واجب ومفروض علينا بعد ما كنا نسينا الكلام ده من زمان

نسطر الصفحة كويس الاول

وبسم الله نبدأ الحل :)


س :ـ أذكر اسم من طلب الواجب؟

حبيبة قلبي بنات افكاري ... شكلها بتفكر تشتغل مدرسة ولا حاجة ... وبتدي واجب عشان نحل :)


س :ـ قوانين الواجب ؟

ايه ده متفقناش على كده

طيب استني كده اراجع المنهج

ايه ده انتى بتجيبى اسئلة من خارج المنهج

هبلغ عنك .... طيب خلاص من غير ضرب

تدفعي كام طيب واسكت :)

س :ـ 6 أًٍسرار لا يعملها من يقابلني لاول مره؟

ستة بس .... يلا هختصر 1

- انى اتخرجت .. كل اللي يشوفني ميقولش اني خلصت


2- مزاجية شوية

3- عصبية شوية .. ودي بقى اللى كتييير ميعرفهاش عني خالص لانها مش بتظهر كتير .. وكل اللى بيشوفني يقول عني هادية

4- اني كنت هموت غرقاً وانا صغيرة تقريبا في سن حضانة (اكتر فترة حصلتلي فيها حوادث كتير) .. لكن ربنا بعتلي حد ينقذني

5- اني بعرف اعوم وبحب السباحة جداً زائد التصوير.

6- انى لحد 3 اعدادي كنت بروح دروسي بعجلة :) .


س:ـ 6 مدونون أوجه لهم الدعوه مع الروابط +توجيه الدعوة؟

ستة بس ... مممممم ... بس انا هخليها مفتوحة ليا و للي ياخد الواجب مني

1-صاحبة مدونة حور الجنة ... الف مبروك الخطوبة وربنا يقومك بالسلامة عشان تحلي الواجب.

2- صاحبة مدونة الجيل القادم ... مدونة من محافظتي جديدة وشاطرة في امور المطبخ يعني ممكن نقول عليها استشارية فيه :) .

3- صاحبة مدونة حطم القيود .. صاحبة القلم المتميز .. دائما في تميز وتقدم يا حبيبتي .

4- صاحبة مدونة My Finger print .. دكتورة شوشو .. اللى ان شاء الله هتسيب بصمة في الحياة ومهنتها ... واللى انا اول زبونة عندها لما تفتح عيادة ان شاء الله :).


5- صاحبة مدونة من القلب ... ام اياد العسولة ... كلماتها دايما من القلب والى القلب.

6- صاحبة مدونة دنيتي الجميلة اللى سعدت جدا لما عرفت انها مدونة من محافظتي .. واتمنى اتعرف عليها اكتر .

7- صاحبة مدونة نهياوية .. اللى نفسي اتلم عليها عشان اكلمها.

8- صاحبة مدونة نسيم الجنة ... بتابع مدونتها بس قليلة التعليق فيها.

9- صاحبة مدونة ربة السيف والقلم ... قلمها يعجبني ودائما متألق.

10- صاحبة مدونة حكومة اوف لاين ... اللى مقصرة معاها كتييير ... واللى اكتر مدونة شوفتها غيرت اسم مدونتها كتير

11- صاحبة مدونة حتة سكر ... واللى هيا فعلا حتة سكر .. وده بمناسبة كل سنة وانتى دايما حتة سكر.

12- صاحبة مدونة My Private Corner إيما وركنها المفضل ... واللى بدعي ربنا إنى اقدر اروحلها.


13- صاحبة مدونة إنسانة ... وربنا يوفقك ويهديك للي فيه خير ليكي ويرضيكي بيه.

14- صاحبة مدونة Feelings Reveal انا كده سابقا.

15- صاحبة مدونة هاعيش واتحدى أحزاني .. سمسماية ربنا يوفقك.

16- صاحبة مدونة همسة قلم ... وهمساتها تعجبني والف مبروك على نجاح ابن خالتك ... وعقبال ما يدخل الكلية اللى كان بيتمناها.


17- صاحبة مدونة استرها يا رب ... وريستنا كلنا.

18- صاحب مدونة اكتب بالرصاص ... لعله يكفيه تصنع ويعود على اثر الواجب .

19- صاحب مدونة المضيفة .... وبنردله الضيافة :) .

20- صاحب مدونة في الصميم ... واكيد الرد على السؤال اكيد طبعا قادرين .

21- صاحب مدونة وشرفك يا بلدي سحابة وتعدي ... ونقوله بركة افراج الامتحانات.

22- صاحب مدونة اوعى تفكر .... والف مبروك على النتيجة وكل اللى يجيبه ربنا كويس.

23- صاحب مدونة حياتنا كلمات .... وفي انتظار جديد حياته.

24- صاحب مدونة ناجي العلي ... ورسوماته بتتكلم لوحدها.

25- صاحب مدونة مشروع فنان ... ومشروعه المختفي .. ممكن يكون فكر يفتح مشروع تاني :).

26- صاحب مدونة جهاد المصري.

27- صاحب مدونة كدا وبتاع .. والف مبروك على تحقيق الحلم.

28- صاحب مدونة عايز حقي و صاحب مدونة صور من بلدي وصاحب مدونة بيجاسوس المصري وصاحب مدونة الكاتب المصري .. لعلها تكون حجر في مياه راكدة

29
صاحب مدونة آه يا بلد ... عشان نكسر حالة الشعر اللى مالية المدونة ... :)


بس كفاية ايه ده كله .... ده انا لو فتحت مش هسكت

18 شاركونى:

أخـــ مسلمة ـــت يقول...

ياسلام ع التدبيس؟
يعني يوم ما تفتكريني يبقي كده؟
مااااااااااشي
أمري لله
كنت لسه داخلة المدونة أكتب بوست جديد
لقيت رسالتك
نأجل البوست والأمر لله علشان خاطرك
من عيوني يا حبيبي
ياسلااااااااام
وانا أطول

وحشااااااااااااااااني مووووووووووت موووووووووووت
بجد
ابعتيلي طلب اضافة علشان ايميلك اتمسح من عندي
سلااااام يا حبي

رئـــــيسـة حزب الأحلام يقول...

ازيك ياقمر
انا حليت الواجب دة فى البوست اللى قبله تحياتى لكى ياقمر انت تؤمر
جزاكى الله خيرا

مشروع انسان يقول...

:)

الرد على السؤال التالت اطول رد

:)

تاج جميل

مع انه صعب
بس مر بسلام

blue-wave يقول...

حلو التاج
تحياتى

نهياوية يقول...

السلام عليكم
انا جيت اهو ياحبيبة قلبي
علشان اشوف الواجب واعمله كله الا ده
وكمان جيت علشان تتلمي علي
حلوة اوي حكاية العجلة دي توفيرا للوقت برده

تحياتي

اوعى تفكر يقول...

ماااااشى على فكره انا حليت الواجب خلاص
بس كان واجب صعب اوى

همسة قلم يقول...

ياعيني عالصبر

الواحد ماصدق خلص من المدرسة علشان حكاية الواجب دي الاقيكي مدبساني في واحد محترم كده :)

على العموم ان شاء الله نحل الواجب في اقرب فرصة

بس دعواتك :)

Barrak يقول...

على امرك

Unknown يقول...

ايه التاج العسل ده

سؤالين واقلب

جميل يا بنت ابيها...نحله ان شاء الله...ما انا خدت الاجازه وفاضيه بقي

:)

دمتى بخير يا سكر

سمية-بنت البنا- يقول...

السلام عليكم ورحمة الله وبركاته


حبيبتي بنت أبيها ...

ما شاء الله إجاباتك رائعة ...

ربنا يبارك فيكِ..


لا تنسيني من صالح دعائكِ ..

أحبكِ في الله.

__
أختك::
سمية_بنت البنا_

حسن حنفى يقول...

والله اجابات ذكيه في الانجاز بسرعه
احييك
تقبلي مروري

أميرة محمد محمد محمد يقول...

علي فكره بنوته افكاري بعتتلي الواجب مش عايزه حاجه منك
علي فكره بطلعلك لساني دلوقتي
هههههههههههههههههههههههه
عامله ايه ياقمر
وحشاني
ايه اخبارك
كنت بتروحي دروسك علي عجله
رايقه
هههههههههه

صاحب المضيفة يقول...

تسلمي يارب على التاج الرقيق ده

لكن لازم تعذريني لو ما لحقت ارد عليه


والله مطحون ومافي وقت خالص معلشي


باكرر اسفي وهاحاول ارد عليه باذن الله

طلاب من أجل مصر يقول...

السلام عليكم ..ازيك يا بنت ابيها

كل المدونات اللي بعتلها الواجب انا كنت دخلتها وشفت اسمك

وكان نفسي قوي ادخل مدونتك ..والحمد لله لقيتها ودخلتها

مدونتك جميييله زيك
ربنا يارب يوفقك..ليا زيارت باذن الله

تحياتي سارة

آخر العنقود يقول...

لا بجد اجابات رايقة ومختصرة جداااا
ربنا يكرمك يارب
وينفع بيكى
وأعتقد إنك كده نجحتي فى الامتحان
دمتى بكل خير
وتقبلى مرورى

jejemam55@gmail.co يقول...

لا لا لا .....ايه ده هو انا لحقت ادى واجبات عشان انا اللى اخد واجب


طيب على العموم ربنا يعينى واعرف ارد عشان جهازى فى الانعاش ...دعواتك

بنت أبيها يقول...

اخـ مسلمةـة

حبيبتي انا علطول فاكراكي

مفيش احلى من التدبيس يا بنتي

وانتى اكتر بكتييييييير

بس كده انتي تؤمري

-------------------------------------

رئيسة حزب الاحلام

الحمد لله يا ريسه :)

مو فيه مشكلة

-------------------------------------

امام الجيل

يا هلا بحضرتك يا فندم

فعلا اهم حاجة انه مر بسلام

-------------------------------------

blue-wave

Welcome Back

سعدنا بالزيارة يا فندم

-----------------------------------

نهياوية

يا سلام وانا اقول المدونة مال نورها ساطع كده

اكيد توفير ورياضة في نفس الوقت

-----------------------------------

اوعى تفكر

يا هلا يا فندم

برافو انك حليت الواجب

اكيد كان صعب عشان انت كنت شايل الواجبات كلها وحليتها كلها مرة واحدة

لا تؤجل عمل اليوم الى الغد

:)

-----------------------------------

همسة قلم

:)

ده يكفيني انك شرفتيني يا قمر

على اقل من ماهلك ... بس متأخرهوش احسن تلاقي الواجبات تراكمت عليكي

-----------------------------------

Barrak

الامر لله يا فندم

والف مبارك على الديوان الجديد


-----------------------------------

حطم القيود

عشان نقدر نواكب العصر الجديد

عصر السرعة

اي خدعة


-----------------------------------

سمية بنت البنا

سمسماية منوارني

ربنا يكرمك يا قمر

وانتظري ردي قريبا ... متخافيش انا لسه فاكرة الوعد اللى وعدتك بيه

احبك الله الذي احببتيني فيه

-----------------------------------

حسن حنفي

يا هلا يا هلا بحضرتك

نورت المدونة باول زيارة

ربنا يكرمك

-----------------------------------

اميرة محمد محمد محمد

ميرو كيفيك يا حبي

ما انا زعلت انها سبقتني وبعتته

يلا ملحوقة في اللى جاي

انا اللى حاجزة الاول اهوه

خليكي شاهدة

ههههههههههههههههههههههههه

من ناحية رايقة فانا رايقة فعلا

الا صحيح انتي لسه محلتيش الواجب ليه

-----------------------------------

صاحب المضيفة

منور يا فندم

ماشي منتظرين حله

-----------------------------------

عبد الهادي _سارة

يا مراحب باول زيارة

منورة يا قمراية

ربنا يخليكي يا ذوق

-----------------------------------

آخر العنقود

منورة من تاني يا سكر

مفيش احلى من الاختصار

:)

-----------------------------------

من القلب

ياه اخيرا القمر ظهر وهل

ربنا يشفي عمو الجهاز بتاعك

تحياتي ليويو ابنك

فتاه الجنه يقول...

حبيبتى بنت ايها

ايه الامتحان الصعب ده

وفين الورق والاقلام والمكان اللى هنحله فيه

هو سلق بيض وخلاص (بمناسبه المطبخ )

وبعد كده ترجعوا تقولوا اجاباتكم مش مستوفيه جميع الجوانب وتنزلونا فى الماده :)

بس الاسئله تحير شويه ولا ايه رايك ؟؟