ذكريات اول زيارة لمعرض الكتاب

مع بدء فاعليات معرض الكتاب كل سنة افتكر اول زيارة ليا لمعرض الكتاب اصلها كانت تحفة جدا

كنت لسه فى سنة اولى جامعة وهروح المعرض مع بنات من الجامعة وكان معايا بنوتة من نفس كليتى لكن اكبر منى

المهم ركبنا بدأ برنامج الرحلة واتعرفنا على معظم اللى كانوا معانا واللى كانت قاعدة جنبى زميلتى من كليتى وقعدنا نغنى ونعمل مسابقات لحد ما وصلنا

وقالوا التجمع فى الاتوبيس 3.15 عصراً



المهم كل مجموعة اتفرقت وبدأوا التجول فى المعرض

وكان اللى بيتجول معايا صاحبتى من كليتى وبنوتين تانين وبعد فترة بقينا انا وصاحبتى

المهم ع الساعة 3.10 بدأنا انا وهيا نروح ع البوابة عشان نخرج واحنا فى طريقنا قابلنا بنات كانوا خارجين ووزملتى شافت معاهم كتاب كانت بتدور عليه من ساعت ما وصلنا

سألتهم جبتوه منين وقالتلى تعالى نجيبه وكانت السرايا مش بعيده قلتلها احسن نأخر ع الاتوبيس قالتلى متخافيش لسه فيه بنات فى المعرض وكان فيه ناس لسه رايحين المصلية

المهم رحنا وكان الكتاب فى آخر السرايا وطلعنا جرى واتلخبطنا فى البوابة وبعدين لاقينا البوابة اللى دخلنا منها

وطلعنا ندور على الاوتوبيس ان احنا نلاقيه ..

ابدا فص ملح وداب
وقعدنا نروح لحد آخر اتوبيس

ونرجع تانى لحد البوابة واحنا مش مصدقين طبعا ان الاوتوبيس يكون سابنا ومشى

المهم بعد كام لفة رايح جاى ايقنا ان الاتوبيس فعلا سابنا ومشى
قعدنا انا وهيا ناخد نفسنا ونفكر فى وضعنا الحالى

والحمد لله ربنا كان رزقنى بصاحبة توتر وعصبية المهم شيلتنى معاها الهم هنوصلهم ازاى

لان كان فيه فقرة مفاجأة بعد المعرض منعرفش عنها حاجة

وقعدت اقولها يا بنتى احنا نركب مواصلات ونروح احسن

(آل يعنى خارجين من المعرض معانا فلوس)

وهيا مش راضية .. عايزة توصلهم

المهم المضحك فى الموضوع ان قبل ما الاتوبيس يبدأ الرحلة المشرفة ع الرحلة قالت يا جماعة خدوا ارقام موبايلات بعض وكده

خصوصا ان كان فيه ناس متعرفش بعض زى حالاتى انا وصاحبتى

وانا ساعتها مكنتش جبت الموبايل لسه فكبرت دماغى ..

لسه هكتب والنظام ده المهم .. بعد حبة توتر منها وروقان منى يزيدها عصبية

قولتلها تعالى نتصل بوالدى هوه عارف زوج المشرفة وكان طالع معانا المهم طيب هنتصل منين ...

مش معانا فلوس ولا كارت ميناتل

رحنا على اقرب كابينة تليفون ولاقينا واحدة بتتكلم فيها استنينا لما خلصت

وطلبت منها اننا نستخدم الكارت بتاعها فى حالة طوارئ حقيقى

كانت ذوق جدا لما عرفت القصة وسابت لنا الكارت

المهم اتصلت على والدى وقلتله القصة وقلتله اتصل على عمو فلان عشان يتصرف

قالى طيب اتصلى عليا بعد شوية وبعد الشوية اتصلت بيه قالى انه هايجى ..

واحنا بس نفضل واقفين قدام البوابة اللى دخلنا منها وادانى رقمه عشان ابقى اتصل عليه

المهم قفلت معاه واتصلت على عمو قالى انتوا فين قلتله قدام البوابة متحركناش طيب احنا جاين فى عربية ملاكى لونها كذا ( مش فاكرة المواصفات اللى كان قالها )

قلتلوا ماشى مستنينكم وبعدين بدأ يوصينى نظام انى صغيرة وكده متخافوش احنا جايلكم بسرعة ..

واوعى حد يقولكم انا اروحكم والنظام ده حقيقى كنت ببتسم وهوه بيوصينى ...

وانا اقوله متخافش هوه احنا صغيرين رحت انا وزميلتى وقعدنا قدام البوابة من برة عند الطريق ...

وعلى اقرب عربية وقعدت المهم اللى هيجوا بسرعة جم بعد المغرب وكان الجو ليل والمنظر كان روعة وتحفة ..

وبجد كنت مستمتعة بالجو وصلوا الحمد لله .. ورحنالهم كانوا فى الهرم ووصلنالهم ع العشا

وهناك بقى كانت المفاجأة الكبرى ان محدش عرف اننا مفقودين غير لما دخلنا عليهم وبيسألونا انتوا كنتوا فين

وطبعا كل مجموعة تقعد تسألك ايه اللى حصل ومستنية تحكيلها القصة من المبدأ للنهاية

القصة حكيتها حوالى بتاع اربع مرات

بس بجد الرحلة كانت تحفة جدا واللى كان مخليها كده الموقف بتاع الاتوبيس

ده كفاية انها الزيارة الوحيدة لمعرض الكتاب اللى فاكراها بتفاصيلها ومش هنساها

عشان كده يا جدعان اللى يحصل معاه ان الاتوبيس يمشى ويسيبه

يستمتع باللحظة لانها هتكون اجمل حاجة حصلتله فى الرحلة كلها

:)

حصار مقابل حصار

حصار مقابل حصار .... قاطعوهم ليرفعوا الحصار عن قطاع غزة

لكن حصارنا سيكون مدى الحياة

اين نحن من المقاطعة

بدأنا نتهاون فيها ... وننساها

أما هم فلا ينسوا ابدأ تجويع وحصار وقتل وتدمير شعبنا

كن حريص على المقاطعة حتى فى ابسط المنتجات واقلها سعرا

اذا كنت لا تسطيع دعم المجاهدين .....

فلا تدفع ثمن رصاصة للصهاينة المجرمين

اخواننا يقتلون بأموالنا ... قاطعهم

ابتعد عن المعاصى .. وادعو الله الا يؤاخذهم بذنوبنا

لماذا استجاب المسلمون لفتوى مقاطعة منتجات الدانمرك وتباطئوا فى مقاطعة المنتجات الأمريكية

خطوات عملية لنصرة فلسطين

لا تتكاسل

فالامور تتفاقم

سلسلة التظابيط ... ــ2ــ

Just Smile

نعم انها دعوة للابتسام

واجعلها شعارك

مهما كانت الظروف كن مبتسم

لتكون متفاءلاً

التفاؤل يكون نتيجة لشعور بالرضا والطمأنينه

ولكى تكون متفاءل لابد ان يكون لديك رضا بالقضاء والقدر وطمأنينه لاحوالك

فحقاً الشعور بالطمأنينه والرضا

شعوريجعلك تشعر ان فى قلبك حب كبير لكل من حولك وما حولك

شعور يجعلك تمشى وانت تشعر انك تطير غير قلق مما قد يحدث

شعور يجعلك تشعر بمعية الله سبحانه وتعالى معك

اينما كنت واينما ذهبت ومهما حدث

شعور يجعلك تشعر بالسعادة دائما

شعور يجعلك تشعر بجمال الكون من حولك

اذن كيف تتخلى عن كل ذلك

انها خطوات بسيطة

اولها : كن على يقين وثقة كاملة ان رزقك لن يأخذه غيرك فقط اسعى إليه .

ثانيها : توكل على الله ولا تتواكل .

ثالثها : اجعل لنفسك جلسة فضفضة ودردشة مع الله سبحانه وتعالى (مناجاة) .

رابعها : اجعل لسانك رطب بذكر الله .

خامسها : كن صبورا وبالتالى قليل الشكوى

لان كثير الشكوى دائما متذمر وغير راضى عن حاله

سادسها : قم بعد ساعة من الاستيقاظ وعدد ما الاشياء التى جعلتك سعيدا فى هذه الساعة

وكرر هذا التمرين يوميا ... وتذكر حتى ابسط الاشياء

وبداية طريقك للتفاؤل والسعادة هو الابتسام

وبالتالى

فقط ابتسم

Just Smile

سلسلة التظابيط ... ــ1ــ

قبعات التفكير الست

القبعة السوداء : قبعة التفكير التشاؤمى أو التحذيرى .

القبعة البيضاء : قبعة التفكير المحايد أو قبعة الحقائق والملعومات المجردة .

القبعة الصفراء : قبعة التفكير التفاؤلى أو الايجابى .

القبعة الخضراء : قبعة التفكير الإبداعى وطرح البدائل.

القبعة الزرقاء : قبعة التفكير المنظم او الموجه أو الشمولى .

القبعة الحمراء : قبعة التفكير العاطفى .

بـــــدل قــبـعـتـك

امتى استخدم القبعات ؟؟؟

بتستخدم القبعات فى حالة واجهتك مشكلة وتريد حلها أو التفكير فى أمر ما مشرو جديد على سبيل المثال ، أو تغيير إجراءات عملية ما ، أو تطوير جهاز معين ، أو التخطيط لبناء منزل للأسرة أو غيرها من الأعمال التى نريد أن يكون تفكيرنا فيها شموليا وإبداعيا متوازياً فى نفس الوقت .

لنبدأ بالحديث عن الفروقات بين الأنماط الستة أو ألوان التفكير الستة:

القبعة البيضاء :

وهى تشير إلى النمط المحايد ، والمقصود به هنا عملية جمع معلومات حول موضوع التفكير ، مكان إقامة المشروع أو الفكرة ، الأسعار والكميات والتكاليف ، معلومات حول البيئة المحيطة والظروف المحيطة ، معلومات حول مشروعات مشابهة إن وجدت ، لاحظ ان مثل هذه المعلومات محايدة لا إيجابية ولا سلبية .. ولذلك اخترنا اللون الابيض

• 
  

القبعة الصفراء :

تشير إلى التفكير الإيجابي وهى مأخوذة من لون الشمس رمز النماء ومصدر الطاقة ، وعند إرتداء القبعة الصفراء نفكر فى الجوانب الإيجابية للفكر ، كيف تزيد هذه الفكرة من دخلنا على سبيل المثال أو كيف تحسن من ظروف العمل والحياة

• 

القبعة السوداء :

تشير إلى التفكير التشاؤمي وعند إرتدائها ، وكثيرا ما نرتديها دون ان نشعر ، نفكر فى الجوانب السلبية للمشروع ، الخسائر التى يمكن ان نتكبدها والصعوبات التى سنواجهها .. وهى تعتبر عامة مؤشر التحذير لديك

القبعة الحمراء :

تشير إلى التفكير العاطفى ، وعند إرتدائها نفكر فى المشروع بشكل عاطفى صرف ، من حيث حبك له او كرهك له ، دون النظر إلى العوامل المنطقية والإيجابيات والسلبيات ، ما هى العواطف التى تدفعك لخوض غمار هذا المشروع ، ما هي المتع الى ستجنيها نتيجة لذلك ، هل تشعر بمشاعر فخر او اعتزاز أو غيرها عند دخولك او تبنيك لمثل هذا الامر .

القبعة الخضراء :

ترمز إلى التفكير الإبداعى وهى مأخوذة من لون الأشجار وما فيها من معاني الإبداع والتجديد ، عند ارتدائها نبحث عن افكار جديدة لم يسبق أن طرقت ، فمثلاً نفكر فى أصل الموضوع ، المشروع ، المشكلة ، لماذا لا نبحث عن مشروع يمثل فكرة جديدة ورائدة ؟ ثم يمكن ان نفكر فى السلبيات كيف يمكن ان نتجاوز هذه السلبيات بشكل إبداعي ونحولها إلى إيجابيات ؟ كما يمكن أن نفكر فى مزيد من الإيجابيات التى يمكن أن يضيفها المشروع ؟ ثم نفكر بشكل إبداعى عن دور العواطف والمشاعر فى إنجاح هذا المشروع ؟ وهكذا تتفتح لنا آفاق جديدة للتفكير يمكن أن توصلنا إلى أفكار لم يسبق لها مثيل

القبعة الزرقاء :

ترمز إلى التفكير الشمولي ويأتى دورها للتحقق من استعمال جميع أنماط التفكير الداخلة فى تعريف التقنية ، فقبل إنهاء عملية التفكير يطرح السؤال هل استخدمنا جميع الأنماط ؟ هل هناك نمط يحتاج إلى مزيد بحث وتفكير فيه ؟ وبناء على إجابة السؤال يتم إما إيقاف عملية التفكير أو استكمالها

ازاى أبدل بينها واستخدمها ؟؟؟

يفضل أن تطبق تقنية القبعات الست + الزمن فى فريق يتم تشكيله للتفكير ويمكن تطبيقها بشكل فردى إن لم يتسر وجود فريق

يقوم رئيس الفريق فى البداية بتحديد الموضوع المراد التفكير فيه

ليس هناك قبعات حقيقية ولكن على رئيس الفريق بتذكير فريقه بنمط التفكير ولونه بين الحين والآخر

يبدأ أولا بالقبعة البيضاء لجمع المعلومات ويستحسن ان ينتقل إلى الصفراء لبحث الجوانب الإيجابية

دور رئيس الفريق سيكون تحديد متى يتم الإنتقال من نمط إلى آخر ، ليس هناك ترتيب ملزم للتنقل بين الأنماط ، ولكن يفضل الإبتداء بالأبيض ثم الأصفر ويترك الأخضر والأزرق فى النهاية ، عند التفكير بالأزرق يكون التركيز فقط على التأكدمن شمولية عملية التفكير لجميع الأنماط.

بعد التفكير بالأزرق يطرح البعد الزماني للموضوع ويناقش ما إذا كانت الأفكار المطروحة تناسب زمانا محدداً وماذا لو تم تغيير الإطار الزمنى للتفكير ، كيف يمكن أن تتغير النتائج ؟

يستمر العمل حتى إنتهاء الوقت المحدد أو استكمال جميع الأنماط ، الأفكار المطروحة فى كل نمط يتم جمعها على ورقة منفصلة .

دور رئيس الفريق مهم جداً فى التذكير دائماً وإثارة الجو النفسى المصاحب لألوان التفكير كما هو من الأهمية كذلك دوره فى النظرة الشمولية والتنقل بين الأنماط وبينها والإطار الزمنى .

صدمة

لما تكون عايش سنين مع اشخاص واكلت وشربت معاهم

وبعد السنين دى كلها ... تفاجأ انك تشوفهم بشكل تانى

بشخصية تانية

كأنك كنت عايش فى كوكب تانى

وتبدأ تتعرف عليهم من اول وجديد

وانت فى حالة

صدمة

مدونتى الاخرى

مدونتى الاخرى

خبر وتعليق

http://t3leq.blogspot.com

ادعوكم لزيارتها والتعليق على الاخبار

اهداء للحكومة بمناسبة العام الجديد

هديتى للحكومة بمناسبة السنة الجديدة

منفضة

عشان تكون لايقة مع سياسية التنفيض اللى بتتبعها الحكومة اليومين دول

لزوم الشياكة والاتيكيت بقى

بس صراحة قعدت ادور على النت على صورة لمنفضة

مش لاقيت خالص

لكن اللى لاقيته منفضة سجائر

تنفع



بس برضوا لايقة مع السياسة الجديدة

صح

حالة شعرية ملخبطة .. وطفحت

ولاد بلدى ناس مبدعين ومبتكرين

جواهم مواهب كتير مستخبية

وقت الشدة ووقت الزنقة

تلاقى كله طلع وميه ميه

بس عيبهم انهم على رزقهم مستعجلين

وابداعاتهم فى صفحة الحوادث بيها متظبطين

ليه يا ابن بلدى دماغك النضيفة دى

تخليك تروح فى سين وجيم

كلنا عارفين ان ظروف البلد متهببة وزفت الطين

بس دماغك ممكن تخليك تروح فى الله ينور عليك يا كبير

انت بس ظبط دماغك ... تتظبط حياتك

الى اين يذهب عالمنا العربى والاسلامى

مع استماعى لخبر اغتيال بى نظير بوتو حزنت ووجدت شريط الاحداث العنيفة والدموية - التى بدأت تحدث مؤخراً فى عالمنا العربي والاسلامى - يمر أمام ناظرى ...

فهذه تفجيرات الرياض (السعودية)2004

وهذه تفجيرات شرم الشيخ (مصر)2005

وهذه تفجيرات الجزائر 2006

وتفجيرات فى المغرب 2007

وبلدان التفجيرات فيها مستمرة

فلسطين

لبنان

افغانستان

العراق

حتى انك تجد احداث العنف والجريمة بدأت تظهر اكثر فى افلامنا العربية التى كانت قديما معظمها يدور احداثها عن قصة حب تنتهى بعد حل العقبات بالزواج .

كل ذلك يجعلك تدرك أن عالمنا العربي والاسلامي بدأ يتجه تدريجيا ليحاكى العالم الغربي

من انتشار العنف والتصفيات السياسية العنيفة

وكأنها عدوى تنتشر من مكان لآخر

فإلى أين يذهب عالمنا العربي والاسلامي

آلا يمكننا أن نعود بالزمن للوراء

نعود به إلى زمن البركة فى المأكل والملبس والمال والوقت والكثير .

نعود به إلى زمن الروح الطيبة التى كانت تسود المعاملات بين البشر .

نعود به إلى زمن الابتسامة التى تخرج صادقة من القلب وليس نفاقاً .

نعود به إلى زمن خوف الاخ على اخيه وشعوره به .

نعود به إلى زمن خوف الجار على جاره وشعوره به .

نعود به إلى زمن الشهامة والرجولة والشجاعة والتضحية .

نعود به إلى زمن تردد وخوف الإنسان من ارتكاب الذنب والجريمة .

نعود به إلى زمن الضمائر الحية .

نعود به إلى زمن الأمن والأمان .

نعود به إلى زمن الرضا والقناعة .

هل ترانا نعود يوماً إلى هذا الزمن الجميل

من ذكريات العيد

لفيف من الاطفال ينتظرون رؤية الضحية وهى تذبح

مجموعة بتقضى العيد فى تشجيع اما فودافون او الاهلى

صورة ضحية قبل ذبحها ... بس مش اللى كان الاطفال بيتفرجوا عليها ... غيرها

شخابيط سويفية

تم بحمد الله افتتاح المدونة السويفية الجماعية

شخابيط سويفية

ندعوكم لزيارتها ومتابعتها

ونتمنى ان نفيدكم

وكل عام وانتم بخير

حركه قلبه

قال رسول الله صلى الله عليه وسلم

" سَبْعَةٌ يُظِلُّهُمُ اللَّهُ فِي ظِلِّهِ يَوْمَ لاَظِلَّ إِلاَّ ظِلُّهُ "

وذكر منهم

" وَرَجُلٌ قَلْبُهُ مُعَلَّقٌ بالْمَسَاجِدِ "

لم تحمله هذه الأرجل الصناعية ، بل حمله قلبه ..

تـُرى كم من رجل أقعده قلبه ولم تـُقعده رجلاه ....؟

I Know

When any thing going to be bad

I know that you will be with me

When I need you

I know that you will be with me

When I call you

I know that you hear me

When my Brain confuses

I know that you will send a massage to me

So thank you god

For all Blessing

اسالكم الدعاء

اسالكم الدعاء لاختنا صاحبة مدونة بنات افكارى

فهى فى اشد الحاجة الى دعائكم هذه الفترة

نداء الى كل مدون سويفى

دعوة لمدونى بنى سويف

لانشاء مدونة جماعية تتحدث عن بنى سويف

الفكرة بدات لما المدون بيجاسوس المصرى كتب تدوينة وذكر فيها مدونين بنى سويف

وكان الاقتراح لانشاء رابطة تدوينية للسوايفية

الفكرة لسه تحت الانشان

يعنى ان شاء الله هنفكر مع بعض للموضوع

يعنى هنخليله راس ورجلين وزراعين

وكده

فكل مدون سويفى متفق معانا وعنده استعداد انه يكون فى هذه الرابطة

يسيبلنا ميله على الياهو

وان شاء الله نتفق مع بعض على ميعاد ونتقابل كلنا على الياهو ونظبط الموضوع

والباب مفتوح لاى اقتراحات مش شرط من مدونين بنى سويف وانما من اى مدون يحب يساعدنا فى فكرتنا

البعبع

الجيش

اصبحت هذه الكلمة بمثابة بعبع الشباب

فالكل لا يريد ان يدخل الجيش

الكل يتمنى أن يأخذ الاعفاء

الكل يقول لأهله ان يدعوا له بأخذ الإعفاء

وهناك من يتحايل على الامر ولا يكتفى بالتمنى والدعاء

فهناك من يتمارض ويأتى بالشهادات الطبية المزيفة

وهناك من ياخذ برشام ليبدوا ضعيف القلب او ما شابه

وهناك من يتهرب من الجيش

وهناك من يقطع اصبع يده او قدمه

والعديد من الوسائل التى اصبح الشباب يبتكروا فيها

لمجرد أخذ الاعفاء

فلماذا اصبح دخول الجيش بعبع بالنسبة لهم

هل لان الجيش عبارة عن سباب وشتائم وجوع وبهدله ومرمطة

ام ان شبابنا اعتادوا على الترف والراحة والرخاء

ام ان سنوات الجيش ستقطع من عمره وقت يستطيع ان يجهز نفسه فيه ويهؤهل نفسه للزواج

ام ماذا؟؟؟؟؟؟؟

وسؤالى الاخير هوه

لماذا اصبح دخول الجيش بعبع او آفة بالنسبة للشباب؟؟؟؟؟؟؟؟

هل لديكم اجابة