دعوة لمدونى بنى سويف


لانشاء مدونة جماعية تتحدث عن بنى سويف


الفكرة بدات لما المدون بيجاسوس المصرى كتب تدوينة وذكر فيها مدونين بنى سويف


وكان الاقتراح لانشاء رابطة تدوينية للسوايفية


الفكرة لسه تحت الانشان


يعنى ان شاء الله هنفكر مع بعض للموضوع


يعنى هنخليله راس ورجلين وزراعين


وكده


فكل مدون سويفى متفق معانا وعنده استعداد انه يكون فى هذه الرابطة


يسيبلنا ميله على الياهو


وان شاء الله نتفق مع بعض على ميعاد ونتقابل كلنا على الياهو ونظبط الموضوع


والباب مفتوح لاى اقتراحات مش شرط من مدونين بنى سويف وانما من اى مدون يحب يساعدنا فى فكرتنا

20 شاركونى:

ا بـن عــمــر يقول...

هيه هيه
اول تعليق
فكره جميله
بس محتاجة تظبيط
وأهداف محدده وتخطيط لها جيد

مشروع انسان يقول...

ربنا يوفقكم وتنجح
ان شاء الله
وتبقى بادرة
وتتعمم فى مختلف المحافظات
لو عايزين اى مساعدة انا موجود
ان شاء الله اقدر اساعدكم
بالتوفيق

the others يقول...

والله معنديش تصور ..ولا فكرة ممكن نعمل ايه سوا بس نفكر مع بعض مفيش مشاكل

عصفور المدينة يقول...

مدونين صعايدة إيه الحزبية دي
لا والإمام بيقولك تتعمم على كل المحافظات
:)

أهم حاجة فعلا التصور الأهداف
بس لو حتبقى محلية كدا يبقى لازم أهداف محلية

بيجاسوس المصرى يقول...

السلام عليكم اولا
ازيك يا بنت أبيها و اخبار كل اللى فى الوحدة عاملين ايه
الفكرة دى ياريت نتفق عليها بجد لانها هتبقى جميلة جدا جدا و هنقدر نوصل كل حاجة للناس و ننقل مشاكل محافظتنا
بس اتمنى ان الكل يوافق عليها بجد لانى بعت لناس كتير و زى ما كنت بكلم نفسى محدش رد عليا خالص
و انا تحت امرك فى اى وقت بس قبلها بمدة لانى مقيم حاليا بالقاهرة لانهاء اجراءات للعمل بأذن الله
و يارب كل مدونين بنى سويف يتفقوا عليها لانها بجد هتكون حاجة كويس جدا جدا و نتفق على اهداف اوليه و قد تكون لمرحلة معينة بأذن الله لتنفذها
الاميلات بتاعتى كلها موجودة على المدونة
سلام عليكم

khobayb يقول...

أعتقد المفروض يكون هناك هدف في البداية ، يتبعه تكوين الفريق أو إنشاء الرابطة

يعني ماذا نهدف من وراء رابطة مدوني بني سويف ؟ أو غيرها من روابط المدونين ؟

تفعيل قضية ما ؟

حينما نحدد الهدف في البداية ، يستمر الفريق

مجرد رأي

كدا وبتاع يقول...

حاضرين يا فندم

الفكرة مبدئيا جميلة لكن محتاجين نتفق رؤيتنا واهدافنا ايه

الميل بالمدونة

تحياتي ،،،

http://kasperb4.blogspot.com/ يقول...

ربنا يوفقكم ويتمم لكم الفكرة على خير

لكن اللي مش سويفي ممكن يساعدكم بإيه؟

jejemam55@gmail.co يقول...

انا جيت اهوه
فكره بجد جميله
وانا معاكم ان شاء الله
انا برده بقول الهدف اولا من الرابطه
طبعا لما الكل يوافق انا متاكده ان هتطلع افكار واهداف رائعه

وايميلى انت عارفاه طبعا

بنت أبيها يقول...

ابن عمر

منور .. واكيد مفيش حاجة بتتعمل من غير ما تتظبط باهداف وتخطيط

شكرا على النصيحة

-----------------------------------

امام الجيل

آمين

ان شاء الله

-----------------------------------

بنت مصر

اكيد طبعا لازم نفكر مع بعض ويكون كل واحد حط تصور عن الفكرة

-----------------------------------

عصفور المدينة

هههههههه

ما هو لازم حزبية

والا التميز هيجى منين

-----------------------------------

بيجاسوس المصرى

اهلا وسهلا

الوحدة تمام

ان شاء الله الكل هيوافق

احنا دلوقتى بقينا خمسة

والبقية تأتى

-----------------------------------

خبيب

اكيد طبعا فيه هدف اننا ننقل لكل واحد مش سويفى .... بنى سويف اجتماعيا وسياحيا وسياسيا وفكريا وطلابيا ... وكل اللى نقدر عليه ان شاء الله

ونظبط ده مع بعض

شكرا على النصيحة

-----------------------------------

كده وبتاع

اهلا بحضرتك

وان شاء الله نحاول نحدد وقت فى اقرب وقت

اول ما نشوف آراء باقى السوايفة

-----------------------------------

آلام وآمال

اهلا بحضرتك

اعتبر ان الموضوع عن محافظتك وفكر معانا وقولينا اقتراحاتك للمدونة الجديدة

-----------------------------------

من القلب

منورة يا قمر

اكيد طبعا

ومنتظرين آراء البقية

حور الجنة يقول...

ازيك يا باشا
وحشتينى

مبدئيا مفيش مانع
بس حاليا باقى اقل من شهر على امتحاناتى
فمش هاكون منتظمة معاكم اليومين دول

إيه إيللي بيحصل يقول...

أنا معنديش تصور عن أهداف أو رؤية لو عندكم مفيش مانع ...

solo_today
ياهو ...

بنت أبيها يقول...

حور الجنة

منورة

ربنا يوفقك .. شدى حيلك

منتظرينك بقى بعد الامتحانات .. ونكون بدأنا فيها وتشاركينا ان شاء الله

-----------------------------------

ايه اللى بيحصل

اهلا وسهلا بحضرتك

يعنى نقدر نقول ان حضرتك معانا

تمام كده

الكل خلاص وافق الحمد لله


مش ناقص غير اننا هنحدد ميعاد

وده قريبا ان شاء الله

غير معرف يقول...

اولا بعد التحيه
وقبل المجمع التدوينى
هناك مدونه جماعيه تتكلم بلسان ابنا بنى سويف ولكنها تحمل مشكلتينى
اولا لايوجد احد يكتب فيها سوا مؤاسسها وينتمى لجماعه الاخوان يعنى يكتب عن الاخوان
فلو تستطيعى ان تفعلى شى وتكون صوت وصدى للجميع فيها لكى
والرابط
http://bensuaf.blogspot.com/
للتواصل مع صاحب مدونه ايه الى بيحصل
تحياتى للجميع

بنت أبيها يقول...

صاحب الرد المجهول

جزاك الله خيرا على النصيحة

اكيد هنتناقش فى الموضوع ده

ونشوف آراء الجميع ايه

إيه إيللي بيحصل يقول...

طيب و أنت داخل مجهول ليه ناوي تنفض !!!
;{

بنت أبيها يقول...

ان شاء الله ميعاد الكونفرس الخاص بالمدونة السويفية يوم الخميس القادم الساعة 9 مساءاً

اتمنى انكم تكونوا موجودين كلكم ان شاء الله

غير معرف يقول...

فكره رائعه ياقمر....ياريت اشارك معاكم بمدونتى....
هى لسه جديده....ع الطريق يعنى
الى مزيد من التوفيق ان شاء الله
انى احبك في الله

غير معرف يقول...

YaKuZaHiTs@HoTmAiL.CoM
WwW.YaKyBlOg.CoM

عصفورالمطر يقول...

أولآ شكرآ على دعوتك الكريمه وطبعآ من غير كلام انا موافق وده الميل
saso.moda@yahoo.com