أخلاقيات اسلامية نفتقدها

في الطريق

القاء السلام : جرب تعملها كده .. والراكب يلقي السلام على الماشي والقاعد ... الماشي يلقي السلام على القاعد .. شوف هتقابل كام انسان في طريقك وانت رايح الشغل راجع من الشغل .. خارج .. داخل الخ ... وبص على عداد حسناتك .

غض البصر: ومش معناه انك تمشي اعمي في الطريق ... انما معناه انك تقتصر من اطلاق بصرك على الضروري فقط ... ودي بقى بجد هتحسوا بحلاوتها في القلب ... زائد اني بحس ان اطلاق البصر عامل من عوامل التشتيت وعدم التركيز ... اصل بصوا الدماغ دي زي الهارد بتاع الكمبيوتر بتاعك ... لما تمليه بحاجات كتييير وملهاش لازمة وملهاش اول من أخر ... هتلاقي نفسك تايه وانت بتتعامل معاه ومش عارف توصل لحاجاتك المهمة.

الأمر بالمعروف والنهي عن المنكر:
ودي بقى هي سر أيام زمان اللى الناس بتشتاق انها ترجع من صلاح الناس ... واخلاقهم الجميلة ... لاني بتعبره نوع مهم جدا في التربية ... وهو تربية المجتمع ... والتربية دي بيكون ليها تأثيرـ في معظم الاحيان ـ أكبر من تربية الوالدين .. وبتساعدهم كمان
.

كف الأذى: والأذى بكل أنواعه واشكاله ... وكمان ممكن يكون إماطة الأذى اللى انت هتكون سبب فيه .. ايا كان الأذى سواء بصري او سمعي ... دمتم كافين ومميطين للأذى غير متسببين فيه



ذات يوم قال النبي صلى الله عليه وسلم لأصحابه: (إياكم والجلوسَ على الطرقات) فقالوا: ما لنا بد، إنما هي مجالسنا نتحدث فيها. قال صلى الله عليه وسلم: (فإذا أبيتم إلا المجالس؛ فأعطوا الطريق حقها). قالوا: وما حق الطريق؟
قال صلى الله عليه وسلم: (غض البصر، وكف الأذى، ورد السلام، وأمر بالمعروف، ونهى عن المنكر) [متفق عليه].

12 شاركونى:

""""" يقول...

ما شاء الله عليكى

انا اهو ظبطت دماغى خلاص

جميله مدونتك اوى
بالتوفيق :)

eman alaa eldin يقول...

جزاكى الله خير على شوية التظبيطات دى
وجميل اوى تشبيه العقل بالهارد
واتمنى ان كل اللى يقرا كلامك الرائع يعمل بيه
بارك الله فيكى ورعاكى

صاحب المضيفة يقول...

بوركت على ما كتبت



ربنا يكرمك ويسعد ايامك

وشكرا على التذكرة الجميلة

أحمد سعيد بسيوني يقول...

جزاكم الله خيرا
ورزقكم الجنة

اوعى تفكر يقول...

ربنا يباركلك ويكرمك على التظابيط دى
بس تظابيط فى التمام
لو عملناها نرجع لايام زمان
نرجع لعهد عمر وعثمان
ونبقى علطول لأدام

دنيتى الجميله يقول...

بجد بجد جزاكى الله خيرا

انتى عارفه غير الحسنات اللى هتخديها من القاء السلام انا بحس لما حد يلقى عليا السلام وانا معرفهوش انى سعيده جدا بحس بأمان وسلام وكأن فى حد بيتمنى ليه السلامه هو شعور جميل جدا بالنسبالى
بيخلينى نفسى اعمل كده مع غيرى علشان يحس بنفس الاحساس الجميل اللى بحسه لما يتعمل معايا كده

برضوا اماطه الاذى بفرح جدا بيها لما بلقى بنتى بتميل على الارض علشان تشيل حاجه من الارض ممكن تأذى حد او لتنظيف الشارع وبجد الفضل يرجه لربنا ثم مدرستها اللى علمتها كده
سلااام

بنات افكارى يقول...

السلام عليكم

ماشاء الله عليكي
يامظبطانا دايما ربنا يجلعه
فى ميزان حسناتك ان شاء الله
وحشتيني كتيييييييييير دعواتك
بئا ان شاء الله علشان اشوفك قريب

"النجم القادم" يقول...

جزاكى الله خيرا اختنا الفاضلة

اعزكى الله

Unknown يقول...

ايه الجمال ده

كلام متظبط ع الاخر يعنى

بارك الله فيك وجزيتى خيرا

ربنا يرزقنا بس العمل ،،،،،

قلـــبٌ واحــــد يقول...

سلام عليكم ورحمه الله وبركاته

جزاكِ الله خيراً

تظابيط المفروض تكون فى حياه كل مسلم

واذكركم ونفسى ان افشاء السلام ليس على من نعرف فقط..


بارك الله فيكِ..
وجعله الله فى ميزان حسناتك

بنت أبيها يقول...

amal

يا هلا بالامل والتفاؤل

اهلا بيكي يا قمر

ايوة ظبطيها على طول

بالتوفيق ليكي برضوا

-------------------------------------

بنت الحرية

منوراني

اتمنى انا كمان

بوركتي حبيبتي

-------------------------------------

صاحب المضيفة

آآآآمين

وجوزيت خيرا على المرور والتعليق


-------------------------------------

احمد سعد بسيوني

اهلا وسهلا باول زيارة ليك

جزانا واياكم يا فندم

آآآمين

-------------------------------------

اوعى تفكر

منور في اول زيارة للمدونة

فعلا واحنا كلنا نفسنا نفضل دايما لادام

-------------------------------------

دنيتي الجميلة

ياااه بجد متعرفيش انا قد ايه فرحانة بزيارتك دي

فعلا القاء السلام بيزيد المودة والطمأنينة بين الناس وبعضها

-------------------------------------

بنات افكاري

منوراني ومشرفاني دايما في المدونة

يا رب يحققلك كل امانيك ويوفقك في الامتحانات عشان اقدر اشوفك بقى

-------------------------------------

النجم القادم

جزانا واياك اخي الفاضل

-------------------------------------

حطم القيود

وانا اقول المدونة منورة كده ليه

:)

فعلا ربنا يرزقنا العمل والدوام عليه

-------------------------------------

قلب واحد

وعليكم السلام ورحمة الله وبركاته

صحيح السلام على كل من تلقاه في طريقك

الفقيرة إلى الله أم البنات يقول...

عارفه
اكتر شئ بقى مفتقد هو
كف الأذى..بتتعرضى للأذى كتيرا"...ومن ناس يدعو انهم يحبوك
والاخرى جبر الخواطر
اصبح شئ غير متعامل بيه
مع ان جبر الخواطر خير
انك تحنى على حد ولو بكلمة..طيبه
مهو الكلمة الطيبه صدقه..وجبر الخواطر بيبقى بالكلمة الطيبه
بنت ابيها بوركت