الحياة مليئة بالصدمات

والتى يختلف تاثيرها من فرد لاخر على حسب تقبله لها وعلى حسب قربه

فالرسوب صدمة

خسارة صفقة صدمة

خيانة صديق صدمة

مشاهدة حادثة صدمة

خلافات عائلية صدمة
ودايما اكبر صدمة عند اى انسان هي صدمة الموت


وخاصة اذا كان قريب له او صديق عزيز عليه او احد اولاده


فهى الصدمة الوحيدة التى تجعل الانسان يقوم بعمل وقفه ويفكر فى الامر


ويفكر فى حاله ويعيد حساباته


ويعمل زى فورمات للمخ

وتكون بمثابة اختبار

ولكن ليس الكل يقوم بعمل ذلك


لكن هل فكرت للحظة انك قد تموت اليوم


واليوم لن اكلمك عن معاصيك وانصحك بالبعد عنها والاستغفار


لكن هكلمكم عن نقطة تانية


تخيل انك اتخانقت او زعلت والدك ـ اختك ـ اخوك ـ عمك ـ عمتك ـ خالتك ـ خالك ـ صديقك ـ جارك


وتانى يوم مات





هتندم كتير صح


وليه تخلى نفسك تندم


حط فى ذهنك دايما ان مفيش اى حاجة فى الدنيا تستاهل انك تخسر عشانها حد من اللى فاتوا

إلا اذا كان مش كويس وعاصى وبلا اخلاق

21 شاركونى:

ا بـن عــمــر يقول...

عندك حق
لابد ان نقرأ هذه الرسائل
الربانية

آلام وآمال يقول...

صدقتي والله
وساعتها للأسف الندم ما ينفع ولا يفيد
بس بيكون حسرة

يارب محدش فينا يقف الموقف ده ابداااا

تحيتي ليكي

محمد عبدالجليل يقول...

فعلا انا حصلي الموقف ده بس مكنش زعل
هيا كانت عايزاني اقعد معاها ومنزلش
بس انا نزلت ولما رجعت لقيتها ماتت
هيا كانت جدتي
بس والله مكنتش تعبانه ولا حاجة
كان يوم عادي جدا
انا لله وان اليه راجعون

Eman يقول...

لسلام عليكم أختي الحبيبة

مشتاقين والله

فعلا كلامك سليم وساعتها حنقول لاينفع الندم

ربنا مايجيب زعل

الطائر الحزين يقول...

كلامك مضبوط

لكن احيانا ناس تزعل منا بدون قصد منا

يعنى المشكلة لو ان الواحد فينا بيبقى قاصد يزعل اللى ادامة ويركب دماغة كمان


اللهم اجعلنا بارين بكل من حولنا


تحياتى

عصفور المدينة يقول...

بعض الناس ضد الصدمات وهم قسمان قسم لا تهزه الصدمات لأن مشاعره قد ماتت
أما القسم الثاني فهم متعلقون بربهم ويعلمون قيمة هذه الحياة ولا تهزهم الصدمات

أما البقية فيحتاجون بين الفينة والفينة لمثل هذه الصدمات وهي تكون من نعم الله عليهم لإفاقتهم

Hosam Yahia حسام يحى يقول...

يارب متعرض للموقف ده

ابدااااااااا

خبيب يقول...

ًصدقت ..
ولذلك المسألة مرهقة ومستحيلة إذا كنت سأعيش حياتي بالـ"مواقف" : ألاحظ تصرفاتي في كل موقف وأتطبع بالسلوك الحسن

لا بد أن يتحول الأمر عندي إلى طبع ، إلى فعل تلقائي لا إرادي ، وهو ما يحتاج إلى تعويد وتدريب مع كل الناس وفي كل المواقف

نقطة أخرى ، كون الموت مباغتا لا يعني أبدا أن أستعد له دوما بكثرة الصلوات أو القراءة فحسب ، وكأن الموت في الصلاة هي الميتة الوحيدة التي يُقبَلُ عليها المرء !

أتصور أن الموت في ميدان الجهاد ( بالكلمة أو الفعل أو السلاح ) أطيب وأحب أن يبعث المرء عليه

نسأل الله لنا ولكم شهادة في سبيله

حطم القيود يقول...

حبيبتى بنت ابيها
ازيك ياقمر...وحشاني
الموضوع بتاعك زادنى الما
لان بمر بحاجه زى كده...بس للاسف مش قادره اتصرف
لعلها رساله ربانيه
ربنا يعافينا من اي حاجه زى كده تحصل

في حفظ الله ورعايته،،،

sa7afia_rwsha يقول...

مش هقول غير جملة واحدة
كلامك دخل قلبى وكله صح
شرفينى فى بيتى
سلام

ابن حـجـر الـعـسـقـلانـى يقول...

كلمات جميلات جدا .. لقد ذكرتنى تذكرة كنت فى حاجة إليها

جزاكى الله خيرا و جعل ذلك فى ميزان حسناتك

ام البنات يقول...

جزيت خيرا"
واجمل شئ تظبيتك المستمر
بوركت يا صغيرتى

Barrak يقول...

صح لسانك

حائر في دنيا الله يقول...

الحياة لا تتركنا دون صدمات
يعقبها أفراح

ثم صدمات

و"مع العسر يسرا" أي يأتي العسر ومع يسر ويسر ويسر

المهم أن لانفقد الأهم في العسر حتى نجده في اليسر

لك تحياتي
السلام عليكم

صوت من مصر يقول...

قبل اى شىء الموت بيفكرنى بجمله هى كلنا هنموت فلا تزعل على من اختاره الله فهو المالك

صاحب المضيفة يقول...

النبي صلى الله عليه وسلم تعوذ بالله من قضية الموت

وهو دايما الموت ده مش حلو لكل بني ادم لان كل واحد بيحس انه مش مستعد للموت

لكن لا نملك الا الدعاء

يارب تحسن ختامنا على خير

أمين

MĕŢø & ŘǿŖêĔ يقول...

صدقتي والله
واخيرا تكون الحسرة والندم هي الملجئ الوحيد

لا حول ولا قوة الا بالله
الله قادر ان لا يضعنا في هذا المكان
بوركت

روري

شــــمـس الديـن يقول...

السلام عليكم و رحمة الله و بركاتة

مرررت بمصيبة الموت في اعز الناس علي اي شخص ... و الحمد لله ربنا الهم الصبر من عندة فقط

فيه ناس للاسف الموت بالنسبة ليهم مش واعظ

و دي اكبر كارثة في رايي

عامة مقولة مشهورة ( تقريبا لجبريل علية السلام ) و الله اعلم

عش ما عشت فانك ميت ... و احبب من شئت فانك مفارق

بنت أبيها يقول...

ابن عمر

تمام .. ونقدر نقول برضوا نستعد ليها

-------------------------------------

آلام وآمال

ما بينفع خالص ساعتها الندم

يا رب

-----------------------------------

محمد عبد الجليل

فعلا الموضوع ممكن يجى فجأة

وممكن يجى مش لكبار السن بس ممكن لصغار السن كمان

يعنى ممكن صاحبك تكون معاه النهاردة تانى يوم تسمع انه توفى.

-----------------------------------

ميمو

اخباراتك ايه يا قمر

شو عملتى فى الامتحانات .. يا رب تكون خلصت

مستنياكى ع الماسنجر

------------------------------------

الطائر الحزين

صحيح الموضوع ممكن يجى من غير قصد

لكن نحاول على قدر المستطاع

ونتفادى العمد

-------------------------------------

عصفور المدينة

استاذى الفاضل

تمام ناس بقى عندها مضادات الصدمات بلامبالاة

وناس تحتسب وتصبر

وناس فى دنيا تانية .. بتفوق عليها

ربنا يجعلنا من المحتسبين الصابرين

------------------------------------

حسام يحيى

آآآآآآآآآآآمين يا رب

-----------------------------------

خبيب

نظرت للموضوع من زاوية مختلفة اثرت الموضوع

جزاك الله خيرا ع المرور والاضافة

-----------------------------------

حطم القيود

بنت بلدى .. فينك يا قمراية

ربنا يثبتك وينير بصيرتك

ما التجربة الا للتعلم

-------------------------------------

صحفية روشة

يا هلا يا هلا بيكى فى اول زيارة للمدونة

-------------------------------------

ابن حجر العسقلانى

سعدت بأن افدتك كثيرا

-----------------------------------

ام البنات

بفرح كتير لما بتعلقى عندى

ربنا يعينى دائما على التظبيط .. دعواتك

-----------------------------------

barrak

مشكور ع المرور يا شاعر الكويت

---------------------------------

حائر فى دنيا الله

تمام .. جوزيت خيرا ع الاضافة واثراء الموضوع

----------------------------------

صوت من مصر


اهلا وسهلا بحضرتك فى اول زيارة ليك فى المدونة

جميل الكلام .. انما انا اقصد ليس الاعتراض على قدر الله سبحانه وتعالى وانما الندم على ان اخر مرة شفت فيها الشخص ده اتخانقت معاه اتخاصمتوا زعلتو من بعض كده.

مشكور ع المرور

-----------------------------------

صاحب المضيفة

آآآآمين اللهم احسن خاتمتنا جميعا يارب

-----------------------------------

رورى

سعدت بزيارتك كتير جدا

آآآآمين يا رب

-----------------------------------

شمس الدين

اهلا وسهلا بيكى يا قمر فى اول زيارة ليكى فى المدونة

تعرفى سعدت كتير انك زرتى مدونتى .. كنت بتابع مدونتك من وقت للتانى

الحمد لله الذى الهمك الصبر

فعلا مشاهد كتير شفتها ووجدت ان الموت بيكون اكبر مصيبة بيمر بيها الانسان

ربنا يلهمن الصبر عند الصدمة الاولى

3abdo me7tas يقول...

أولا ربنا يرحم الجميع
طبعا انا عارف كلامك كويس اوى وحاسه اوى اوى
لانى جربته قريب ويا رب تكون آخرها
ساعات بقعد أقول انا مش اديت ليها حقها فيا
كان نفسي تكون معايا علطول
لاكن القدر
أخدها منى فى لحظة والله كانت صدمة صدمة كبيرة اوى
ربنا يرحمها
ربنا يرحم الجميع
بقى انا قلت أدخل هنا عشان أظبط دماغى زى ما انتى كاتبه لقيتك قلبتى عليا المواجع

بنت أبيها يقول...

عبدو محتاس

وليه متقولش انها رسالة جات من ربنا انك تفتح المدونة ع الموضوع ده وانا فى نفس الوقت كنت بكتب بوست جديد

اقرا البوست الجديد هيفيدك اكتر

وتقبلى تعازى فى الفقيدة ربنا يرحمها

معلش جات متاخرة بس مش بتابع الفترة دى .. لكن قريبا اعود للمتابعة ان شاء الله