على ما يبدوا ان الحكومة اصبحت تتبع سياسة خبط تخابيط

فمن الملاحظ ان الحكومة الفترة دي بقت بتخبط كتير

وبتستهبل كتير .. بزيادة عن اللازم وعن اللى كان بيحصل

وفى ظل فترة الاختناق اللى عايش فيها الشعب


في ظل حالة الشعب اللى وصل لمرحلة كما يقال في المثل الشعبي بيتخانق مع دبان وشه

يعنى الاوضاع مش مستحملة ... وفاقت كل حد

والحكومة ولا فى الدماغ

الضرايب ترفع ... هوا احنا بندفع ضرايب

الاسعار تولع ... واحنا مالنا اللى معهوش ميلزموش

الناس تاكل حمير ... حد قالهم يفكروا ياكلوا لحمة

كثرة نسب الشباب مدمني المخدرات ... وماله خليهم يتبسطوا ويعملوا دماغ


زيادة نسبة تجار المخدرات مع قلة عمل الشرطة ... وماله يعنى يقعدوا عطلانين من غير شغلة ولا مشغلة

زيادة الامراض من الاطعمة المسرطنة ... مين اللى قال كده ما الشعب مفيش حد فيه بيموت وقاعد بس يعلى صوته

زيادة حالات النصب والسرقة والنهب ... كل واحد يحرص على حاجته ، هيا الحكومة كمان هتعين حارس لكل واحد ولا ايه

(بمناسبة الموضوع ده حصل من قريب عندنا في المحافظة حالة سرقة بس كانت غريبة جدا .. الحرامي دخل البيت وكل الى عمله انه دخل على التلاجة مخلاش فيها ابيض ولا اسود والتموين بتاع البيت اخده بس)

وفي النهاية هختم بصورتين
عن خبرين حدثوا في نفس اليوم .. يعبروا عن حالة التناقض والانحدار اللى عايشة فيه البلد

الاولى : الحكم (عسكريا)بالسجن على 25 من الجماعة اياها في القضية اياها ( مقيدون )


الثانية : الحكم (مدنيا) ببراءة هاني سرور وكل من معه في قضية اكياس الدم الملوثة (الراجل متظبط وبيشرب السيجارة)



9 شاركونى:

صاحب المضيفة يقول...

حسبنا الله ونعم الوكيل


لا تعليق بعد ذلك

dr. Ahmed Sakr يقول...

دعا ائتلاف "مدونون ضد الحزب الوطني" المنظَّمات الحقوقية والمهتمة بالعدالة إلى عقد محاكمة شعبية عاجلة لأربعين من قيادات ورموز ومساعدي الحزب الوطني الحاكم بتهمة قيادة وتمويل حزب محظور شعبيًّا، وانتهاك القانون والدستور، والاعتداء على السلطة القضائية والانقلاب على النظام العام الذي ينظِّمه الدستور المصري.

Unknown يقول...

اللهم انا نبرا اليك

انت حسبنا ونعم الوكيل

jejemam55@gmail.co يقول...

والله من كتر الظلم اللى الواحد عيش فيه وشايفع ولامسه

خايفه من عذاب ربنا لينا عشان صمتنا

اللهم اعفو عنا وعلى نصرةالحق اعنا

khobayb يقول...

ليه بقى ؟؟؟

"حتى إذا أخذه ..

لم يفلته" !

Unknown يقول...

لخصتي كل اللي منكن يتقال بالصورتين اللي حطتيهم في الاخر
اللهم فك قيد اسرانا

"النجم القادم" يقول...

حسبنا الله ونعم الوكيل

ولاتحسبن الله غافلاً عما يعمل الظالمون انما يؤجلهم ليوم تشخص فيه الابصار

جزاكى الله خيرا اختى الفاضلة

وبارك الله فيكى واعزكى بعزة الاسلام

بنت أبيها يقول...

صاحب المضيفة

نعم فلا تعليق بعدها

-------------------------------------

حطم القيود

اللهم آآآمين

--------------------------------------

من القلب

فعلا لانه تصديقا للآية ظهر الفساد في البر والبحر بما كسبت ايدي الناس

فبذنوبنا ومعاصينا ظهر ما هو موجود

-------------------------------------

خبيب

؟؟

-------------------------------------
nesreen

يا هلا بيكي يا سكراية في المدونة في اول زيارة

اللهم آآآآمين

-------------------------------------

النجم القادم

اهلا وسهلا بحضرتك في المدونة كأول زيارة

الفقيرة إلى الله أم البنات يقول...

كيف حالك يا صغيرتى
هو الكيل بمكيالين
هذا هو سلو الحكومه..وسلو كل الساسيين
الحرامى لما يفرجوا عنه عداله
والامين لما يحبسوه..عداله
مهو الحكايه هى
وجهات نظر
دمتى بخير يا صغيرتى