لما تكون عايش سنين مع اشخاص واكلت وشربت معاهم

وبعد السنين دى كلها ... تفاجأ انك تشوفهم بشكل تانى

بشخصية تانية

كأنك كنت عايش فى كوكب تانى

وتبدأ تتعرف عليهم من اول وجديد

وانت فى حالة

صدمة

20 شاركونى:

Bella يقول...

بتحصل كتير لدرجة اصبحت لاتشكل صدمة

الناس الوحشة اصبحت كتير لدرجة ان الواحد دايما متوجس ومتوقع انه ح يتفجع في حد كان فاكرة كويس وح يطلع وحش

احساس سخيف قوي

ولكن بمرور الوقت بتعتادي عليه
فلاتضعي عشم كبير جدا في الناس

يعني ضعي لنفسك مساحة من توقع الاسوأ حتى لو حدث لاسمح الله لاتكون الصدمة كبيرة

تحياتي

الطائر الحزين يقول...

ليست صدمة

لاننا مهما يكن لم نتطرق الى كل الجوانب الشخصية ولم تحدث لنا بالطبع كل المواقف التى نستطيع الحكم بها

وفى الأخر مهما كان هناك توافق واتحاد الا اننا شخصان وليس شخص واحد

بارك الله فيك

خليكى قوية و لا يؤثر ذلك على علاقتك بالأخرين او على هولاء الاشخاص أنفسهم


تحياتى

عصفور المدينة يقول...

رجاء زيارة تدوينة
عمرة في رمضان


عندي وفيه حوار في التعليقات حيعجبك حول هذا الموضوضع

DR.HAMAS يقول...

أختنا الكريمة

لا تنصدمى

من هذا الكثير

لكن أفضل شئ

ألا تتغيرى أنتى

و اثبتى على صورتك الجميلة



د.حمـــــــاس

Dr.khaled يقول...

ببساطة نقول:
اللهم يا مقلب القلوب ثبت قلوبنا على دينك :)

نقطة مية يقول...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

د/ أحمد عامر يقول...

أهدي لك أختي كلمة قرأتها لما مررت بما مررتي به
أحبب أخاك هونا ما عسى أن يكون عدوك يوما ما
و أبغض أخاك هونا ما عسى أن يكون حبيبك يوما ما
.............
لك تحياتي

صاحب المضيفة يقول...

الوحش ان الواحد بيحس ان اللي حواليه بيضحكوا عليه

احساس وحش جدا

ربنا يعافينا

وربنا يرزقنا باصحاب حلويين وكويسين

دمت بخير

بنت أبيها يقول...

bella

منورانى دايما

لا طبعا مش لما تكون من ناس عيشتى سنين معاهم ومتربية معاهم كمان

لو صحاب كنت قلت ماشى

-------------------------------------

الطائر الحزين

اكيد طبعا لن نتطرق الى كل جوانب الشخصية بس النسبة الكبيرة بتكون ظاهرة قدامك

جوزيت خيرا بجد على النصيحة

-----------------------------------

عصفور المدينة

اهلا باستاذنا الفاضل

زرتها واستفدت منها وان لم يكن استفادة مباشرة لموضوعى

جوزيت خيرا

-----------------------------------

dr.hamas

مينفعش ما اتصدمش .. والا هكون انسانة معندهاش مشاعر ولا بتحس

انما اكيد الموضوع مش هيأثر كتير ان شاء الله

جوزيت خيرا على المرور والنصيحة

-----------------------------------

خالد

تماااااااااام

آآآآآآآمين

-----------------------------------

نقطة مية

اهلا وسهلا

لا احبذ الاعلانات فى التعليقات وخاصة انه لم يتم التعليق حتى على الموضوع الرئيسى للتدوينة اولا

والا فما فائدة الشات بوكس

-----------------------------------

د/ احمد عامر

كلمات جميلة

شكرا على الهدية

نورت المدونة من تانى

-----------------------------------

صاحب المضيفة

هوه الحمد لله الموضوع موصلش لكده

لكن فعلا احساس فظيع .. ممكن يخليك تفضل العزلة عن المجتمع

ربنا يعفينا فعلا

واهلا وسهلا بحضرتك فى اول زيارة للمدونة

غير معرف يقول...

فعلا بتبقى صدمة وكمان مش زى أى صدمة

بس أهم حاجة خليكى قوية ..والتمسى الأعذار ..فى مرة أخت قالتلى لما كنت زعلانة اوى ومصدومة فى ناس بحبهم جدا فكرى فى الحب فى الله كده صورته هتضيع وحاسبى نفسك والتمسى العذر وبادرى بالصلح والحب فدوما من يقدم الحب يناله حتى ولو بعد حين
وقالتلى كمان المهم ربنا علاقتك بيه ايه ظبطيها وادعيه يصلحلك أخواتك وينزع الشيطان من بينكم ..لانه (الشيطان)أعاذنا الله واياكم يهمه قوى انه لا نستظل بظل الرحمن يوم القيامة..بس ساعتها انا كنت فى وضع صعب ودموعى كتييرة ولكن كلامها صح ..انا بدات بالاصلاح والتماس الاعذار من اجل الحب فى الله ومعذرة الى الله ولانى فعلا احببتهم بصدق ..والله من بعدها الحمد لله اصبحت علاقتنا اقوى والحب فى الله دائما غلاب لان الاجتماع فى الاساس كان على طاعة وبالتالى ربنا هيبارك فى هذة الصحبة ..

انا طولت عليكى معلشى اعذرينى وربنا يزيح همك ويجعلك من سعداء الدنيا والاخرة ودمتى بكل خير ..

مشروع انسان يقول...

سؤال وهل يجب ان تتعاملى معهم
بعد هذه الصدمة
ان كان لا ويمكن ان تتجنبيهم
فبها ونعم
وان كان لا
فصاريحهم
وتكمى معهم
وناقشيهم
واساليهم
اكانوا يصتنعون
فعلهم
ام لم يروا اخطائهم
اعانك الله

Hosam Yahia حسام يحيى يقول...

مدونتك جميله نتمنى مشاركتك على مدونتنا صوت الحريه

نهياوية يقول...

بداية كل سنة وانتي بخير
وياجميل هذا هو حال الدنيا
فلاتحزني ابدا ، ودققي كويس يما تختاري
وربنا يوقكك دوما الي الخير
تحياتي

Abd-Alrahman يقول...

علي فكرة اكيد كلنا اتصدمنهاه كتير في الزمن دة
وبقت دلوقتي بتتسمي تغيير ونيو لوك
وحاجات غريبة
المباذئ بقت بتتغير في ثواني وتتحول في دقايق

بوست هايل ومدونةرائعة
اهنيكي علي امتلاكها
وربنا معاكي

غير معرف يقول...

يبقي انا كنت غلطان

يبقي انا كان اسس حكمي عليهم يفتقد لاشياء كثيرة

يبقي عادي اتأقلم وألملم اوراقي من جديد واعيد حساباتي مع نفسي

يبقي مش استسلم للصدمة

ابن رشد يقول...

بتحصل و الله الزمن مش بيسيب حد و كل الناس بتتغير معلش بقى اتحسبني عليهم

Eman يقول...

أنا ما أتذكر مريت بالموقف دة بصراحة

بس أتمنى ماأمر بيه أبــــــدا

لا أتصدم في غالي ولا غالي يتصدم فيني


ملاحظة: بنت أبيها أنا عاوزاكي في موضوع على انفراد... نتصرف كيف ياترى؟؟

Unknown يقول...

أخلاقنا...اسلامنا
إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله
...................
من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
...................
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
Group Email Addresses
Related Link
http://groups.yahoo.com/group/akhlakona/www.ana-insan.blogspot.com

همسة قلم يقول...

انك تتصدمي بعد فترة فيهم فعلا شئ موجع جدا

لكن اللى يوجع اكتر انهم كانوا بيبقوا عارفين اد ايه بتحبيهم في الله وبتخافي عليهم وهمّا عارفين انهم بيخدعوكي وبيضحكوا عليكي

علشان كده الواحد بيحاول يتعود فعلا انه يطبق المقولة دي
أحبب أخاك هونا ما عسى أن يكون عدوك يوما ما
و أبغض أخاك هونا ما عسى أن يكون حبيبك يوما ما

بنت أبيها يقول...

لا للسكوت

اهلا وسهلا بيكى يا قمر فى المدونة

فرحتنى مشاركتك

لكن متخافيش انا قمت من عثرتى انفض عن ملابسى الغبار لاكمل المسير فى طريقى

--------------------------------------

امام الجيل

اة لازم اتعامل معاهم

لكن الصمت احيانا بيكون مفيد

مش دايما المصارحة بتكون ذات فائدة

جوزيت خيرا ع النصيحة

-----------------------------------

حسام يحيى

ربنا يكرمك .. تمت زيارة المدونة

-----------------------------------

نهياوية

حبيبتى ... فينك كده من زمان يا سكر

اكيد ده حال الدنيا ... ربنا يكرمك

-----------------------------------

dr-online

اهلا وسهلا بحضرتك

اكيد حاجة ناخد بالنا منها

انما اكيد مش كل الناس كده

ربنا يكرمك .. وجوزيت خيرا ع المرور

---------------------------------

مصراوى اوى

اكيد طبعا مفيش استسلام

انما الواحد بياخد وقت لما بيفوق من صدمته .. وبيطلع منها وهوه اقوى

مشكور ع النصيحة

-----------------------------------

shams

اهلا وسهلا بحضرتك فى اول زيارة للمدونة

صحيح .. لكن هدعيلهم بالهداية

-----------------------------------

eman

اهلا وسهلا بيكى فى المدونة يا عثل

ربنا ما يخليكى تمرى بموقف زى ده ابدا خالص

ميلى موجود فى البروفيل يا سكر .. هستنى منك رسالة

----------------------------------

انا انسان

سبحان الله اعلانين فى بوست واحد اول مرة

لكن انا هقتبس نفس ردى على نقطة مية

لا احبذ الاعلانات فى التعليقات وخاصة انه لم يتم التعليق حتى على الموضوع الرئيسى للتدوينة اولا

والا فما فائدة الشات بوكس

-----------------------------------

همسة قلم

روح قلبى ... عاملة ايش .. وكيف اخباراتك كده ؟؟

لا الحمد لله الموضوع موصلش لكده خالص

جوزيتى خيرا ع النصيحة فى الجملتين دول