لانفسنا مبررات علي اخطائنا
كما قلت بالظبط الامر يتعلق فقط بسوء الخلق
بقولك ايميلي اهو
كلميني عليه
لاني مش عندي ماسينجر الجي ميل
amira_3ms@yahoo.com

اوعى تفكر يقول...

حقيقه ان حلم عمرى
ان اخلص دراسه وامشى اشتغل فى بلد تانيه
لانى زهقت من كل حاجه فيها
السبب مش الفقر جدى وجدك وجدودنا كانوا معظمهم مش بيدوروا غير على الستر
لكن احنا هنسبها ونمشى عشان نسبهم يبرطعوا فيها هما واللى زيهم

موناليزا يقول...

ياااه اين حسن الخلق
بقى لى كتير ماشوفتوش
كل سنة وانتى طيبة

Eman يقول...

رمضان كريم ياحبيبتي بنت أبيها

ربنا يتقبل صيامكم وثيامكم ويغفر ذنوبكم وخطاياكم

ماتنسونا من الدعاء

بنت أبيها يقول...

الطائر الحزين

اللهم آآآمين

-------------------------------------

حطم القيود

متفقة معاكي ..

انما ما كنت اقصده ان مش الغلاء هو سبب الناس في خنقتها من البلد وعايزه تهاجر

فكنت بقول ان مش الغلاء هو السبب في خنقة الناس

-------------------------------------

رئيسة حزب الاحلام

ازيك يا ريسة

تمام ... انعدام الضمير اللى بسببه ضاعت الاخلاق

انما اكيد مش الكل بالاجماع


-------------------------------------

3abdallah 7osni

اهلا وسهلا بحضرتك في اول زيارة

اكيد مفيش بعد حسن الخلق من حل


-------------------------------------

عاشقة الحواديت

يا هلا بيكي ياقمر

وكل سنة وانتي طيبة


-------------------------------------

ziz

يا هلا يا قمر في اول زيارة ليكي

منورة

اللهم آآآآمين

-------------------------------------

nonni

كل سنة وانتي طيبة يا سكر

منورة المدونة في اول زيارة ليكي

بالظبط ... دايما بعدنا عن دينا وعن ربنا ... بيجيب لنا المشاكل

-------------------------------------

السعادة

جزاك الله خيرا على التنبية

عدلتها

منور حضرتك في اول زيارة

مشكور على الاضافة

-------------------------------------

إنسانة

ايه النور ده كله

وانا اقول المدونة منورة كده ليه

بس مش عرفت ازور مدونتك ليه مش حاطاها في البروفيل بتاعك

-------------------------------------
TIMMY

يا هلا بتيمي تيرنر

اخواتي ما شاء الله كانوا ادمان عليه

الا صحيح فين الجنية والجني

منور حضرتك باول زيارة في المدونة

-------------------------------------

اكتب بالرصاص


ما شاء الله

اكيد فيه فايدة

Welcome Back

لسه فيه واجب على حضرتك مش حليته

-------------------------------------

دهاء سياسي

ما شاء الله ... اسم جميل لفتاه

اصل المحتكر السوق ده الرجال

منورة يا جميل

فعلا فالتقوى تشمل كل الأخلاق الاسلامية الجميلة

ربنا يكرمك

-------------------------------------

انا حر

يا هلا يا هلا بحضرتك في اول زيارة

كله خربان من كل حته مش كده

بس اكيد فيه امل كل ده يتغير

لما نبدأ بنفسنا وبمن حولنا

-------------------------------------

اميرة محمد محمد

ميرو حبيبتي

كل رمضان وانتي مغفور لكي ذنبك ومعتوقة من النار إن شاء الله

منتظرة استكمال الحديث معاكي ان شاء الله

اعذريني فقط لقلة دخولي

لا تنسيني في دعائك ولو دعاء صغنون

-------------------------------------

اوعى تفكر

يا هلا بحضرتك

انا لا اتفق مع حضرتك في رائيك

يعني ايه نسيبهالهم يبرطعوا فيها

لا طبعا دي بلدنا زي ما هيا بلدنا

واكيد هنتحاسب عنها .. زي ما هما برضوا هيتحاسبوا عنها

ربنا يهديهم بجد

-------------------------------------

موناليزا

وانتي طيبة يا حبيبتي

فعلا مش بنشوفه كتير الفترة دي

انما لازم نبحث عنه ونجعله هوه الظاهر والسائد

تحياتي ليكي

-------------------------------------

eman

ميمو حبيبتي

كل رمضان وانتي بخير وسلامة يا عثل

اللهم آآآمين

اكيد ان شاء الله ...وانتي كمان ياقمر